Hacıqabul rayonu

Vikipediya, açıq ensiklopediya
Keçid et: naviqasiya, axtar
Hacıqabul
A-Hajiqabul.PNG
Ərazi 1641.40 km²
Əhali 82.380 nəfər
Əhali sıxlığı 41 nəfər/kv.km nəfər/km²
Nəqliyyat vas. kodu 24
Telefon kodu 994 21
Poçt kodu (Mərkəzi PŞ) AZ2400
Yaşayış məntəqələrinin sayı 30
İcra başçısı Əhməd Muxtarov
İnternet saytı http://haciqabul-ih.gov.az/
Disambig.svg Bu məqalə Hacıqabul rayonu haqqındadır. Hacıqabul şəhəri üçün Hacıqabul səhifəsinə baxın.

Hacıqabul rayonuAzərbaycan Respublikasında inzibati – ərazi vahidi. 1990-cı ildə Azərbaycan Respublikası Ali Sovetinin qərarı ilə yaradılan yeni ərazi-inzibati vahidlərdən biridir.

Şəhər və iri qəsəbələrin adları[redaktə | əsas redaktə]

Rayonda 31 yaşayış məntəqəsi var. Bunlardan 1 şəhər, 1 şəhər tipli qəsəbə, 4 qəsəbə və 25 kənddir. Rayonda 15 inzibati ərazi vahidi, 5 tibb müəssisəsi, 55 mədəniyyət ocağı var.

Sərhəd rayonların, ölkələrin adları[redaktə | əsas redaktə]

Abşeron, Qobustan, Şamaxı, Ağsu, Kürdəmir, Sabirabad, Salyan rayonları, Şirvan şəhəri

Coğrafiyası[redaktə | əsas redaktə]

Hacıqabul rayonu Şirvan düzənliyinin və Böyük Hərmi silsiləsinin cənub-şərq hissəsini əhatə edir. Ərazisinin ovalıq hissəsi dəniz səviyyəsindən aşağıda yerləşir. Neogen və Antropogen çöküntüləri yayılmışdır. Palçıq vulkanları var. Faydalı qazıntıları: neft, qaz, gil, gəc. Yayı quraq keçən mülayim isti yarımsəhra və quru çöl iqliminə malikdir. Orta temperatur yanvarda 2 °C, iyulda 26 °C-dir. Ərazidən Kür və Pirsaat çayları axır. Hacıqabul gölü rayonun ərazisindədir. Boz-qonur, boz-çəmən, şoran torpaqlar yayılmışdır. Bitki örtüyü yarım-səhra tiplidir. Ceyran, qırmızıquyruq qumsiçanı, gürzə, turac və göyərçin məskunlaşmışdır.

Təhsil[redaktə | əsas redaktə]

