Süleyman Tatlıyev

Vikipediya, azad ensiklopediya
Jump to navigation Jump to search
Süleyman Tatlıyev
Süleyman Tatlıyev01.png
bayraqAzərbaycan Respublikası Ticarət və Sənaye Palatasının prezidentibayraq
1994 — 9 mart 2014
Sələfi Kamran Hüseynov
Xələfi Niyaz Əli-zadə
bayraqAzərbaycan SSR Ali Soveti Rəyasət Heyətinin sədribayraq
30 dekabr 1985 — 22 iyun 1989
Sələfi Qurban Xəlilov
Xələfi Elmira Qafarova
bayraqAzərbaycan SSR Nazirlər Soveti sədrinin birinci müavinibayraq
30 iyul 1978 — 30 dekabr 1985
Sələfi İsmayıl İbrahimov
Xələfi Artur Rasizadə
bayraqAzərbaycan SSR Nazirlər Sovetinin işlər müdiribayraq
1970 — 1978
Xələfi Arif Axundov
bayraqAzərbaycan SSR Nazirlər Soveti Kimya Sənayesi İdarəsinin rəisibayraq
13 yanvar 1966 — 1970
Şəxsi məlumatlar
Doğum tarixi 27 fevral 1925(1925-02-27)
Doğum yeri
Vəfat tarixi 9 mart 2014(2014-03-09) (89 yaşında)
Vəfat yeri
Partiya
Təhsili

Təltifləri "Şöhrət" ordeni — 2005 "Dostluq" ordeni (Rusiya) — 2004
"Oktyabr inqilabı" ordeni 1-ci dərəcəli "Vətən müharibəsi" ordeni — 1985 "Qırmızı əmək bayrağı" ordeni "Qırmızı əmək bayrağı" ordeni "Şərəf nişanı" ordeni

Süleyman Bayram oğlu Tatlıyev (27 fevral 1925, Dağ Kəsəmən, Qazax qəzası9 mart 2014, Bakı) — Azərbaycanın görkəmli ictimai-siyasi və dövlət xadimi, Azərbaycan SSR Ali Soveti Rəyasət Heyətinin sədri (1985–1989), Azərbaycan Ticarət və Sənaye Palatasının prezidenti (1994–2014).

Həyatı[redaktə | mənbəni redaktə et]

Süleyman Bayram oğlu Tatlıyev 27 fevral 1925-ci ildə Qazax rayonunun Dağ Kəsəmən kəndində anadan olmuşdur. Orta məktəbin yuxarı sinfində oxuyarkən 1943-cü ildə hərbi xidmətə çağırılıb. Cəbhədə ağır yaralandıqdan sonra vətənə qayıdaraq, Qazax şəhər orta məktəbini, 1951-ci ildə isə Azərbaycan Dövlət Universitetinin Kimya fakültəsini bitirmişdir.

Əmək fəaliyyətinə 1951-ci ildə Qroznı Yeni Neftayırma Zavodunda mühəndis kimi başlamış və 1956-cı ilədək həmin vəzifədə işləmişdir.

1956–1961-ci illərdə Sumqayıt Sintetik Kauçuk Zavodunda sex rəisi, baş mühəndisin müavini, 1961–1963-cü illərdə Xalq Təsərrüfatı Şurası kimya idarəsinin şöbə müdiri, 1963-cü ildən Azərbaycan KP MK-nın Kimya və neft sənayesi şöbəsi müdirinin müavini, 1963–1964-cü illərdə Sov.İKP Zaqafqaziya Bürosu üzrə inspektor, 1964–1965-ci illərdə yenidən Azərbaycan KP MK-nın Kimya və neft sənayesi şöbəsi müdirinin müavini, 1965–1970-ci illərdə Azərbaycan SSR Nazirlər Sovetinin Kimya sənayesi idarəsinin rəisi, 1970–1978-ci illərdə Azərbaycan SSR Nazirlər Sovetinin İşlər idarəsinin müdiri, 1978–1985-ci illərdə Azərbaycan SSR Nazirlər Soveti sədrinin birinci müavini, 1985–1989-cu illərdə Azərbaycan SSR Ali Sovetinin Rəyasət Heyətinin sədri, 1991-ci ildən "Nur" Xarici İqtisadi Assosiasiyasının prezidenti, 1994-cü ildən ömrünün sonuna qədər Azərbaycan Respublikası Ticarət və Sənaye Palatasının prezidenti vəzifələrində çalışmışdır.

Bir neçə çağırış Azərbaycan SSR Ali Sovetinin və SSRİ Ali Sovetinin deputatı seçilib. Süleyman Tatlıyev bir sıra orden və medallarla təltif edilib, o cümlədən müstəqil Azərbaycan Respublikasının ali mükafatı olan "Şöhrət" ordeninə layiq görülüb.

Azərbaycanın ictimai-siyasi və dövlət xadimi Süleyman Bayram oğlu Tatlıyev 9 mart 2014-cü ildə vəfat etmişdir.

İstinadlar[redaktə | mənbəni redaktə et]

Mənbə[redaktə | mənbəni redaktə et]