Naim Fətəliyev

Vikipediya, azad ensiklopediya
Naviqasiyaya keçin Axtarışa keçin
Naim Fətəliyev
18 yanvar 1992 – 13 sentyabr 1992
PrezidentSənan Əlizadə
bayraq
Azərbaycan SSR Ali Soveti sədrinin müavini
bayraq2
18 may 1990 – 5 fevral 1991
SədrElmira Qafarova
30 dekabr 1985 – 18 may 1990
SədrSüleyman Tatlıyev
Elmira Qafarova
Şəxsi məlumatlar
Doğum tarixi 1935
Partiya
Təhsili

Təltifləri "Xalqlar dostluğu" ordeni

Naim Sadıq oğlu Fətəliyev — Azərbaycan mühəndisi və dövlət xadimi, Azərbaycan SSR Ali Soveti Rəyasət Heyəti sədrinin müavini (1985–1990), Azərbaycan SSR Ali Soveti sədrinin müavini (1990–1991), "Azərineft" Dövlət konserninin vitse-prezidenti (1992).

Həyatı[redaktə | mənbəni redaktə et]

Naim Sadıq oğlu Fətəliyev 1935-ci ildə anadan olmuşdur. Azərbaycan Neft və Kimya İnstitutunuBakı Ali Partiya Məktəbini bitirmişdir.[1]

Naim Fətəliyev əmək fəaliyyətinə 1954-cü ildə Əliheydər Qarayev adına Bakı neftayırma zavodunda operator köməkçisi kimi başlamış, sonra bu müəssisədə operator, qurğu rəisi işləmişdir. 1965–1976-cı illərdə Azərbaycan Kommunist Partiyası Mərkəzi Komitəsinin Neft və qaz sənayesi şöbəsinin təlimatçısı, Partiya-təşkilat işi şöbəsinin inspektoru olmuşdur.[2]

1976–1977-ci illərdə Naim Fətəliyev Neft, Kimya və Qaz Sənayesi Fəhlələri Həmkarlar İttifaqı Azərbaycan Respublika Komitəsinin sədri olmuş, 1977–1985-ci illərdə Azərbaycan Həmkarlar İttifaqları Şurasının katibi vəzifəsində çalışmışdır. 1985-ci ilin dekabr ayında Azərbaycan SSR Ali Soveti Rəyasət Heyəti sədrinin müavini seçilmişdir.[2] 1992-ci ilin yanvar ayından "Azərineft" Dövlət konserninin vitse-prezidenti olmuşdur.[3]

Naim Fətəliyev 1962-ci ildən Sovet İttifaqı Kommunist Partiyasının üzvü olmuşdur. O, Azərbaycan SSR Ali Sovetinin XXI çağırış deputatı, eləcə də Azərbaycan SSR Ali Soveti Rəyasət Heyətinin üzvü seçilmişdir. "Xalqlar dostluğu" ordeniSSRİ medalları ilə təltif edilmişdir.[2]

İstinadlar[redaktə | mənbəni redaktə et]

  1. Фәтәлијев Наим Садыг оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 385.
  2. 1 2 3 Наим Садыг оғлу Фәтәлијев: [Азәрбајҹан ССР Али Совети Рәјасәт Һеј'әти сәдринин мүавини] // Коммунист. № 300 (19871). 31 декабр 1985-ҹи ил. С. 2.
  3. "N. S. Fətəliyev haqqında Azərbaycan Respublikasının Prezidentinin Sərəncamı". e-qanun.az. 18 yanvar 1992. 2023-08-21 tarixində arxivləşdirilib. İstifadə tarixi: 21 avqust 2023.