Hacıqabul rayon Təhsil Şöbəsi 1990-cı ildən fəaliyyət göstərir. Rayonda 33 ümumtəhsil məktəbi, 4 məktəbdənkənar müəssisə, 3 məktəbəqədər müəssisə fəaliyyət göstərir. Ümumtəhsil məktəblərindən 3-ü ümumi orta, 29-u tam orta məktəbdir. Tam orta məktəblərdən biri beynəlmiləl, 2-si məktəb lisey kimi fəaliyyət göstərir. Rayonun tam orta məktəblərindən 10-u rayon mərkəzində yerləşir. 2012-2013-cü dərs ilində rayonun ümumtəhsil məktəblərində 9473 nəfər şagird təhsil alır. Şagirdlərin təlim tərbiyəsi ilə 823 nəfər müəllim məşğul olur. Məktəblərdən 20-i birtipli layihə əsasında tikilmiş binada, 12-i isə uyğunlaşdırılmış binada fəaliyyət göstərir. Son 7 ildə 3240 yerlik 11 yeni məktəb binası tikilmiş, 5 məktəbdə 35 əlavə sinif otağı tikilmiş, 9 məktəbin binası əsaslı təmir olunmuşdur. Belə ki, 2005-ci ildə Udulu kənd tam orta məktəbi üçün 240 yerlik, Qubalı kənd ümumi orta məktəbi üçün 100 yerlik, 2006-cı ildə Qızılburun kənd tam orta məktəbi üçün 240 yerlik, 2007-ci ildə Padar qəsəbə tam orta məktəbi üçün 420 yerlik, 2008-ci ildə şəhər 8 №-li məktəb-lisey üçün 640 yerlik, 9 №-li tam orta məktəb üçün 240 yerlik, 2009-cu ildə Tava kənd tam orta məktəbi üçün 220 yerlik, 2010-cu ildə Qarasu kənd tam orta məktəbi üçün 640 yerlik, Kürçülü kənd ümumi orta məktəbi üçün 240 yerlik yeni məktəb binaları, 2012-ci ildə Pirsaat qəsəbə tam orta məktəbi üçün 180 şagird yerlik və Tağılı kənd tam orta məktəbi üçün 80 şagird yerlik yeni məktəb binaları tikilib istifadəyə verilmişdir. Bundan əlavə, 2005-ci ildə Qarasu kənd tam orta məktəbində 100 yerlik 5 əlavə sinif otağı, 2007-ci ildə Kolanı kənd tam orta məktəbində 120 yerlik əlavə 6 əlavə sinif otağı və Abdulabad kənd tam orta məktəbində 80 yerlik 4 əlavə sinif otağı, 2012-ci ildə Rəncbər kənd tam orta məktəbində 200 yerlik 10 əlavə sinif otağı, Qubalı kənd tam orta məktəbində 140 yerlik 7 əlavə sinif otağı tikilib istifadəyə verilmişdir. Bunlarla yanaşı 2006-cı ildə Navahı qəsəbə 2 №-li tam orta məktəbin, 2007-ci ildə şəhər 1 №-li tam orta məktəbin, 2008-ci ildə şəhər 3 №-li və 6 №-li tam orta məktəblərin, 2010-cu ildə şəhər 2 №-li və Ağacanlı kənd tam orta məktəblərin, 2011-ci ildə Atbulaq kənd tam orta məktəbin binası, 2012-ci ildə Rəncbər kənd tam orta məktəbi və Meynəman kənd tam orta məktəbin binaları əsaslı təmir olunmuşdur. Məktəblərə son 7 ildə 260 müəllim masası, 250 müəllim stulu, 230 yazı lövhəsi, 1700 dəst parta verilmişdir. Həmin müddətdə məktəblərə 365 dəst kompüter verilmişdir.

İqlimi[redaktə | əsas redaktə]

Hacıqabul rayonun iqlimi yarımsəhra əraziləri üçün səciyyəvi olan quru və isti iqlimdir. Burada yay fəsli çox vaxt +40 C-dən artıq olur, qışı isə mülayimdir, qış aylarında temperatur əsasən +6, +12 C həddində olur. Yağıntılar əsasən yazda və payızda düşür. Orta illik yağıntı miqdarı 250–370 mm-dir.

Tarixi[redaktə | əsas redaktə]

Hacıqabul rayonu Kür–Araz ovalığının cənub–şərqində yerləşir. Rayonun mərkəzi Hacıqabul şəhərinin tarixi IX əsrdən başlanır. "Hacıqabul" sözünün mənası "Allah sənin Həcc ziyarətin qəbul etsin" deməkdir. Bu sözün yaranması onunla əlaqədardır ki, bu şəhər müsəlmanların müqəddəs ziyarətgahları olan MəkkəMədinəyə gedən yolun üzərində yerləşirdi. Zəvvarlar bu qədər uzun yolu dayanmadan qət edə bilməzdilər. Buranın şəraiti düşərgə salmaq üçün çox münasib idi.

Əhalisi[redaktə | əsas redaktə]

Tarixi və mədəniyyət abidələri[redaktə | əsas redaktə]

XV əsrdə Şah Abbas indiki Hacıqabul şəhərinin yerləşdiyi ərazidəki eyni adlı gölün sahilində karvansara tikdirmişdi. Şirvanşahlar sülaləsinin hakimiyyətdə olduğu dövrdə burada Mahmudabad şəhəri salınmışdır. Böyük İpək Yolu bu şəhərdən keçirdi. Fars körfəzi rayonuna gedən karvanlar buradan gedirdi. Azərbaycan Elmlər Akademiyasının Arxeologiya və Etnoqrafiya İnstitutunun əməkdaşları Hacıqabul şəhərinin şimal-qərb tərəfində yerləşən Haram dağında üzərində petroqliflər olan siklopik tikili aşkar etmişlər. Aparılmış araşdırmalar nəticəsində məlum olmuşdur ki, bu tikilininyaşı 5 min ilə yaxındır. Bu tikililərin ətrafında aşkar edilmiş daşların üzərində insan və fantastik heyvan təsvirləri var. Alimlər bu təsvirləri eneolit və tunc dövrlərinə aid edirlər.

