Bumçay

Vikipediya, açıq ensiklopediya
Keçid et: naviqasiya, axtar

Bumçay
azərb. Bumçay
Ölkə Flag of Azerbaijan.svg Azərbaycan
Rayon Qəbələ rayonu
Mənbəyi Böyük Qafqaz silsiləsi
Mənbə yüksəkliyi 3.400 m
Mənsəbi Türyançay
Uzunluğu 51 km km
Su sərfi 2,44 m³/san
Su sistemi Türyançay (çay) → Kür → Xəzər dənizi
Hövzəsi Xəzər dənizi
Hövzə sahəsi 450 km²


Bumçay - Türyançayın sol qoludur. Qəbələ rayonu ərazisindən axır.

Ümumi məlumat[redaktə | əsas redaktə]

Uzunluğu 51 km, hövzəsinin sahəsi 450 km2-dir.Başlanğıcını Böyük Qafqaz silsiləsinin cənub yamacından (3400 m) alır. Axımı yeraltı qar və yağış sularından əmələ gəlir. Yaz fəslində qar, payızda isə yağış suları çayda daşqınlar əmələ gətirir. Çayda ən çox axım may, ən az axım isə yanvar ayında olur. Orta illik su sərfi 2,44 m3/san-dir. Axımın 26%-i yazda, 38%-i yayda, 24%-i payızda, 12%-i isə qışda keçir. Bumçayın lillənməsi isə 500-4000 q/m3-dir. Suyu hidrokabonatlı-kalsiumlu olmaqla 150-300 mq/l minerallaşmaya malikdir.

Çayın aşağı hissəsindən suvarma işlərində geniş istifadə edilir.

Sel prosesi[redaktə | əsas redaktə]

Respublikamızın bir çox selli çaylarından biridir. Mənbəyi Bazardüzü dağının yamaclarından götürən bu çay geoloji baxımdan hövzəsi Təbaşir və Yura dövrünün cöküntülərinin yayılması ilə səciyyələnir. Bumçayda keçən sel axınları palcıqlı-daşlı olurlar. 

Həmçinin bax[redaktə | əsas redaktə]

Mənbə[redaktə | əsas redaktə]