Pirsaat su anbarı
Pirsaat su anbarı — Azərbaycan Respublikasının Hacıqabul rayonunda Pirsaat çayı üzərində yerləşən hidroqurğu.[1]
Mündəricat
Tarixi[redaktə | əsas redaktə]
Anbar 1964-cü ildə istifadəyə verilmişdir.[1] 2003-2010-cu illərdə yenidən qurulmuşdur.[1]
Həcmi[redaktə | əsas redaktə]
Ümumi həcmi 17 milyon kubmetr, faydalı həcmi 12 milyon kubmetrdir.[1]
Qidalanması[redaktə | əsas redaktə]
Pirsaat su anbarı daha çox yağış və dağ çaylarının suyu ilə dolur.[1]
Faydası[redaktə | əsas redaktə]
Hacıqabul rayonunun Pirsaat və Navahı qəsəbələrinin, Rəncbər, Qubalıbalaoğlan, Atbulaq kəndlərinin 7,4 min hektar əkin sahəsi bu anbara toplanan suyun hesabına suvarılır.[1] Eyni zamanda bu hidroqurğu vasitəsi ilə Pirsaat çayı tənzimlənir və illik atmosfer yağıntıları normadan artıq olduğu zaman ərazini, o cümlədən rayon mərkəzini sel sularından və daşqınlardan mühafizə edir.[1]
2014-cü ildə yağıntıların olmaması, havaların quraq və kəskin isti keçməsi su anbarının qurumasına səbəb olmuşdur.[1] Anbarın su ilə qidalanmaması səbəbindən əkin sahələrinin suvarılmasında problemlər yaranmışdır.[1]