Rayonda xalçaçılıq sənəti yaxşı, inkişaf etmişdir. Şirvan xalçaçılıq məktəbinə aid edilən, əl ilə toxunan "Sarı xalça" xüsusi marağa səbəb olur. Hacıqabul rayonun ərazisində tarixi – memarlıq abidələri də var. Qubalı Baloğlan kəndində XIII – XIV əsrlərə aid Hüseyn Xanəgahı adlı pir – ziyarətgah, qala divarları, minarəli məscid, karvansara (bunlar hamısı XIII əsrə aiddir), XIV əsrə aid yaşayış binaları, XV və XVIII – XIX əsrlərə aid məqbərələr, Udulu kəndində orta əsrlərdə ucaldılmış müdafiə təyinatlı Qüngörməz qülləsi, Hacıqabul gölünün şərq sahilində XV əsrdə tikilmiş karvansara bu cür abidələrdir.[1]

Rayon ərazisində XI-XIV əsrlərə aid Pir Hüseyn Xanəgahı yerləşir. Pir Hüseyn xanəgahı Azərbaycan Respublikası Mədəniyyət Nazirliyinin 22.01.2004-cü il tarixli müvafiq əmrinə əsasən tarix-memarlıq qoruğu elan edilmişdir. Pir Hüseyn xanəgahının Azərbaycan tarixində və memarlığında böyük əhəmiyyətini nəzərə alaraq Azərbaycan Respublikası Nazirlər Kabinetinin 2 avqust 2001-ci il tarixli 132 saylı qərarına əsasən ölkə əhəmiyyətli memarlıq abidəsi kimi dövlət tərəfindən mühafizəyə götürülmüşdür. Hacıqabul rayonunun ərazisində yerləşən Pir Hüseyn Xanəgahına daxil olan tikililərin inşasına XI əsrin əvvəllərində başlanmışdır. Tikililəri əhatə edən qala divarının XIII əsrdə inşa olunması ehtimal olunur. XIV əsr tarixçisi Vəssaf 1318-ci ildə Qızıl Orda xanı Özbəkin döyüşçüləri tərəfindən xanəgahdan qarət olunmuş qızıl külçələrin, bəzək əşyalarının, qiymətli xəzlərin və başqa dəyərli əmlakın geri qaytarılması haqqında öz sərkərdələrinə əmr verdiyi haqqında məlumat verir. Sovet dövrünün ilk illərində Pir Hüseyn türbəsindən aparılmış kaşılar Sankt-Peterburq Ermitajında və Gürcüstan Dövlət Muzeyində saxlanılır. Xanəgahın yaxınlığında qədim qəbiristanlığın hal-hazırda mövcud olması bu ərazidə vaxtı ilə böyük yaşayış yerinin olduğunu sübut edir. Pir Hüseyn xanəgahında ilkin bərpa işlərinə 1981-ci ildə başlanmış və abidələrin bir hissəsi qismən bərpa olunmuşdur. 2003-cü ildə abidədə yaranmış qəza vəziyyətini nəzərə alaraq Mədəniyyət Nazirliyi Hacıqabul Rayon İcra Hakimiyyəti ilə birlikdə Pir Hüseyn xanəgahının bərpasına başlamışlar. Hazırda iş davam edir.

İqtisadiyyatı[redaktə | əsas redaktə]

Rayon ərazisindən Bakı-Tbilisi dəmir yolu xətti keçir. Uzunluğu 58 km-dir. Böyük İpək Yolunun 82 km-i rayonun ərazisindən keçir. Bu yollar I və II kateqoriyalı yollardır. Rayonun istirahət və turizm zonaları, idman kompleksləri yoxdur. Rayonda 35-dən artıq iri dövlət və şəxsi müəssisə fəaliyyət göstərir. Bu müəssisələrdən ən böyüyü Kür Su Kəmərləri İstehsal İstismar İdarəsidir. 1971-ci ildən fəaliyyətə başlamış, müstəqillik dövründə daha da genişləndirilərək inkişaf etdirilmişdir. Hazırda ətraf rayonları və Bakı şəhərini içməli su ilə təmin edir. İdarədə 500 nəfərə yaxın işçi çalışır. Xətti magistral qaz kəmərləri istehsal idarəsi və Kalmaz Yeraltı Qazsaxlama Stansiyası Respublikanı mavi qaz yanacağı ilə təmin edir. İdarələrdə 300 nəfərdən artıq işçi çalışır. Rayonda dəmir yolu təşkilatı fəaliyyət göstərir. Həmin təşkilatlar respublika ərazisində dəmir yolu nəqliyyatının fasiləsiz və keyfiyyətli hərəkətlərini təşkil edir. "Adışirin" və "Pirsaat" quşçuluq təsərrüfatları Hacıqabul və ətraf rayonları keyfiyyətli quş əti və yumurta ilə təmin edirlər. Həmin müəssisələrdə 400 nəfərdən artıq fəhlə və qulluqçu çalışır. Hər iki təsərrüfatın təməli müstəqillik dövründə qoyulmuşdur.[2]

Bələdiyyələr haqqında[redaktə | əsas redaktə]

Hacıqabul rayonunda 23 bələdiyyə fəaliyyət göstərir.

