Kiçik Alagöl

Vikipediya, azad ensiklopediya
Jump to navigation Jump to search
Kiçik Alagöl
Sarıyer, Kiçik Alagöl.jpg
Kiçik Alagöl
Ümumi məlumatlar
Mütləq hündürlüyü 2739 m
Dərin yeri 4 m
Yerləşməsi
39°59′11″ şm. e. 45°44′01″ ş. u.
Ölkə  Azərbaycan
Rayon
Kiçik Alagöl xəritədə
Kiçik Alagöl
Kiçik Alagöl
Kiçik Alagöl xəritədə
Kiçik Alagöl
Kiçik Alagöl

Kiçik AlagölQarabağ vulkanik yaylasında, Kəlbəcər rayonunda yerləşən şirin sulu göl.[1] Dəniz səviyyəsindən 2739 m yüksəklikdə yerləşir, səhtinin sahəsi 1,2 km², ən dərin yeri metrdir[2]. Gölün ətrafı qiymətli alp çəmənlikləridir.[3]

Tarixi[redaktə | mənbəni redaktə et]

Kəlbəcər rayonu 1993-cü il aprel ayının 2-də Ermənistan Silahlı Qüvvələri tərəfindən zəbt edildiyindən, göl ərazisi də işğal altına düşür. 10 noyabr 2020-ci ildə imzalanan atəşkəs bəyanatına əsasən 25 noyabrda Ermənistan Silahlı Birləşmələri Kəlbəcər rayonunu boşaldıb Azərbaycan Silahlı Qüvvələrinə təhvil vermişdir.[4]. Müvafiq olaraq gölün yerləşdiyi ərazi də Azərbaycanın nəzarətinə keçir.

Haqqında[redaktə | mənbəni redaktə et]

Kiçik Alagöl Böyük Alagöldən 2 km cənub-şərqdə yerləşir. Sahəsi 0,9 km², uzunluğu 2000 m, maksimal eni 825 m, orta eni 450 m, sahil xəttinin uzunluğu 5260 m-dir. Gölün çox hissəsi susevən bitkilərlə örtülmüşdür. Maksimal dərinliyi 4 m-dir.

Əsas suyunu Qurbağalı çayın, eləcə də başqa bir neçə kiçik çayların suları təşkil edir. Göl suyunun artmasında yeraltı suların da müəyyən rolu vardır. Gölün suyu Böyük Alagölə tökülür.

Yay aylarında gölün suyunun səthində temperatur 14°-16 °C-dən yüksək olmur. Sahilinə yaxın yerlərdən çıxan bulaq sularının temperaturu 4°-6 °C arasında dəyişir. Oktyabrın axırlarından mayın əvvəllərinə qədər gölün güzgü səthi buzla örtülü olur. Suyu hidrokarbonatlı-kalsiumludur. Tərkibində mineral maddələrin ümumi miqdarı 60 mq\l-dən artıq deyildir.

Kiçik Alagöldən yalnız yaylaqlarda mal-qaranın sulanmasında istifadə edilir.[5]

İstinadlar[redaktə | mənbəni redaktə et]

  1. Kiçik Alagöl // Azərbaycan toponimlərinin ensiklopedik lüğəti. I cild. Bakı: "Şərq-Qərb". 2007. 304. ISBN 978-9952-34-155-3.
  2. Göllər http://garabagh.net/content_85_az.html#sthash.42DVvuuz.dpuf Arxivləşdirilib 2016-10-13 at the Wayback Machine
  3. Göllər http://www.tourism.az/?menu=6&submenu=61&lang=aze
  4. "Azərbaycan Respublikasının Prezidenti, Ermənistan Respublikasının baş naziri və Rusiya Federasiyasının Prezidentinin Bəyanatı". 2020.
  5. Məzahir Təhməzov Kəlbəcər Ensiklopedik məlumatlar Toponimlər fotoşəkillər xəritələr.

Həmçinin bax[redaktə | mənbəni redaktə et]