Mirzə Yusif xan Məmmədbəyov

Mirzə Yusif xan Məmmədbəyov
Mirzə Yusif xan Məmmədbəyov
	Mirzə Yusif xan Məhəmmədəli xan oğlu Məmmədbəyov
Şəxsi məlumatlar
Doğum tarixi	1866
Doğum yeri	Təbriz, Təbriz şəhristanı, Şərqi Azərbaycan ostanı, İran;
Vəfat tarixi	1934 (67–68 yaşında)
Vəfat yeri	Təbriz, Təbriz şəhristanı, Şərqi Azərbaycan ostanı, İran;
Vətəndaşlığı	Qacar dövləti ; Rusiya imperiyası ; AXC ; Pəhləvi İranı
Təhsili	Peterburq Yollar İnistitutu
İxtisası	Mühəndislik
Fəaliyyəti	Azərbaycan Xalq Cümhuriyyəti Yollar, Poçt və Teleqraf nazirinin müavini
Atası	Məhəmməd xan Cavanşir[d]
Həyat yoldaşı	Mina Davatdarova[d];
Ailəsi	Cavanşirlər
Dini	Şiə müsəlman

Məmmədbəyov Mirzə Yusif xan Məhəmməd xan oğlu (1866, Təbriz – 1934, Təbriz) — Qarabağ xanları nəslindən gələn azərbaycanlı dövlət xadimi, mühəndis, Azərbaycan Xalq Cümhuriyyəti Yollar, Poçt və Teleqraf nazirinin müavini.

Həyatı

Mirzə Yusif xan 1866-cə ildə Təbriz şəhərində anadan olmuşdur. Dövrünə görə yaxşı təhsil aldığı üçün Mirzə ləqəbi almışdır. 1899-cu ildə Tiflis gimnaziyasını bitirmiş, ilk öncə Peterburq Universitetinin riyaziyyat fakültəsinə daxil olsa da, Peterburq Yollar İnistitutundan məzun olmuşdur. Təhsili bitirdikdən sonra Cənubi Qafqaz Yollar İdarəsində çalışmış, Ağstafa və Bakı sahələrinin rəisi. olmuşdur. 1918-ci ildə Azərbaycan Xalq Cümhuriyyəti yaradıldıqdan sonra onun dövlət orqanlarında çalışmış, 1919-cu ilin mart ayından ADR-in Yollar, Poçt və Teleqraf nazirinin müavini olmuşdur. 1920-ci ildə Azərbaycan bolşeviklər tərəfindən işğal edildikdən sonra İrana mühacirət etmişdir. 1934-cü ildə elə orada vəfat etmişdir.^[1]

Ailəsi

Yusif xan Qarabağ xanı İbrahimxəlil xanın soyundan idi. Onun ulu babası Əbülfət xan Tuti İbrahimxəlil xanın oğlu idi. Yusif xanın babası Məhəmmədəli xan Cavanşir Qacar ordusunda general-leytenant kimi xidmət etmiş, daha sonra Cənubi Qafqaza köçərək burada yaşamışdır. Atası Məhəmməd xan Cavanşir diplomat olmuş və Qacar dövlətinin Tiflis səfirliyində çalışmışdır. 7 oktyabr 1897-ci ildə Tiflis konsulluğunda baş münşi işləyərkən yaşına görə təqaüdə çıxmışdı. Mirzə Məhəmməd xanın törəmələri Məmmədbəyov soyadını daşıyırdılar. Mirzə Məhəmməd xanın Yusif xan, Davud xan adlı oğulları vardı. Yusif xan Həmidə Cavanşir-Məmmədquluzadənin qızı Mina xanım İbrahim bəy qızı Davatdarova ilə ailə qurmuşdu. Rəşid bəy, Murad bəy adlı oğulları vardı.^[2]^[1]

Həmçinin bax

Əbülfət xan Tuti

İstinadlar

↑ ¹ ² Çingizoğlu, 2007. səh. 3
↑ Ənvər Çingizoğlu. "Mirzə Məhəmməd xan Cavanşir: sərkərdə və diplomat kimi". reyting.az. 2020. 10 noyabr 2023 tarixində arxivləşdirilib. İstifadə tarixi: 11 noyabr 2023.

Mənbə

Çingizoğlu, Ənvər. Əbülfət xan Qarabağlınım törəməsi. Baku: Adiloğlu. 2007.

[FOOTNOTEÇingizoğlu20073-1] ¹ ² Çingizoğlu, 2007. səh. 3

[2] Ənvər Çingizoğlu. "Mirzə Məhəmməd xan Cavanşir: sərkərdə və diplomat kimi". reyting.az. 2020. 10 noyabr 2023 tarixində arxivləşdirilib. İstifadə tarixi: 11 noyabr 2023.

[1]

[2]