Sərsəng su anbarı

Vikipediya, açıq ensiklopediya
Keçid et: naviqasiya, axtar

Sərsəng su anbarı
Sarsang reservoir P1090881.JPG
Ölkə Flag of Azerbaijan.svg Azərbaycan
Yerləşməsi Tərtər rayonu
Tikilmə tarixi 1976
Sahəsi 14.2 mln m²
Həcmi 565 mln m³
Tökülən çaylar Tərtərçay
Axan çaylar Tərtərçay
Bəndi Sərsəng SES
Bild.gif
1993 ildən işğalı altında.
Emblem-important-red.svg
Ciddi təhlükə
Sərsəng su anbarı (Azərbaycan)
Blue pog.svg
Azərbaycanın fiziki xəritəsində Sərsəng su anbarı
Sərsəng su anbarı (Kəlbəcər rayonu)
Kəlbəcər rayonu xəritəsində Sərsəng su anbarı (göy rəngli çevrə daxilində)
Commons-logo.svg Sərsəng su anbarı Commonsda

Sərsəng su anbarıAzərbaycana məxsus 1976 ci ildə Tərtərçayın üzərində, keçmiş Ağdərə, indiki Tərtər rayonu ərazisində , inşa edilmiş su anbarı[1][2]. Onun ümumi sututumu 560 mln m³, bəndinin hündürlüyü isə 125 m-dir. Sərsəng su anbarı respublikada bəndinin hündürlüyünə görə ən yüksək su anbarlarından biridir. Sərsəng su anbarı hazırda Tərtər rayonunun erməni işğalında olan (keçmiş Ağdərə rayonu) ərazisində qalmış və Azərbaycan tərəfindən istismarı qeyri-mümkün olmuşdur. Sərsəng su anbarı respublikanın 6 rayonunun (Tərtər, Ağdam, Bərdə, Goranboy, Yevlax və Ağcabədi) 100 min hektara yaxın torpaq sahəsini suvarma suyu ilə təmin edirdi. Qeyd etmək lazımdır ki, işğal zonasında Sərsəng su anbarından başqa ümumi tutumu 80 mln.kbm olan digər su anbarları da qalmışdır.

Yalnız Sərsəng su anbarının işğalı nəticəsində 100 min hektar sahədə kənd təsərrüfatı bitkilərinə suvarma suyunun verilməməsi respublikanın bu regionuna əvəz olunmaz zərər vurmuşdur. Hazırda su anbarına və onun qurğularına 10 ildən artıq müddətdir ki, texniki xidmət göstərilmədiyi üçün o qəza vəziyyətindədir. Bu səbəbdən Sərsəng su anbarının işğal olunmuş ərazilərdə qalması onun aşağı byefində yerləşən 400 min nəfər əhali üçün ciddi təhlükə yaradır.

Hal-hazırda erməni işğalı altındadır.

Vəziyyəti[3][redaktə | əsas redaktə]

Azərbaycanın Avropa Şurası Parlament Assambleyasındakı nümayəndə heyətinin hazırladığı “Azərbaycanın sərhəd rayonunun əhalisi sudan məhrum edilmişdir” adlı qətnamə layihəsi erməni lobbisinin ciddi maneələrinə baxmayaraq, qurumun büro iclasında müzakirə olunmuş və məruzəçi təyin edilməsi ilə əlaqədar sosial məsələlər, səhiyyə və davamlı inkişaf komitəsinə yönləndirilməsi barədə təklif büro tərəfindən yekdilliklə qəbul edilmişdir. Bu qərar həmin gün büronun iclasından dərhal sonra Assambleyanın plenar sessiyasında təsdiqlənmişdir. Sərsəng su anbarı ilə bağlı 13468 saylı sənədi 11 ölkənin 27 deputatı imzalamışdır.

Sənəddə bildirilir ki, Assambleya problemin vacibliyini nəzərə alaraq bu məsələ ilə ciddi şəkildə məşğul olmalı, bununla əlaqədar tezliklə xüsusi ölçü götürməli, beynəlxalq ictimaiyyətə çağırış səsləndirmək üçün qətnamə layihəsi qəbul etməlidir.

İstinadlar[redaktə | əsas redaktə]

  1. Тертер, Словари и энциклопедии на Академике (rus.)
  2. Сарсангское водохранилище, Словари и энциклопедии на Академике (rus.)
  3. Sərsəng su anbarı ilə bağlı məsələ AŞPA-nın sessiyalarının birində müzakirə olunacaqdır

Mənbə[redaktə | əsas redaktə]

Xarici keçidlər[redaktə | əsas redaktə]