Mirzə Yusif

Vikipediya, açıq ensiklopediya
Jump to navigation Jump to search
Picto infobox auteur.png
Mirzə Yusif
azərb. Yusifov Mirzə Yusif oğlu
Mirzə Yusif
Mirzə Yusif
İlk adı Mirzə
Təxəllüsü Yusif
Doğum tarixi
15 noyabr 1954 (1954-11-15) (64 yaş)
Doğum yeri Qaraqışlaq, Zəngibasar rayonu, Ermənistan SSR, SSRİ
Atası Yusif Yusifov
Uşağı 2
VətəndaşlığıFlag of the Soviet Union.svg SSRİ
Flag of Azerbaijan.svg Azərbaycan
MilliyyətiAzərbaycanlı
İxtisasıjurnalistika
TəhsiliAzərbaycan Dövlət Universiteti
Fəaliyyətijurnalist
Karyera1981-indi
Əsərlərinin diliAzərbaycan dili
İstiqamətjurnalistika
Janrpoeziya
nəsr
Mükafatları"Alı Mustafayev" mükafatı

Mirzə Yusif (azərb. Yusifov Mirzə Yusif oğlu‎; d. 15 noyabr, 1954. Qaraqışlaq, Zəngibasar rayonu, Ermənistan SSR) — publisist, şair; Azərbaycan Jurnalistlər Birliyinin (1984) və Azərbaycan Yazıçılar Birliyinin (2007) üzvü

Həyatı[redaktə | əsas redaktə]

Mirzə Yusif 1954-cü il noyabrın 15-də Ermənistanın Zəngibasar rayonunun Qaraqışlaq kəndində anadan olub. Orta məktəbi bitirdikdən sonra Sovet Ordusu sıralarında xidmət edib. 1975-1981-ci illərdə Azərbaycan Dövlət Universitetinin jurnalistika fakültəsində ali təhsil alıb. Peşə fəaliyyətinə İrəvan şəhərində Ermənistan KP MK-nın Azərbaycan dilində əsas mətbu orqanı olan "Sovet Ermənistanı" qəzeti redaksiyasında başlayıb. Əvvəlcə baş korrektor, xüsusi müxbir sonra isə “Ədəbiyyat, incəsənət və mədəniyyət” şöbəsinin müdiri vəzifələrində çalışıb (1981-1988). Həmin illərdə müxtəlif dövri mətbuat orqanlarında saysız-hesabsız məqalələrlə çıxış edib, bədii yaradıcılıqla məşğul olub. Çalışdığı qəzetdə ədəbiyyat səhifələrinin hazırlanmasında, "Ədəbi Ermənistan" almanaxının nəşrində fəallıq göstərib, ara-sıra öz şeirlərini də dərc etdirib.

1988-ci ildə məlum Qarabağ hadisələri, erməni şovinistlərinin azərbaycanlı əhaliyə qarşı yürütdükləri etnik təmizləmə siyasəti nəticəsində doğma İrəvan şəhərini tərk etmək məcburiyyətində qalıb. Bakıda məskunlaşdıqdan sonra Аzadlıq hərəkatına qoşulub, eyni zamanda “İttifaqteatr”ın Azərbaycan filialında işə düzəlib, redaksiya- nəşriyyat şöbəsinin rəisi vəzifəsində çalışıb. 1990-1991-ci illərdə “Qafqaz” İnformasiya-Reklam Mərkəzində sədr müavini, eyni zamanda "Ömrün ayları" jurnalının redaktoru olub.

Mirzə Yusif 1992-cü ildən Dövlət Teleradio Verilişləri Şirkətində işə qəbul olunub. “Ekran-Efir” qəzetinin redaktoru, televiziyanın “Uşaq proqramları” redaksiyayasında şöbə müdiri, eyni zamanda "Məktəb kamera qarşısında", "Yeniyetmələr" verilişlərinin ssenari müəllifi və aparıcısı vəzifələrində işləyib. 1995-1997-ci illərdə AzTV-nin göndərişi ilə Nazirlər Kabinetinin və Gömrük Komitəsinin mətbuat xidməti qurumlarında məsul vəzifələrdə çalışıb.

1998-ci ildən Azərbaycan Televiziya və Radio Verilişləri QSC-ndə Dövri Nəşrlər və Sosioloji Sorğular Departamentinin rəis müavinidir. Həmçinin eyni zamanda "Ekran-Efir" qəzeti və "TVplyus" jurnalı baş redaktorunun müavinidir.

Mirzə Yusif 1970-ci illərdən ədəbi yaradıcılıqla məşğuldur, onlarla şeir və hekayənin, yüzlərlə bədii-publisistik yazıların müəllifidir.

1984-cü ildən Azərbaycan Jurnalistlər Birliyinin, 2007-ci ildən Azərbaycan Yazıçılar Birliyinin üzvüdür. Mərhum şair-telejurnalis, Azərbaycanın Milli Qəhrəmanı "Alı Mustafayev" mükafatının laureatıdır.

Ailəsi[redaktə | əsas redaktə]

Ailəlidir, iki övladı, iki nəvəsi var. Qızı Lalə sənətşünas, oğlu Pərviz iqtisadçı-kommersantdır. Nəvələri Ləman, Əsmər.

Filmoqrafiyası[redaktə | əsas redaktə]

  1. Məmməd Aslan (film, 2003)

Televiziya verilişləri[redaktə | əsas redaktə]

  1. "Məktəb kamera qarşısında" (1994-95)
  2. "Yeniyetmələr" (1993-96)

Kitabları[redaktə | əsas redaktə]

  1. "Çarmıxa çəkildi Alı haqq üçün"(1999)
  2. "Şirin bir xatirətək..."(2000)
  3. "Könül söhbətləri"(2004)
  4. "Hər könüldə yeri var"(2010)

Məqalələri[redaktə | əsas redaktə]

  1. "Qarışsın Qazağa Dilican dərəsi" (1987)
  2. "Erməni ki, erməni" (1993)
  3. "Fikir eləmə, Akif Səməd" (2000)
  4. "Məhəbbət əbədi bir ehtiyacdır" (2001)
  5. "Özü nəğmədən gözəl" (2001)
  6. "Allahın qorxusundan yalan danışmaq olmur, bəndənin qorxusundan doğru" (2002)

İstinadlar[redaktə | əsas redaktə]