Nəsib Muxtarov

Vikipediya, azad ensiklopediya
Jump to navigation Jump to search
Nəsib Muxtarov
Doğum tarixi
Doğum yeri Nuxa (Şəki)
Vəfat tarixi (67 yaşında)
Vətəndaşlığı
İş yeri AMEAnın Azərbaycan MEA Arxeologiya və Etnoqrafiya İnstitutunun Şəki arxeologiya-folklor qrupunun baş elmi işçisi
Təhsili Azərbaycan Dövlət Univeristetinin tarix- fakültəsi

Nəsib Mirsaleh oğlu Muxtarov — Azərbaycan arxeoloqu.[1]

Həyatı[redaktə | mənbəni redaktə et]

Nəsib Muxtarov 3 oktyabr 1951-ci il tarixdə Nuxa şəhərində anadan olmuşdur.[2] Əsgəri xidmətdən sonra Bakı şəhərindəki 21 saylı tikinti idarəsində fəhlə işləyir, 1974-1979-cü ilərdə Azərbaycan Dövlət Universitetinin Tarix fakültəsində əyani ali təhsil alır. Bundan sonra Şəkidəki R.b.Əfəndiyev adına Diyarşünaslıq muzeyində baş fond mühafizəçisi, daha sonra bu muzeyin direktoru, 1982-ci ildən isə Şəki rayon Mədəniyyət şöbəsində tarixi abidələrin baş mühafizi vəzifəsində işləyir. Şəki rayon Mədəniyyət şöbəsində işləyərkən, “Biz diyarı öyrənirik” adlı könüllülər qrupunu yaradır (Daha sonra bu qrupun bazasında “Ocaq” ədəbi-ictimai birliyi təşkil edilmişdir).

Nəsib Muxtarov 1981-ci ildən Yevlax-Balakən dəmir yolunun çəkilişi ilə əlaqədar rayon ərazisində arxeoloji qazıntı işləri aparan ekspedisiyanın işini yaxından izləmiş və bu iş onun üçün o qədər maraqlı görünmüşdür ki, bundan sonra həyatını arxeologiyaya həsr etməyə qərar vermişdir. O, 1990-cı ildən Azərbaycan MEA Arxeologiya və Etnoqrafiya İnstitutunun Şəki arxeologiya-folklor qrupunun baş elmi işçisidir. Onun iştirakı, yaxud rəhbərliyi altında fəaliyyət göstərən arxeoloji ekspedisiyalar Respublikanın şimal-qərb bölgəsində çoxlu sayda arxeoloji qazıntı işləri həyata keçirmiş və keçirməkdədirlər.

2015-ci il 17 apreldə Mədəniyyət və Turizm Nazirliyinin dəstəyi ilə Azərbaycan Xalça Muzeyində təşkil olunmuş “Milli irs-2015” mükafatının təqdimat mərasimində Nəsib Muxtarov diplom və pul mükafatı ilə təltif olunmuşdur[3].

İstinadlar[redaktə | mənbəni redaktə et]

  1. Ширин Манафов. Музей «Золотого тысячелетия»
  2. "Aydın Məmmədov. Nəsib Muxtarovun həyat yoluna bir nəzər". 2015-10-01 tarixində orijinalından arxivləşdirilib. İstifadə tarixi: 2015-03-21.
  3. Azertag.az; “Milli irs-2015” mükafatının təqdimat mərasimi olub.

Xarici keçidlər[redaktə | mənbəni redaktə et]

  • Şəkillər: 1, 2, 3.