Mirbala Səlimli

Vikipediya, azad ensiklopediya
Naviqasiyaya keç Axtarışa keç
Mirbala Səlimli
Mirbala Səlimli
Doğum adı Mirbala Seyidəsgər oğlu Səlimli
Doğum tarixi (61 yaş)
Doğum yeri Qubalı, Hacıqabul rayonu, Azərbaycan SSR, SSRİ
Milliyyəti azərbaycanlı
Vətəndaşlığı SSRİ SSRİ→
Azərbaycan Azərbaycan
Fəaliyyəti Kino və Teatr Rejissoru, Ssenarist.
Təhsili Ali Ssenaristlər və Rejissorlar kursu.
Mükafatları "Azərbaycan Respublikasının əməkdar incəsənət xadimi" fəxri adı"Sənətkar" medalı "Qızıl Dərviş" mükafatı
mirbala.com

Səlimli Mirbala Seyidəsgər oğlu (5 aprel 1963, Qubalı, Hacıqabul rayonu, Azərbaycan SSR) — teatr və kino rejissoru, ssenarist, 1990-cı ildən ATXİ-nin, 2005-ci ildən Kinematoqrafiya İttifaqları Konfederasiyasının və AKİ-nin, 2006-cı ildən isə Rusiya Kinorejissorları Gildiyasının üzvü.

Həyatı

[redaktə | mənbəni redaktə et]

Mirbala Səlimli 1963-cü il aprelin 5-də indiki Hacıqabul rayonunun Qubalı kəndində anadan olmuşdur. 1985-ci ildə M. A. Əliyev adına Azərbaycan Dövlət İncəsənət İnstitutunun kino və dram aktyorluğu şöbəsini, 1995-ci ildə B. V. Şukin adına Moskva Ali Teatr Məktəbinin teatr rejissorluğu şöbəsini və 2001-ci ildə isə Moskva Ali Ssenaristlər və Rejissorlar kursunun kinorejissorluğu şöbəsini fərqlənmə diplomları ilə bitirmişdir. Məşhur rus kinorejissoru AlekseyYuriyeviç Germanın (Алексей Юревич Герман) tələbəsidir və onun çəkdiyi "Allah olmaq çətindir" filmində təcrübə keçmişdir. 2003–2004-cü illərdə AVANTI proqramı (İsveçrə) çərçivəsində kinorejissor K. Zanussi (Polşa) və kinodramaturq D. Benkedən (Almaniya) və 2006–2007-ci illərdə İFA-SC proqramı (İsveçrə) çərçivəsində kinodramaturq Kler Daunzdan (Böyük Britaniya) ustad dərsləri almışdır.

1985-ci ildən Şəki Dövlət Dram Teatrında işləyir və hazırda bu teatrın baş rejissorudur.

Teatr rejissoru kimi Azərbaycan və dünya dramaturgiyasının incilərindən sayılan 30-dan çox dram əsərinə quruluş vermişdir. Jan Batist Molyerin "Xəsis" komediyasının quruluşuna görə Azərbaycan Teatr Xadimləri İttifaqının təsis etdiyi "Qızıl Dərviş" (2009) mükafatına, İlyas Əfəndiyevin "Sevgililərin cəhənnəmdə vüsalı" tamaşasına görə Azərbaycan Mədəniyyət Nazirliyinin təsis etdiyi "Zirvə" (2014) mükafatına, Haldun Tanerin "…Və dəyirman dönərdi" tamaşasına görə TÜRKSOY-un təsis etdiyi Haldun Taner medalına (2015) layiq görülmüşdür.

2000-ci ildən "Mir iskusstva" (Moskva) Yaradıcılıq birliyi ilə əməkdaşlıq edir və rejissor, ssenarist və operator kimi burada 20-dən çox sənədli film çəkmiş, beynəlxalq festivalların diplomlarını almışdır.

2002-ci ildə kinorejissor və ssenarist kimi "Debüt" studiyasında "Odla qol-boyun" adlı qısametrajlı bədii film çəkmişdir. Bir çox beynəlxalq festival (Fransa, Macarıstan, Rusiya, Tacikstan və s.) və kinoforumların iştirakçısı olmuşdur.

