Mustafa Əliyev

Vikipediya, azad ensiklopediya
Jump to navigation Jump to search
Mustafa Əliyev
Mustafa Cahan oğlu Əliyev
Mustafa Əliyev.jpg
Doğum tarixi 7 mart 1942(1942-03-07)
Doğum yeri
Vəfat tarixi 3 avqust 2011(2011-08-03) (69 yaşında)
Vəfat yeri
Vətəndaşlığı
Milliyyəti azərbaycanlı
Elmi dərəcəsi professor
Təhsili
Mükafatları Azərbaycan Respublikasının əməkdar müəllimi

Mustafa Cahan oğlu Əliyev (7 mart 1942, Əmirxeyir, Çəmbərək rayonu3 avqust 2011, Bakı) — coğrafiya elmlər doktoru, dosent, professor.

Həyatı[redaktə | mənbəni redaktə et]

Mustafa Cahan oğlu Əliyev 1942-ci il martın 7-də Qərbi Azərbaycanın Krasnoselo rayonu Əmirxeyir kəndində anadan olmuşdur. O, yeddillik məktəbi Çaykənd kəndində orta məktəbi isə Daşkəsən şəhərində bitirmişdir. 1958-ci ildə S.M.Kirov adına ADU-nın Geoloci-coğrafiya fakültəsinə daxil olmuş və 1963-cü ildə oranı coğrafiya – biologiya ixtisası üzrə bitirmişdir.[1]

Elmi fəaliyəti[redaktə | mənbəni redaktə et]

  • 1964-1973-cü illərdə H.Zərdabi adına Gəncə Dövlət Pedoqoji İnstitunda baş müəllim işləmişdir.
  • 1971-1974-cü illər ADU-nin aspiranturasında qiyabi təhsil almışdır.
  • 1974-cü ildən Azərbaycan Dövlət Pedoqoji Universitetində çalışmışdır. Fakültə həmkarlar təşkilatının sədri, fakültə elmi şurasının üzvü olmuşdur.
  • 1997-ci ildən 2007-ci ilədək Ümumi coğrafiya kafedrasının müdiri vəzifəsində işləmiş, Universitet Elmi Şurasının üzvü olmuşdur.
  • 2002-ci ildən Ümumi coğrafiya kafedrasının professoru seçilmişdir.
  • 1988-ci ildə “Müasir ekoloji situasiya və ekoloji şüur” mövzusunda namizədlik dissertasiyası müdafiə etmiş, 1993-cü ildə dosent elmi adını almışdır.
  • 2008-ci ildən 2011-ci ilədək bilavasitə onun səyi nəticəsində yeni yaradılmış Ekologiya kafedrasına rəhbərlik etmişdir.
  • 2003-2011-ci illərdə Coğrafiya və Çağrışaqədər Hazırlıq fakültəsinin dekanı, AMEA Coğrafiya İnstitutu Elmi Şurasının üzvü, Coğrafiya Cəmiyyəti Rəyasət heyətinin üzvü, Coğrafiyanın tədrisi metodikası bölməsinin rəhbəri olmuşdur. [2]

Elmi əsərləri[redaktə | mənbəni redaktə et]

M.C.Əliyevin əsas elmi fəaliyyəti cəmiyyətlə təbiətin qarşılıqlı təsir problemləri, müasir ekologiya, ekoloji şüurun formalaşması, ekoloji situasiya, onun izahı kimi coğrafiyanın fəlsəfi məsələlərinə həsr olunmuşdu.Onun bu aspektdə “Elmi-texniki inqilab və insanın dünyagörüşü”, “Elmi və dini dünyagörüşü arasında ziddiyyət”, “Ekologiya və din problemləri”, “Ekoloji situasiya və ekoloji şüuara dair” adlı məqalələri “Kommunist”, “Elm və həyat”, “Təbliğatçı”, “Strategiya” jurnallarında çap olunmuşdur.

Mükafatları[redaktə | mənbəni redaktə et]

  • "Əməkdar müəllim"

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. B.Budaqov. Azərbaycanın coğrafiyaçı alimləri "Elm" nəşriyyatı Bakı 2013
  2. B.Budaqov Azərbaycanın coğrafiyaçı alimləri "Elm" nəşriyyatı Bakı 2013