Nadir Hüseynov (sənətçi)
| Nadir Hüseynov | |
|---|---|
| Hüseynov Nadir Qəribağa oğlu | |
| Doğum tarixi | |
| Doğum yeri | Qırmızıkənd, Salyan Azərbaycan SSR |
| Vəfat tarixi | |
| Vəfat yeri | Bakı, Azərbaycan |
| Vəfat səbəbi | ürək tutmasından |
| Fəaliyyəti | aktyor |
| Fəaliyyət illəri | 1975-ci ildən bu günə qədər |
| Mükafatları |
 |
Nadir Hüseynov — Azərbaycanın tanınmış aktyoru və bədii qiraətçi, film səsləndirən, filmlərdə və arxiv kadrlarda iştirak edən, Azərbaycanın əməkdar müəllimi (2023), Azərbaycan Dövlət Mədəniyyət və İncəsənət Universitetinin professoru.
Həyatı
[redaktə | vikimətni redaktə et]Nadir Qəribağa oğlu Hüseynov 1952-ci il aprel ayının 25-də Salyanın (indiki Neftçala) Qırmızıkənd kəndində anadan olub. Orta məktəbi bitirdikdən sonra 1971-ci ildə M. Əliyev adına Azərbaycan Dövlət İncəsənət İnstitutunda dram və kino aktyorluğu fakültəsinə daxil olub. İnstitutu bitirdikdən sonra bir müddət Lənkəran Dövlət Teatrında işləyib. 1977-ci ildən Azərbaycan Dövlət İncəsənət İnstitutunun nəzdindəki Tədris teatrında aktyor işləyib, sonra isə “Səhnə danışığı” kafedrasında müəllim kimi fəaliyyətə başlayıb. Nadir Hüseynovun ilk uğuru 1975-ci ildə Lelinqradda keçirilən Ümumittifaq bədii qiraətçilər müsabiqəsindən başlayıb. O, bu müsabiqənin diplomantı olub. Sonrakı illərdə N.Hüseynov televiziya verilişləri, yubileylər, tədbirlər də aparıcı olub. Xüsusilə də Azərbaycan Dövlət Televiziyasında “Ozan” folklor toplusu verilişinin aparıcı olub, O bir mütəxəssis müəllim kimi uzun müddətdir Azərbaycan Dövlət Mədəniyyət və İncəsənət Universitetində "Səhnə danışığı" fənnini tədris edir. Ölkənin tanınmış sənət xadimlərinin müəllimi olub.
17 dekabr 2025-ci ildə Bakı şəhərində vəfat etmişdir.[1]
Mükafatları
[redaktə | vikimətni redaktə et]13 dekabr 2023-cü ildə Azərbaycan Dövlət Mədəniyyət və İncəsənət Universitetinin 100 illiyi münasibətilə Azərbaycanda təhsilin inkişafında xüsusi xidmətlərinə və yüksək peşəkarlığına görə Azərbaycan Respublikasının əməkdar müəllimi fəxri adı ilə təltif edilmişdir.[2]
Filmoqrafiya
[redaktə | vikimətni redaktə et]- Muğam (II) (1995, tammetrajlı film-tamaşa) – aktyor (şeir deyən)
- Axırıncı aşırıma qədər (2002, qısametrajlı sənədli televiziya filmi) – filmi səsləndirən (kadrarxası mətn)
- Ali məqam (2002, qısametrajlı sənədli televiziya filmi) – filmi səsləndirən (şeirlərin qiraəti)
- And (2002, qısametrajlı sənədli televiziya filmi) – filmi səsləndirən
- Cəsarətin heyrət məqamı (2002, qısametrajlı sənədli televiziya filmi) – filmi səsləndirən
- İlham Əliyev. “Olimp”in fəthinə doğru (2002, qısametrajlı sənədli televiziya filmi) – filmi səsləndirən
- İlham Əliyev. Yeni neftin strategiyası (2002, qısametrajlı sənədli televiziya filmi) – filmi səsləndirən
- Uzaq sahillərin əfsanəsi (2002, qısametrajlı sənədli televiziya filmi) – filmi səsləndirən
- Yeddi duyum (2002, qısametrajlı sənədli televiziya filmi) – filmi səsləndirən (şeirlərin qiraəti)
- Ali sevgi (2002-2003, qısametrajlı sənədli televiziya filmi) - filmi səsləndirən (kadrarxası mətn)
- Dağların telli havası (2003, qısametrajlı sənədli film) – filmi səsləndirən
- Dan qızartısından qürub şəfəqlərinədək (2003, qısametrajlı sənədli televiziya filmi) – filmi səsləndirən
- Dar günün dostu (2003, qısametrajlı sənədli televiziya filmi) – filmi səsləndirən
- Dünənə ehtiramla, sabaha ümidlə (2003, qısametrajlı sənədli televiziya filmi) – filmi səsləndirən (kadrarxası mətn)
- İlham Əliyev. Diplomatiyada uğur rəmzi (2003, tammetrajlı sənədli televiziya filmi) – filmi səsləndirən
- İlham Əliyev. Ümidlərin gerçəklik məqamı (2003, qısametrajlı sənədli televiziya filmi) – filmi səsləndirən
- Ötən əsrdən gələn adam (2003, qısametrajlı sənədli televiziya filmi) – filmi səsləndirən
- Baba dağ (2006, qısametrajlı sənədli televiziya filmi) – filmi səsləndirən (kadrarxası mətn)
- Ev (2007, qısametrajlı bədii film) – aktyor
- Əsrim, taleyim mənim (2014, qısametrajlı sənədli televiziya filmi) – aktyor, filmi səsləndirən
Xarici keçidlər
[redaktə | vikimətni redaktə et]İstinadlar
[redaktə | vikimətni redaktə et]- ↑ Nadir Hüseynov sükan arxasında ürəktutmadan vəfat etdi
- ↑ "Azərbaycan Dövlət Mədəniyyət və İncəsənət Universitetinin əməkdaşlarının təltif edilməsi haqqında Azərbaycan Respublikası Prezidentinin Sərəncamı". 13 dekabr 2023 tarixində arxivləşdirilib. İstifadə tarixi: 13 dekabr 2023.