# Bələdiyyələrin adı Hər bələdiyyə üzrə əhalinin sayı
1 Hacıqabul şəhər bələdiyyəsi 23512
2 Muğan qəsəbə bələdiyyəsi 4275
3 Nəvai kənd bələdiyyəsi 3354
4 Atbulaq kənd bələdiyyəsi 3175
5 Rəncbər kənd bələdiyyəsi 2894
6 Abdulabad kənd bələdiyyəsi 2838
7 Qubalıbalaoğlan kənd bələdiyyəsi 2631
8 Qarasu qəsəbə bələdiyyəsi 2407
9 Nəvai qəsəbə bələdiyyəsi 2293
10 Kolanı kənd bələdiyyəsi 1944
11 Birinci Udullu kənd bələdiyyəsi 1837
12 Talış kənd bələdiyyəsi 1636
13 Şorbaçı kənd bələdiyyəsi 1440
14 Birinci Meyniman kənd bələdiyyəsi 1408
15 İkinci Meyniman kənd bələdiyyəsi 1295
16 Qızılburun kənd bələdiyyəsi 1034
17 Padar kənd bələdiyyəsi 744
18 Axtaçı Şirvan kənd bələdiyyəsi 510
19 Qubalı kənd bələdiyyəsi 430
20 Ələtli kənd bələdiyyəsi 380
21 Ağacanlı kənd bələdiyyəsi 351
22 Tağılı kənd bələdiyyəsi 332
23 İkinci Meyniman kənd bələdiyyəsi 300
24 Cəmi 61020

Rayon ərazisində bələdiyyələr 1999-cu ildən fəaliyyət göstərir.

17 dekabr 2004-cü ildə bələdiyyələrə seçkilər müvəffəqiyyətlə keçirilmiş, 23 bələdiyyəyə 189 nəfər bələdiyyə üzvü seçilmişdir.

Görkəmli şəxsləri[redaktə | əsas redaktə]

