Elza İbrahimova

Vikipediya, açıq ensiklopediya
Jump to navigation Jump to search
Elza İbrahimova
Elza Ibrahimova.jpg
Sənətçi məlumatları
Doğum tarixi 10 yanvar 1938(1938-01-10)
Doğum yeri
Vəfat tarixi 11 fevral 2012 (74 yaşında)
Vəfat yeri
Dəfn yeri II Fəxri Xiyaban
Vətəndaşlığı
Peşəsi bəstəkar

Fəaliyyət illəri 1969 tarixindən
Təhsili
Mükafatları "Azərbaycan Respublikasının xalq artisti" fəxri adı — 2008
Commons-logo.svg Vikianbarda əlaqəli mediafayllar

Elza İmaməddin qızı İbrahimova (10 yanvar 1938(1938-01-10), Hacıqabul11 fevral 2012(2012-02-11), Bakı) — Azərbaycanlı bəstəkar, Azərbaycan Respublikasının (2008) və Dağıstanın xalq artisti.[1][2]

Həyatı[redaktə | əsas redaktə]

Elza İbrahimova 1938-ci ildə Hacıqabul şəhərində anadan olmuşdur. Bakıda 8 saylı musiqi məktəbini, 1957-ci ildə A.Zeynallı adına orta ixtisas musiqi məktəbinin bəstəkarlıq sinfini, 1964-cü ildə Ü.Hacıbəyov adına Azərbaycan Dövlət Konservatoriyasının (indiki Bakı Musiqi Akademiyası) bəstəkarlıq şöbəsini bitirmişdir. Hələ uşaq yaşlarından musiqiyə olan böyük məhəbbəti valideynləri tərəfindən dəyərləndirilir və o musiqi məktəbinə yazılır.[3].

Yaradıcılığı[redaktə | əsas redaktə]

Elza İbrahimova 1969-cu ildə ilk mahnısını bəstələyir. Məmməd Rahimin sözlərinə bəstələnmiş "Yalan ha deyil" mahnısının ilk ifaçısı Şövkət Ələkbərova olur. Azərbaycanda tanqo ritmini estradaya gətirən ilk bəstəkarlardan biri olan Elza İbrahimovanın Rəfiq Zəkanın sözlərinə bəstələdiyi "Qurban verərdim" əsəri sovet dövründə bədii şura tərəfindən o qədər də yaxşı qarşılanmır. Çünki tanqonun burjua ahənginin sovet ruhuna uyğun gəlmədiyi bildirilir. Amma sonradan "Qurban verərdim"lə bərabər "Sən mənə lazımsan" (söz. Əliağa Kürçaylı), "Bağçadan keçmisən" (söz. Ə.Əlibəyli) və sair tanqo ritmində yazılmış musiqilər bəstəkarın sevilən mahnıları siyahısına qoşulur.[3]

Yaradıcılığı təkcə estrada janrı ilə kifayətlənməyən bəstəkar diplom işi üçün yazdığı fortepiano və orkestr üçün üçhissəli konsert, "Afət", "Şeyx Şamil" və "Yanan laylalar" operalarının, həmçinin Azərbaycanda neft sənayesinin 130 illiyi münasibəti ilə neftçilərə həsr olunmuş himnin də müəllifidir.

Yaradıcılığında bir-birindən maraqlı, orijinal mahnılarla bərabər romanslar, sonatalar, kvartetlər də bəstələyib. Bəstəkarın Rəşid Behbudovun ifasında səslənən "Ey vətən" əsəri bütün dünyada Azərbaycanı tərənnüm edən mahnılardan biri olmuşdur. Azərbaycan şairlərinin yüzlərlə şeirlərinə və rus dillərində onlarla poetik nümunəyə musiqi yazmışdır.

1992-ci ildə Azərbaycan Respublikasının əməkdar incəsənət xadimi adına layiq görülmüşdür.[4]

2008-ci ildə Azərbaycan Respublikasının xalq artisti adına layiq görülmüşdür.[5]

Uzun sürən xəstəlikdən sonra 11 fevral 2012-ci ildə 74 yaşında vəfat etmişdir. Bəstəkar İkinci Fəxri Xiyabanda dəfn olunmuşdur.[6]

Əsərləri[redaktə | əsas redaktə]

  • "Afət" operası (əsərin müəllifi: Hüseyn Cavid)
  • "Yanan laylalar" operası (libretto – Ramiz Heydər, 1992);
  • Z.Ziyadoğlunun söz. solist və simfonik orkestr üçün "Neftçilər himni" (2001).
  • "Dünya sevənlərindi" kinofilminə musiqi (1998).
  • R.Heydər, B.Vahabzadə, O.Qoçulu, V.Əziz, V.Səmədoğlu, R.Əfəndiyeva və b. şairlərin söz. mahnı və romanslar (1990 – 2001).
  • Maykl Ceksonun xatirəsinə "Rekviyem", 2009
  • B.Vahabzadə söz. "Gecələr bulaq başı"
  • Z.Ağayeva söz. "Yoxluğunu bilə-bilə"
  • Y.Həsənbəyov söz. "Sən bir nəğmə mən bir nəğmə"

Filmoqrafiya[redaktə | əsas redaktə]

  1. Nəğməkar torpaq (film, 1981)
  2. Bağışla (film, 1983)
  3. Qayıdış (film, 1992)
  4. Yalçın (film, 2004)
  5. Sən yadıma düşəndə... (film, 2013)

Xatirəsi[redaktə | əsas redaktə]

22 dekabr 2017-ci ildə Azərbaycan Respublikasının Prezidenti İlham Əliyev Elza İbrahimovanın 80 illik yubileyinin keçirilməsi haqqında sərəncam imzalamışdır[7].

İstinadlar[redaktə | əsas redaktə]

Xarici keçidlər[redaktə | əsas redaktə]