Qubalıbalaoğlan

Vikipediya, açıq ensiklopediya
Jump to navigation Jump to search
Kənd
Picto infobox map.png
QUBALIBALAOĞLAN
A-Hajiqabul.PNG
Hacıqabul rayonu

40°7′48″N 49°3′47″E / 40.13000°N 49.06306°E / 40.13000; 49.06306Koordinatlar: 40°7′48″N 49°3′47″E / 40.13000°N 49.06306°E / 40.13000; 49.06306


Ölkə Flag of Azerbaijan.svg Azərbaycan
Region Mərkəzi Aran
Rayon Hacıqabul rayonu
Hündürlüyü51 metr
Saat qurşağıUTC+04:00
Əhalisi2 865 nəfər (2013)
Xəritə
Qubalıbalaoğlan — yerləşdiyi ərazi Azərbaycan
Qubalıbalaoğlan
Vikidatada redaktə et: Vikidatada redaktə et

QubalıbalaoğlanAzərbaycan Respublikasının Hacıqabul rayonunun inzibati ərazi vahidində kənd. Bakı şəhərindən 80 km qərbdə yerləşən yaşayış məskəni dəniz səviyyəsindən 51 metr yüksəklikdədir. Hacıqabul rayonundan məsafəsi 13.8 km-dir. Kənd Udulu, Rəncbər kəndləri ilə qonşudur.

Tarixi[redaktə | əsas redaktə]

Hacıqabul rayonunun ən qədim kəndlərindən biridir. Təbii şəraiti fiziki coğrafi quruluşu kəndi daha qorunacaqlı bir məskənə çevirdiyi üçün insanlar burda məskunlaşmışlar. Kəndin əsası minilliyin əvvəllərində qoyulmuşdur. Kənd Pirsaatcayinın üzərində yerləsir. Kəndin yaxinlığında XII əsr tarixi abidə "Pirhüseyn xanəgahı" yerləşır. Xanəgah təmirdən sonra yeni çəkilən yol vasitəsilə dahada çox ziyarətçi və turist qəbul etməyə başlamışdır. Kənd 1918-ci ildə erməni daşnak silahlı hücumuna məruz qalmış və 535 nəfər (250 kişi, 150 qadın, 135 uşaq) qətlə yetirilmişdir. Həmçinin, Qubalı Balaoğlan kəndi uğrunda gedən döyüşlərdə Qafqaz İslam Ordusunun 12 nəfər əsgəri şəhid oldu: 6 türk və 6 azərbaycanlı döyüşçü bu kənddə torpağa tapşırıldı. Kənddən 10 nəfər Qafqaz İslam Ordusuna qoşuldu.Kərbəlayi Həsən kişi onbaşı idi, Nuru Paşa ona medal vermiş, namaz xalçası,mücrü və xəncər bağışlamışdır.

2016-cı ildə Türkiyə Cümhuriyyətinin Azərbaycan Respublikasındakı səfirliyinin maliyyə yardımı ilə kənddəki Türk şəhid məzarı üzərində abidə ucaldılmışdır.

Toponimikası[redaktə | əsas redaktə]

Qubalıbaloğlan Hacıqabul r-nunun Qubalıbalaoğlan bələdiyyəsi i.ə.v.-də kənd. Pirsaat çayının sahilində, düzənlikdədir. Əsl adı Qubalı Ərəb Balaoğlan olmuşdur. Ərəb Balaoğlan XIX əsrin ortalarında Muğanda ərəb mənsəli tayfalardan biri idi. Oykonimdəki qubalı sözü əslində kufali sözünün təhrif olunmuş formasıdlr. Ərəb işgalları dövründə (VII əsr) İraqın Küfə mahalından Azərbaycana köçürülmüs əhali kufəli adlanmış sonralar təhrif olunaraq, qubalı şəklinə düşmüsdür.[1]

Əhalisi[redaktə | əsas redaktə]

2009-cu ilin siyahıyaalınmasına əsasən kəndə 2715 nəfər əhali yaşayır. 2013-cü ilin may ayına olan məlumata əsasən kənd əhalisi 2865 nəfərdir. Əhalinin əksər hissəsi kənd təsərrüfatı ilə məşğul olur. [2][3]

Abidələri[redaktə | əsas redaktə]

Pirsaat xanəgahı, Pirsaatçay xanəgahı və ya Pir Hüseyn xanəgahı – Qubalıbalaoğlan kəndi ərazisində yerləşən XI – XII əsrlərə aid sufi xanəgahı.

Din[redaktə | əsas redaktə]

Kənddə Qubalıbalaoğlan kənd məscidi dini icması fəaliyyət göstərir[4].

Əkin sahələri[redaktə | əsas redaktə]

Kənd ərazisində Pirsaat su anbarı 1960-cı ildən sonra inşa olunmuşdur. 1964-cü ildə anbar istifadəyə verilmişdir. Kənd təsərrüfatında bağçılıq, bostançılıq və taxılçılıq əsas yer tutur. Ərik,nar,heyva,əncir,armud əsas yetişdirilən meyvələrdir. Kəndin əkin sahələri Pirsaat su anbarına toplanan suyun hesabına suvarılır. Yay aylarında quraqlıqlar yaşanır.[5]

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
  2. Zaman qəzeti, 2 may 2013-cü il tarixli buraxılışı, "Bölgə" yarımbaşlığı, səhifə 6
  3. Hacıqabul rayon İcra Hakimiyyəti: Xəbərlər: Qubalıbalaoğlan kəndinə içməli suyun verilməsi, yayınlanma tarixi: 2013-04-30
  4. MÜSƏLMAN DİNİ İCMALAR - 2016-cı ildə qeydiyyatdan keçənlər. scwra.gov.az  (azərb.)
  5. SOS! Pirsaat su anbarı quruyub. lent.az 13.09.2014.  (azərb.)