Bolqarçay

Vikipediya, açıq ensiklopediya
Keçid et: naviqasiya, axtar

Bolqarçay
azərb. Bolqarçay
Ölkə Flag of Azerbaijan.svg Azərbaycan
Rayon Biləsuvar
Mənbəyi Talış dağları
Mənbə yüksəkliyi 1.716 m
Mənsəbi Mahmudçala gölü
Uzunluğu 163 km km
Hövzə sahəsi 2.170 km²


BolqarçayAzərbaycanın Biləsuvar rayonu ərazisindən axaraq Mahmudçala gölünə tökülür. Uzunluğu 163 km, hövzəsinin sahəsi 2170 km²-dir. Mənbəyini Talış silsiləsində, Qarıçadağın şimal yamacından (1716 m) başlayır. Yuxarı axımından Biləsuvar rayonuna qədər məsafədə Azərbaycanla İran arasında dövlət sərhədini təşkil edir. Çayın illik axımının 90-95%-ni yağış sularından əmələ gəlir. İlin soyuq aylarında yağan yağışlar çayda böyük daşqınlar əmələ gətirir. Yay aylarında çayın suyu tamamilə azalır, bəzi illərdə isə quruyur.

Bolqarçayın suyunun səmərəli istifadəsi məqsədilə çayın üzərində Bolqarçay su anbarı tikilmişdir. Muğan düzünün suvarılmasında Bolqarçayın müstəsna əhəmiyyəti var.

Toponimikası[redaktə | əsas redaktə]

Bolqar Yardımlı, Cəlilabad və Biləsuvar rayonlarının ərazisindən axan çay. İran ərazisində Qaracadağın şm. yamacından başlayıb Biləsuvar rayonunda Mahmudçala gölünə tökülür. Orta axarında İranla sərhəd xəttini təşkil edir. Yay fəslində suyu quruyur. Suvarmada istifadə olunur. Talışlar arasında Bolharu, VII əsrə aid mənbələrdə Baranrud, XIV əsrdə Bacrəvançay formasında qeydə alınmışdır. Bolqarçay isə onun yuxarı axınının adıdır. Toponimin erkən orta əsrlərdə Azərbaycanda məskunlaşmış türkdilli bulqar tayfasının adı ilə bağlılığı güman olunur. [1]

Həmçinin bax[redaktə | əsas redaktə]

Mənbə[redaktə | əsas redaktə]

İstinadlar[redaktə | əsas redaktə]

  1. Azərbaycan Toponimlərinin Ensiklopedik Lüğəti.I cild, Bakı.2007