  1. Fəxrəddin Nəriman oğlu Məmmədov – Tarix elmləri doktoru, professor.
  2. Miryusif Mirnəsir oğlu Manafov – şair-dramaturq.
  3. Nizami Məmməd oğlu Süleymanov – AMEA-nın müxbir üzvü.
  4. Mirzə Baxış Nadim – Azərbaycan şairi.
  5. Hüseyn Hənifə oğlu İsayev - əməkdar müəllim, şair-dramaturq.
  6. Ramiz Əliş oğlu Həsənov – texnika elmləri doktoru, professor.
  7. Tamella Rəsul qızı Nəsirova – riyaziyyat elmləri doktoru, professor.
  8. Saday Ağalar oğlu Əliyev – tibb elmləri doktoru, professor.
  9. Əliağa Novruzəli oğlu Məmmədov – filologiya elmləri doktoru, professor.
  10. Asif Mikayıl oğlu Cəbrayılov – general-mayor, Azərbaycan Sərhəd Qoşunları Komandanının müavini.
  11. Zivər Sübhan qızı Ağayeva – Azərbaycan şairəsi.
  12. Sara Tofiq qızı Ağayeva – şairə [3]
  13. Çingiz Səfi oğlu İbadov – iqtisad elmləri namizədi.
  14. Əjdər Ol – Azərbaycan şairi.
  15. Əli Pənah oğlu Məmmədov – AMEA-nın üzvü, fizika-kimya elmləri doktoru, professor.
  16. Əlihüseyn Hüseyn oğlu Hüseynov – təyyarə mexaniki, Sosialist Əməyi Qəhrəmanı.
  17. Əzizə Cəfərzadə - Azərbaycan Yazıçısı
  18. Rafiq Mirzəcan oğlu Hüseynov-əməkdar artist.
  19. Vidadi Axundov-M.F.Axundov adına Gürcüstan-Azərbaycan xeyriyyə cəmiyyətinin sədri
  20. Elxan Kərim oğlu Kərimov- Almaniyanın Köln şəhərində “Vahid Azərbaycan” Cəmiyyətinin rəhbəri
  21. Xuraman Əkbər qızı Canıbəyova-Azərbaycan Dövlət Neft Şirkəti, Neftqazelmitədqiqatlayihə İnstitutunun böyük elmi işçisi,Texnika elmləri namizədi
  22. Rafiq Səttar oğlu Qəmbərov-RF Novokuznetski şəhəri-icma rəhbəri.
  23. Alşan Ağakərim oğlu Zakirov –RF polkovnik
  24. İmaməddin Xanbaba oğlu Qasımov- Avstraliyada Azərbaycan diaspora rəhbəri
  25. Sahil Məmmədyar oğlu Qasımov-Benilüks Azərbaycanlıları Konqresinin sədri, Avropa Azərbaycanlıları Konqresinin I vitse-prezidenti, Dünya Azərbaycanlıları Əlaqələndirmə Şurasının üzvü.
  26. Ağakərim Əlirza oğlu Kərimov- hüquq elmləri namizədi, sabiq ədliyyə nazirinin müavini
  27. Nofəl Ağakərim oğlu Kərimov- hüquqşünas.
  28. Əlirza Ağakərim oğlu Kərimov-Ali Məhkəmənin Aparat rəhbəri III dərəcəli Dövlət müşaviri (mülki general)
  29. Əiheybət Həsənxan oğlu Cəfərov- Azərbaycan Dəmiryol İdarəsinin sabiq rəis müavini, əməkdar mühəndis.
  30. Əhməd Məhəmməd oğlu Cəfərzadə-filologiya elmlər doktoru.
  31. Məmməd Məhəmməd oğlu Cəfərzadə-filologiya elmləri doktoru.
  32. Məlikməmməd Saday oğlu Cəbrayılov –fizika riyaziyyat elmləri doktoru.
  33. Əbdül Əlisa oğlu Mahmudbəyov-kinoaktyor və rejissor.
  34. Rauf Məmməd oğlu Cəfərzadə-texnika elmlər doktoru, əməkdar təyyarəçi.
  35. Ramazan Baxşəli oğlu Tarıverdiyev-coğrafiya elmləri doktoru.
  36. Ramiz Əlicavad oğlu Qasımov-texnika elmləri doktoru.
  37. Həqiqət Abdul qızı Qədirova –tibb elmləri doktoru.
  38. Hacalı Nəcəf oğlu Nəcəfov-kimya elmləri doktoru.
  39. Mübariz Məmməd oğlu Xəlilov –tarixçi,rayonda ilk müstəqil qəzetin təsisçisi.
  40. Teyyub Ağayar oğlu Əzizov-karate federasiyasının prezidenti.
  41. Əlihəsən Sadiq oğlu Şirvanlı-tərcüməçi, şair.
  42. Mehdi Mirzə oğlu Məmmədov-hüquq müdafiəçisi,tarix elmləri namizədi.
  43. Ağaşirin Ağababa oğlu Nəcəfov-Keşlə Maşınqayırma zavodunun direktoru.
  44. Vaqif Məmmədəli oğlu Qasımov-baş mühəndis, AMEA, Kimya İnstitutu.
  45. Məleykə Ağamoğlan qızı Məmmədova-texnika elmləri namizədi.
  46. Nəcəf Şirinbala oğlu Qəmbərov-general-mayor.
  47. Rafiq Nəcəf oğlu İbrahimov-ordu komandiri.
  48. Güloğlan Babasən oğlu Muradov-general-mayor.
  49. Mənzər Əsəd qızı Eynullayeva-yazıçı.
  50. Vahid Əfqan oğlu Əliyev-Xeyriyyəçi, iş adamı.
  51. Əmrah Cəbrayıl oğlu Şirvanlı-şair].
  52. Oktay Məmmədrza oğlu Həsənov-musiqiçi.
  53. Sabir Hacıbala oğlu Həşimov-hərbiçi
  54. Bəsti Əlisəfa qızı Bağırova-tibb elmləri doktoru,professor
  55. Sabir Əliabbas oğlu Almazov-şair, tərcüməçi
  56. Xeybər Zəfər oğlu İgidəliyev-pedaqoq, şair-jurnalist
  57. İbadulla Əliağa oğlu Ağayev-tibb elmləri doktoru

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Hacıqabul rayonu ilə əlaqəli mediafayllar var.