Axıncaçay

Vikipediya, açıq ensiklopediya
Jump to navigation Jump to search

Axıncaçay
azərb. Axıncaçay
Ölkələr Flag of Azerbaijan.svg Azərbaycan
Flag of Armenia.svg Ermənistan



RayonlarGədəbəy rayonu (Azərbaycan), Tovuz rayonu (Azərbaycan), Berd rayonu (Ermənistan)
ŞəhərTovuz (Azərbaycan)
MənbəyiKiçik Qafqaz dağları
Mənbə yüksəkliyi2.268 m
MənsəbiKür çayı
Uzunluğu76 km
Su sərfi7,3 m³/san
Su sistemiKür
HövzəsiXəzər dənizi
Hövzə sahəsi1.178 km²


Axıncaçay - Kürün sağ qoludur. Suyu Azərbaycanın Gədəbəy, TovuzErmənistanın Berd rayonu ərazilərindən axır. Uzunluğu 76 km, hövzəsinin sahəsi 1178 km²-dir. Mənbəyini Kiçik Qafqazın şimal-şərq hissəsindən, Gədəbəy rayonu ərazisindəki Başkənd aşırımı yaxınlığından (1950 m) alır. Ermənistan ərazisində çaya sol tərəfdən Zamanlı (uzunluğu 12 km), Mehrab (uzunluğu 28 km), Tovuz rayonu ərazisində isə sag tərəfdən Əsrik (uzunluğu 48 km) çaylarının suları qovuşur. Çay Tovuz rayonu ərazisində Tovuzçaya qovuşaraq və Kür çayına tökülür.

Çayın axımının 45%-i yağış, 25%-i qar, 30%-i isə yeraltı sulardan əmələ gəlir.

Axıncaçayın orta illik su sərfi 7,3 kub m/san-dir. Axımın 56%-i yazda, 25%-i yayda, 11%-i payızda, 8%-i isə qışda keçir. Orta illik asılı gətirmələr sərfi 0,3kq/san, lillənməsi isə 41 q/kub m-dir. Suyu hidrokabonatlı-kalsiumlu olmaqla 300-400 mq/l minerallaşmaya malikdir.

Ağdam kəndi yaxınlığında çayın yatağında Axıncaçay su anbarı yaradılmışdır və Tovuzçaya qovuşan hissədə isə Tovuzçay su anbarının tikintisi davam edir.

Həmçinin bax[redaktə | əsas redaktə]

Mənbə[redaktə | əsas redaktə]