Movses Akopyan

Movses Akopyan
Movses Akopyan
	erm. Մովսես Հրանտի Հակոբյան
Ermənistan Silahlı Qüvvələrinin Baş Qərargah rəisi
	3 oktyabr 2016 – 24 may 2018
Əvvəlki	Yuri Xaçaturov
Şəxsi məlumatlar
Doğum tarixi	4 fevral 1965 (60 yaş)
Doğum yeri	Çartar, Martuni rayonu, DQMV, Azərbaycan SSR, SSRİ;
Təhsili	Quru Qoşunlarının Hərbi İnstitutu (Qazaxıstan),; Rusiya Federasiyası Silahlı Qüvvələri Baş Qərargahının Hərbi Akademiyası[d];
Fəaliyyəti	hərbi qulluqçu
Hərbi xidmət
Mənsubiyyəti	Dağlıq Qarabağ Respublikası
Qoşun növü	Mexanikləşdirilmiş piyada
Döyüşlər	SSRİ–Əfqanıstan müharibəsi,; Birinci Qarabağ müharibəsi,; İkinci Qarabağ müharibəsi;
Rütbəsi	general-leytenant; general-polkovnik;
Təltifləri
	mil.am/ru/50/53/p/person
	Vikianbarda əlaqəli mediafayllar

Movses Qrantoviç Akopyan (erm. Մովսես Հակոբյան; 4 fevral 1965, Çartar, DQMV) — Ermənistan hərbi komandiri, general-polkovnik (2017), Birinci Qarabağ müharibəsi iştirakçısı, Xocalı soyqırımını törədənlərdən biri. O, 2007– 2015-ci illərdə tanınmamış Dağlıq Qarabağ Respublikasının (DQR) müdafiə naziri, 3 sentyabr 2016-cı ildən 24 may 2018-ci ilə qədər Ermənistan Silahlı Qüvvələrinin Baş Qərargah rəisi olmuşdur.

Həyatı

Movses Qrantoviç Akopyan 4 fevral 1965-ci ildə Azərbaycan SSR-nin Martuni rayonu tərkibində olan Çartar kəndində anadan olmuşdur. O. 1982-ci ildə Çartar kəndindəki orta məktəbi bitirmiş və həmin il Qazaxıstan SSR-də Sovet İttifaqı Marşalı İ. S. Konyev adına Almatı Ali Ümumqoşun Komandirlər Məktəbinə motoatıcı taqım komandiri ixtisası üzrə daxil olmuşdur. 1986-cı ildə məzun olmuşdur.

1986–1987-ci illərdə Zaqafqaziya Hərbi Dairəsinin Ermənistan SSR-nin Kirovakan şəhərindəki 15-ci motoatıcı diviziyasının 353-cü motoatıcı alayında taqım komandiri vəzifəsində çalışmışdır.^[1] 1987–1988-ci illərdə Bədəxşan vilayətinin Feyzabad şəhərində Türküstan Hərbi Dairəsinin tərkibində SQƏMK-nin 860-cı ayrı-ayrı motoatıcı alayının 5-ci motoatıcı rotasının komandir müavini olmuşdur.^[2]

1988-ci ildə Xankəndi şəhərində dislokasiya olunmuş Zaqafqaziya Hərbi Dairəsinin 23-cü Qvardiya motoatıcı diviziyasının 366-cı motoatıcı alayına ezam olunmuş, 1992-ci ilin mart ayına qədər burada motoatıcı taqım komandiri, sonra rota komandiri vəzifələrində xidmət etmişdir. Birinci Qarabağ müharibəsində iştirak etmişdir. O, Xocalı soyqırımının təşkilatçılarından biridir.^[3]

1993–1998-ci illərdə Xocavənd 2-ci müdafiə bölgəsinin komandiri, 1998–1999-cu illərdə Əsgəran müdafiə bölgəsinin komandiri olmuşdur. 1999–2000-ci illərdə DQR Müdafiə Ordusu komandanının döyüş hazırlığı üzrə müavini vəzifəsində çalışmışdır. 2000–2001-ci illərdə DQR Müdafiə Ordusu komandanının birinci müavini olmuşdur. 14 mart 2000-ci ildə ona general-mayor hərbi rütbəsi verilmişdir.^[4]

