Qudyalçay

Vikipediya, açıq ensiklopediya
Jump to navigation Jump to search

Qudyalçay
Gudialchay.jpg
Ölkə Flag of Azerbaijan.svg Azərbaycan
Keçdiyi ərazilərQuba, Xaçmaz
MənbəyiBöyük Qafqaz
MənsəbiXəzər dənizi
Uzunluğu108 km
HövzəsiXəzər dənizi
Hövzə sahəsi799 km²
Commons-logo.svg Qudyalçay Vikianbarda


Azərbaycanın poçt markası üzərində Qudyalçay körpüsü

Qudyalçay — Azərbaycanda çay. QubaXaçmaz rayonları ərazisindən axıb Xəzər dənizinə tökülür.

Ümumi məlumat[redaktə | əsas redaktə]

Uzunluğu 108 km, hövzəsinin sahəsi 799 km²-dir. Başlanğıcını Böyük Qafqaz silsiləsindəki Tufan dağının şimal yamacından (3000m) alır. Dağlıq sahədə çaya, soldan Doqquzul (uzunluğu 12 km), sağdan isə Ağçay (uzunluğu 24 km), qoşvuşur. Quba şəhərindən aşağı çay iki qola ayrılır: sağ qolu Qudyal, sol qolu isə Qimil adlanır.

Axımının əsas hissəsi qar suları hesabına əmələ gəlir: 50%-ni qar, 32%-ni yeraltı, 18%-ni isə yağış suları təşkil edir. Qar suyu hesabına çayda aprel-iyul aylarında böyük daşqınlar əmələ gəlir. Bu dövürdə illik axımının 60-75%-i keçir. Orta illik su sərfi 6,85 kub m/san-dir. İllik axımın 26%-i yazda, 41%-i yayda, 21%-i payızda, 12%-i isə qışda keçir. Orta illik asılı gətirmələr sərfi 21.9 kq/san, lillənməsi isə 3200 q/kub m-dir. Suyu hidrokabonatlı-kalsiumlu olmaqla 300 mq/l minerallaşmaya malikdir.

Qudyalçayın aşağı axımından suvarma işlərində geniş istifadə olunur. Bundan başqa suyun bir qismi Samur-Abşeron su kanalına axıdılır. Quba şəhəri yaxınlığında çayın üzərində HES qurulmuşdur.[1]

Həmçinin bax[redaktə | əsas redaktə]

Mənbə[redaktə | əsas redaktə]

İstinadlar[redaktə | əsas redaktə]

  1. "Xəzər dənizinə axan çaylar". AZƏRBAYCAN ÇAYLARI.

Xarici keçidlər[redaktə | əsas redaktə]

Vikianbarda Qudyalçay ilə əlaqəli mediafayllar var.