2007-ci ildə "Yaddaş" sənədli filmlər studiyasında "Şəki — tarixin naxışları" adlı sənədli film çəkmişdir. Film beynəlxalq festivalların (Fransa, Türkiyə) iştirakçısı olmuşdur.

2016-cı ildə Azərbaycanfilm və VayTMedia (Rusiya) studiyalarının birgə istehsalı olan "Qırmızı bağ" filmini çəkmiş, 15-ci Dəkkə Beynəlxalq Film Festivalında "Mənəvi filmlər" müsabiqə proqramında "Ən yaxşı bədii film" mükafatına, Rusiyada keçirilən 17-ci Baykal Beynəlxalq Film Festivalında "L. İ. Qayday adına Ən yaxşı bədii film" mükafatına, Türkiyənin Trabzon Beynəlxalq Film Festivalında baş rolların ifaçılar üç "Altın kemança" mükafatına (Gülzar Qurbanova "Ən yaxşı qadın rolu", Maqsud Məmmədov "Ən yaxşı kişi rolu", Taleh Bədiyev filmdə aktyor oyununa görə "Münsiflər heyətinin xüsusi mükafatı"na) layiq görülmüşdür. Film həmçinin Rusiyada 30-cu "Nika" mükafatının MDB və Baltikyanı ölkələrin "Ən yaxşı filmi" mükafatına nominant elan olunmuş, 2018-ci ildə Azərbaycan Kino Akademiyasının təsis etdiyi "Ən yaxşı tammetrajlı bədii debüt filmi"nə görə "Qızıl Pəri" mükafatı, filmin parlaq bədii həllinə görə Azərbaycan Kinematoqrafçılar İttifaqının mükafatı ilə təltif olunmuşdur.

9 may 2012-ci il tarixdə Əməkdar İncəsənət Xadimi fəxri adına layiq görülmüşdür. 2009-cu ildə, 30 aprel 2014-cü ildə, 6 may 2015-ci ildə, 6 may 2016-cı ildə, 1 may 2017-ci ildə, 9 may 2018-ci ildə, 10 may 2019-cu ildə və 7 may 2020-ci ildə Prezident Mükafatına layiq görülmüşdür.

Mükafatları

[redaktə | mənbəni redaktə et]
  • Azərbaycanın Əməkdar İncəsənət Xadimi fəxri adı — 9 may 2012-ci il
  • Azərbaycan Respublikası Prezidentinin mükafatı — 5 may 2009, 30 aprel 2014[1], 6 may 2015[2], 6 may 2016[3], 1 may 2017[4], 9 may 2018[5], 10 may 2019[6], 7 may 2020[7] , 7 may 2021[8], 10 may 2022[9], 6 may 2023[10], 9 may 2024[11]
  • Azərbaycan Teatr Xadimləri İttifaqının təsis etdiyi "Qızıl Dərviş" mükafatı — 2009-cu il
  • Azərbaycan Mədəniyyət Nazirliyinin təsis etdiyi "Zirvə" mükafatı — 2014-cü il
  • TÜRKSOY-un təsis etdiyi Haldun Taner medalı — 2015-ci il
  • Azərbaycan Kino Akademiyasının təsis etdiyi "Qızıl Pəri" mükafatı — 2018-ci il
  • MDB ölkələrinin Parlamentlərarası Assambleyasının təsis etdiyi "Mədəniyyət və İncəsənətin inkişafında xidmətlərinə görə" Fəxri Nişanı — 2022-ci il
  • Azərbaycan Teatr Xadimləri İttifaqının təsis etdiyi "Sənətkar Medalı" — 2023-cü il