24 iyul 2002-ci ildə Frunze adına Hərbi Akademiyasını bitirdikdən sonra Ermənistan müdafiə nazirinin müşaviri, 2003-cü ilin iyulundan isə DQR Müdafiə Ordusu komandanının birinci müavini, qərargah rəisi vəzifəsinə təyin edilmişdir. 11 may 2007-ci ildə tanınmamış DQR prezidenti Arkadi Qukasyanın fərmanı ilə müdafiə naziri və DQR Müdafiə Ordusunun komandanı təyin edilmişdir. 25 may 2007-ci ildə ona general-leytenant hərbi rütbəsi verilmişdir.^[4] 15 iyun 2015-ci ildə Ermənistan Prezidenti Serj Sarkisyanın fərmanı ilə Ermənistan Silahlı Qüvvələrinin Baş Qərargah rəisinin müavini təyin edilmişdir. 20 may 2016-cı ildə Ermənistan prezidentinin fərmanı Ermənistan müdafiə nazirinin maddi-texniki təchizat üzrə müavini təyin edilmişdir. 3 oktyabr 2016-cı ildə Ermənistan prezidenti Serj Sarkisyanın fərmanı ilə Movses Akopyan Ermənistan Respublikası Silahlı Qüvvələrinin Baş Qərargah rəisi təyin edilmişdir. 24 may 2018-ci ildə vəzifədən azad edilmişdir.

30 dekabr 2017-ci ildə ona general-polkovnik hərbi rütbəsi verilmişdir.^[5]

Mükafatları

Qırmızı Ulduz ordeni
Qondarma Dağlıq Qarabağ Respublikasının 1-ci dərəcəli "Döyüş xaçı" ordeni
Ermənistan Respublikasının 2-ci dərəcəli "Döyüş xaçı" ordeni
2 sentyabr 2002-ci ildə "Artsax Qəhrəmanı"
2-ci dərəcəli "Vətənə xidmətə görə" ordeni (2015)
1-ci və 2-ci dərəcəli "Vətənə xidmətə görə" medalı
Müqəddəs Vardan Mamikonyan ordeni
bir sıra digər dövlət medalları

İstinadlar

↑ Феськов В.И., Голиков В.И., Калашников К.А., Слугин С.А. «Вооруженные Силы СССР после Второй мировой войны: от Красной Армии к Советской. Часть 1: Сухопутные войска». Томск: Издательство Томского университета. 2013. 533. ISBN 978-5-89503-530-6.
↑ "Бешкарев Александр Иванович. «Афганистан. 860 омсп. Файзабад»". 31 avqust 2016 tarixində arxivləşdirilib. İstifadə tarixi: 25 iyul 2016.
↑ "Niyə Xocalı qətliamı üçün 26 fevral seçildi?". Axar.Az. 27 fevral 2023. 7 may 2023 tarixində arxivləşdirilib. İstifadə tarixi: 3 oktyabr 2023.
↑ ¹ ² "Биография Акопяна Мовсеса Грантовича на сайте Министерства обороны Армении". 3 sentyabr 2016 tarixində arxivləşdirilib. İstifadə tarixi: 25 iyul 2016.
↑ "Указ Президента РА". 29 yanvar 2018 tarixində arxivləşdirilib. İstifadə tarixi: 28 yanvar 2018.

Xarici keçidlər

[1] Феськов В.И., Голиков В.И., Калашников К.А., Слугин С.А. «Вооруженные Силы СССР после Второй мировой войны: от Красной Армии к Советской. Часть 1: Сухопутные войска». Томск: Издательство Томского университета. 2013. 533. ISBN 978-5-89503-530-6.

[2] "Бешкарев Александр Иванович. «Афганистан. 860 омсп. Файзабад»". 31 avqust 2016 tarixində arxivləşdirilib. İstifadə tarixi: 25 iyul 2016.

[3] "Niyə Xocalı qətliamı üçün 26 fevral seçildi?". Axar.Az. 27 fevral 2023. 7 may 2023 tarixində arxivləşdirilib. İstifadə tarixi: 3 oktyabr 2023.

[МА3-4] ¹ ² "Биография Акопяна Мовсеса Грантовича на сайте Министерства обороны Армении". 3 sentyabr 2016 tarixində arxivləşdirilib. İstifadə tarixi: 25 iyul 2016.

[5] "Указ Президента РА". 29 yanvar 2018 tarixində arxivləşdirilib. İstifadə tarixi: 28 yanvar 2018.

[1]

[2]

[3]

[4]

[5]