Mirzə Salah bəy Zöhrabbəyov

Vikipediya, azad ensiklopediya
Jump to navigation Jump to search
Mirzə Salah bəy Zöhrabbəyov
Mirzə Salah bəy Hacı Nəcəf bəy oğlu Zöhrabbəyov
Mirzə Salah bəy Zöhrabbəyov.jpg
Doğum tarixi
Doğum yeri Şuşa, Şuşa qəzası, Şamaxı quberniyası, Qafqaz canişinliyi, Rusiya imperiyası
Vəfat tarixi
Uşaqları Cəmil bəy, Zöhrab bəy, Səkinə xanım, Firuzə xanım, Hümay xanım
Atası Hacı Nəcəf bəy Zöhrabbəyov
Fəaliyyəti pedaqoq

Mirzə Salah bəy Hacı Nəcəf bəy oğlu Zöhrabbəyov — görkəmli pedaqoq, Fransada, Rusiyada oxumuş ziyalı.

Həyatı[redaktə | əsas redaktə]

Mirzə Salah bəy Hacı Nəcəf bəy oğlu 1859-cu ildə Şuşa şəhərində anadan olmuşdu. İbtidai təhsilini molla yanında almışdı. Sonra Fransaya yollanmış, burada 12 il təhsil aldıqdan sonra o, Rusiyaya gəlir və Sankt-Peterburq şəhərində təhsilini davam etdirmişdi. İnqilabdan əvvəl Şuşaya qayıdır, öz vəsaitinə məktəb tikdirir və həmin məktəbdə rus dili dərsini deməyə başlayır. Bu tədris fənni üçün Mirzə Salah bəy Zöhrabbəyov "Azərbaycanlılar üçün rus dilinin tədrisi" dərslik vəsaitini yazmışdır. Bir müddət Şuşa real məktəbində müəllim işləmişdi. O, Firidun bəy Köçərli birlikdə "Təlimati-lisani-türki" dərsliyini tərtib etmişdi.

Mirzə Salah bəy Zöhrabbəyovun yaşayış evi

Sovet hakimiyyəti gəldikdən sonra o, öz xoşu ilə Şuşadakı, Vladiqafqazdakı evlərini və şəxsi banklarını onlara təhvil verib, öz məktəbində müəllimlik fəaliyyətini davam etdirmişdi.

Mirzə Salah Zöhrabbəyov 1940-cı ildə vəfat edib.

Yaradıcılığı[redaktə | əsas redaktə]

Mirzə Salah bəy Zöhrabbəyov şair idi. Tegin təxəllüsü ilə şeir yazırdı.

Ailəsi[redaktə | əsas redaktə]

Mirzə Salah Zöhrabbəyovun Cəmil bəy, Zöhrab bəy adlı oğulları, Səkinə xanım, Firuzə xanım, Hümay xanım adlı qızları vardı.

Mənbə[redaktə | əsas redaktə]

  • Ənvər Çingizoğlu. Zöhrabbəyovlar. "Soy" dərgisi, 9 (17) 2008.
  • Ənvər Çingizoğlu, Qarabağda maarif, Bakı: Zərdabi LTD, 2013, 288 səh.

Həmçinin bax[redaktə | əsas redaktə]