Filmoqrafiya

[redaktə | mənbəni redaktə et]
  1. İnsan və milçək. Rejissor və ssenarist. "ÜmidTV", 1999.
  2. Allah olmaq çətindir. A. Germanın filmi. Təcürbə keçən rejissor. "Lenfilm" k/s.
  3. Vəsiyyət. Sənədli film. Operator. "Mir İskusstva" k/s., 2000.
  4. Etimad telefonu R. İbrahimbəyovun filmi. Rejissor, montaj rejissoru, aktyor. "İbrus" k/s., 2001.
  5. Avropanın oğurlanması. Sənədli film. Operator. "Mir İskusstva" k/s., 2002.
  6. Odla qol-boyun". Rejissor və ssenarist. "Debut – Azərbaycanfilm" k/s., 2002.
  7. Mayakovskinin şən ili. Sənədli film. Operator. "Mir iskusstva" k/s., 2003.
  8. Anastasiya Tsvetayevanın axrıncı günü. Operator. "Mir iskusstva" k/s., 2004.
  9. Sergey Yesenin. Sənədli film. Operator. "Mir iskusstva" k/s., 2005.
  10. Canlı Mayakovski. Sənədli film. Operator. "Mir İskusstva" k/s., 2005.
  11. Üç tac qoyma mərasiminin marşalı. Sənədli film. Operator. "Mir İskusstva" k/s., 2005.
  12. Danil Xarmsın möcüzəsi. Sənədli film. Operator. "Mir İskusstva" k/s., 2005.
  13. İki qat ulduz. Sənədli film. Operator. "Fişka Film" k/s., 2006.
  14. Moskvanın heykəltaraşlıq səlnaməsi. Sənədli film. Rejissor və ssenarit, operator. "Mir İskusstva" k/s., 2006.
  15. Natürmort kralı İlya Maşkov. Sənədli film. Operator. "Mir İskusstva" k/s., 2006.
  16. Şəxsi müqavimət təcrübəsü. Sənədli film. Operator. "Fişka Film" k/s., 2006.
  17. Boris Zaytsevin zaman çayı. Sənədli film. Operator. "Mir İskusstva" k/s., 2006.
  18. Qara Lala. Operator. "Fişka Film" k/s., 2007.
  19. Petrov-Vodkinin məhəbbəti. Operator. "Fişka Film" k/s., 2007.
  20. Şəki – tarixin naxışları. Sənədli film. Rejissor və senarist. "Yaddaş" k/s., 2007.
  21. Kulbin – rus futurizminin babası. Sənədli film. Operator. "Mir İskusstva" k/s., 2006.
  22. Mənim məktəbim. Sənədli film. Rejissor və ssenarist. "Narimanfilm" k/s. 2008.
  23. İlya Zdaneviç. Sənədli film. Operator. "Mir İskusstva" k/s., 2006.
  24. Olvia – xoşbəxtlik misteriyası. Rejissor və operator. "Savonarola" k/s. 2010.
  25. Qırmızı bağ (film, 2016)

Xarici keçidlər

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 30.04.2014. 2018-04-07 tarixində arxivləşdirilib. İstifadə tarixi: 2014-04-30.
  2. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 06.05.2015. 2021-09-29 tarixində arxivləşdirilib. İstifadə tarixi: 2015-05-06.
  3. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 06.05.2016. 2021-09-29 tarixində arxivləşdirilib. İstifadə tarixi: 2016-05-06.
  4. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 01.05.2017. 2018-04-07 tarixində arxivləşdirilib. İstifadə tarixi: 2017-05-01.
  5. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2018. 2018-06-12 tarixində arxivləşdirilib. İstifadə tarixi: 2018-05-09.
  6. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2019. 2019-05-11 tarixində arxivləşdirilib. İstifadə tarixi: 2019-05-10.
  7. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 07.05.2020. 2020-09-18 tarixində arxivləşdirilib. İstifadə tarixi: 2020-05-07.
  8. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 07.05.2021. 2021-11-13 tarixində arxivləşdirilib. İstifadə tarixi: 2021-05-07.
  9. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2022. 2022-05-10 tarixində arxivləşdirilib. İstifadə tarixi: 2022-05-15.
  10. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 06.05.2023. 2023-06-28 tarixində arxivləşdirilib. İstifadə tarixi: 2023-05-08.
  11. ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2024. İstifadə tarixi: 2024-05-10.
Mənbə — "https://az.wikipedia.org/w/index.php?title=Mirbala_Səlimli&oldid=7615123"