Mirzə Kərim xan

Vikipediya, azad ensiklopediya
Jump to navigation Jump to search
Mirzə Kərim xan
Doğum tarixi 12 iyul 1869(1869-07-12)
Doğum yeri Tiflis, Cənubi Azərbaycan
Vəfat tarixi 15 sentyabr 1934 (62 yaşında)
Vəfat yeri Təbriz, İran
Dəfn yeri Qum, İran
Fəaliyyəti diplomat

Mirzə Kərim xan (1869-1934) — İranın ictimai-siyasi xadimi.

Həyatı[redaktə | əsas redaktə]

Mirzə Kərim xan 12 iyul 1869-cu ildə Tiflis şəhərində anadan olmuşdur.

Mirzə Kərim xan 30 sentyabr 1905-ci ildə Mirzə Həsən xanın təqdimatı ilə Yelizavetpol (Gəncə) şəhərinə vetse-konsul təyin olunmuşdu[1].

Mirzə Kərim xan Məşrutə hərəkatına yaxından yardım etmişdi. İnqilab dövründə Qafqaz şəhərlərindən bəzilərində konsul müavini, daha sonra konsul vəzifələrində çalışmış Mirzə Kərim xan İranın inqilabi mərkəzlərinə, xüsusilə Təbriz üsyanına Qafqazdan göstərilən yardımın fəal təşkilatçılarından biri idi. 1909-cu ilin avqust ayının 19-da Qafqaz canişinin Rusiya imperiyasının xarici işlər naziri Aleksandr Petroviç İzvolskiyə göndərdiyi teleqramda deyilirdi: "İranın Bakı konsulu Mirzə Kərim xan inqilabçılara yardım göstərir... Yelizavetpolda konsul müavini vəzifəsi daşıdığı zaman silah almaq, bunları İrana göndərmək işini təşkil edirdi.Mirzə Kərim xan aldığı və topladığı silahı konsulluğun binasındakı zirzəmiyə yığır və İrana göndərirdi.Bakıya konsul təyin olunduqdan sonra daha geniş fəaliyyət göstərir... Silah sandıqları üzərində və ya silah doldurduğu tabutlar üzərində belə yazır: "Bakıda vəfat etmiş müsəlmanın Kərbəlada müqəddəs yerlərdə dəfn edilmək üçün cəsədi". Mirzə Kərim xan Qafqazın müxtəlif şəhərlərində olan konsul məmurlarını da bu işə cəlb etməyə çalışır. Lənkəranda İran müvəkkili İsmayıl xan da Mirzə Kərim xanla birlikdə fəaliyyət göstərir".[2]

Mənbə[redaktə | əsas redaktə]

İstinadlar[redaktə | əsas redaktə]

  1. MDTA, fond 1, siyahı 2, saxlama vahidi 11, vərəq 3.
  2. Gürcüstan MDTA, fond 15, siyahı 1, saxlama vahidi 179, vərəq 2-3.