Qurban Xəlilov

Vikipediya, azad ensiklopediya
Jump to navigation Jump to search
Qurban Xəlilov
Qurban Xəlilov.jpg
bayraqAzərbaycan SSR Ali Soveti Rəyasət Heyətinin sədribayraq
25 dekabr 1969 — 30 dekabr 1985
Sələfi Məmməd İsgəndərov
Xələfi Süleyman Tatlıyev
bayraqAzərbaycan SSR maliyyə naziribayraq
3 noyabr 1958 — 25 dekabr 1969
Sələfi Rza Sadıqov
Xələfi Baxşəli Baxşəliyev
bayraqAzərbaycan SSR yerli sənaye naziribayraq
1955 — 1958
Sələfi Səlim Qasımov
Xələfi Davud Məmmədov
Şəxsi məlumatlar
Doğum tarixi
Doğum yeri Kəhralan, Cənubi Azərbaycan
Vəfat tarixi (93 yaşında)
Vəfat yeri Bakı, Azərbaycan
Partiya КПСС.svg Sov.İKP
Təhsili Azərbaycan Neft İnstitutu
Uşaqları Vasif Xəlilzadə, Sima Xəlilova, Nəsif Xəlilov, Fərhad Xəlilov

Təltifləri "Lenin" ordeni "Lenin" ordeni "Lenin" ordeni "Lenin" ordeni "Lenin" ordeni "Oktyabr inqilabı" ordeni "Qırmızı əmək bayrağı" ordeni "Qırmızı Ulduz" ordeni
İmzanın şəkli

Qurban Əli oğlu Xəlilov (2 (15) noyabr 1906, Ərdəbil20 mart 2000, Bakı) — Azərbaycan-sovet dövlət xadimi, Azərbaycan SSR Ali Soveti Rəyasət Heyətinin sədri (1969–1985), Azərbaycan SSR maliyyə naziri (1958–1969), Azərbaycan SSR yerli sənaye naziri (1955–1958), SSRİ Ali Soveti Rəyasət Heyətinin sədr müavini və VIII–XI çağırış deputatı.

Həyatı[redaktə | mənbəni redaktə et]

Qurban Xəlilov 15 noyabr 1906-cı ildə Cənubi Azərbaycanın Kəhralan kəndində (hazırkı Ərdəbil) fəhlə ailəsində anadan olmuşdur. Əmək fəaliyyətinə 1923-cü ildə Bakıda başlamışdır.[1]

1933-cü ildə Azərbaycan Neft İnstitutunu bitirib. 1932–1935 və 1937-ci illərdə Bakıda S. M. Kirov adına zavodda mühəndis, sex rəisi işləmişdir. 1935–1936-cı illərdə Sovet Ordusunda xidmət etmiş, 1937–1942-ci illərdə leytenant Şmidt, S. M. Kirov, F. Dzerjinski adına maşınqayırma zavodlarının direktoru, 1942–1945-ci illərdə Azərbaycan KP Bakı Şəhər Komitəsinin katibi vəzifəsində çalışmışdır.[2]

Qurban Xəlilov "Azneft", "Azərneftkəşfiyyat" birliyinin rəis müavini, tikinti trestinin müdiri, Naxçıvan MSSR-də tikinti idarəsinin rəisi, Azərbaycan SSR tikinti materialları sənayesi nazirinin müavini (1945–1955) işləmişdir. 1955–1958-ci illərdə Bakı Şəhər İcraiyyə Komitəsi sədrinin müavini, Azərbaycan SSR yerli sənaye naziri, 1958–1969-cu illərdə Azərbaycan SSR maliyyə naziri olan Qurban Xəlilov 1969–1985-ci illərdə Azərbaycan SSR Ali Soveti Rəyasət Heyətinin sədri, paralel olaraq 1970-ci ildən SSRİ Ali Soveti Rəyasət Heyətinin sədr müavini vəzifələrində işləmişdir.[1]

Sov.İKP 24–27-ci qurultaylarının, Azərbaycan KP 13, 14, 19, 22–31-ci qurultaylarının nümayəndəsi olmuşdur. 1971–1986-cı illərdə Sov.İKP MTK-nın, 1970–1986-cı illərdə Azərbaycan KP MK bürosunun üzvü olmuşdur. AKP-nin 1985-ci ildəki 31-ci qurultayında MK üzvü seçilmişdir.[1]

1926-cı ildən Sov.İKP-nın üzvü, 1971-ci ildən Sov.İKP Mərkəzi Təftiş Komissiyasının üzvü, SSRİ Ali Sovetinin (8–11-ci çağırış)[2], Azərbaycan SSR Ali Sovetinin (2, 5–11-ci çağırış) deputatı olmuşdur.[1]

Qurban Xəlilovun Bakıdakı xatirə lövhəsi

Qurban Xəlilov 20 mart 2000-ci ildə Bakıda vəfat edib.[3]

Təltifləri[redaktə | mənbəni redaktə et]

İstinadlar[redaktə | mənbəni redaktə et]

  1. 1 2 3 4 Хәлилов Гурбан Әли оғлу // Азәрбајҹан Совет Енсиклопедијасы: [10 ҹилддә]. X ҹилд: ФростШүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 75. (#invisible_char); (#invisible_char); (#invisible_char); (#invisible_char); (#invisible_char); (#invisible_char); (#invisible_char)
  2. 1 2 Халилов Курбан Али оглы // Большая советская энциклопедия[в 30 т.]. Франкфурт — Чага (3-е изд.). М.: Советская энциклопедия. гл. ред.: А. М. Прохоров. 1978. ст. 174. (#invisible_char)
  3. Xəlilov Qurban Əli oğlu // Fəxri Xiyaban. Bakı: Heydər Əliyev Fondu. 2007. səh. 96.

Xarici keçidlər[redaktə | mənbəni redaktə et]