Əvəz Ələkbərov

Vikipediya, açıq ensiklopediya
Jump to navigation Jump to search
Picto infobox character.png
Əvəz Ələkbərov
Əvəz Əkbər oğlu Ələkbərov
Fotoqrafiya
Doğum tarixi 23 iyul 1952 (1952-07-23) (66 yaş)
Doğum yeri Cil, Krasnoselo, Ermənistan SSR, SSRİ
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Milliyyəti azərbaycanlı
Elm sahəsi İqtisadiyyat
İş yeri Azərbaycan Dövlət İqtisad Universiteti
Elmi dərəcəsi İqtisad elmləri doktoru
Elmi vəzifəsi Professor
Alma mater Azərbaycan Xalq Təsərrüfatı İnstitutu
Təhsiliiqtisadçı
Tanınırdövlət,ictimai-siyasi xadim,tanınmış iqtisadçı alim
AtasıƏkbər Ələkbərov
AnasıHürü Ələkbərova
MükafatlarıƏməkdar müəllim
www.unec.edu.az
VikiAnbarda Commons-logo.svg audio, foto və videofayllar

Əvəz Ələkbərov (tam adı: Əvəz Əkbər oğlu Ələkbərov; d. 23 iyul 1952, Cil, Krasnoselo, Ermənistan SSR, SSRİ) — iqtisad elmləri doktoru, professor, Azərbaycan Respublikasının eks maliyyə naziri.

Bioqrafiya[redaktə | əsas redaktə]

Əvəz Ələkbərov 1952-ci il iyulun 23-də Qərbi Azərbaycanda anadan olmuşdur. Orta məktəbi bitirdikdən sonra 1969-cu ildə Azərbaycan Xalq Təsərrüfatı İnstitutuna daxil olmuş, 1973-cü ildə həmin institutun uçot-iqtisad fakultəsini bitirib, iqtisadçı ixtisası alaraq Bakı Baş tikinti idarəsində mühasib-hesabdar kimi işləmişdir. Sonra hərbi xidmətdə olmuşdur.

1975-ci ildən Azərbaycan Kənd Tikinti Nazirliyində iqtisadçı, böyük iqtisadçı, plan şöbəsinin rəisi, trest müdirinin iqtisadi məsələlər üzrə müavini işləmişdir.1980-cı ildə Kuybışev adına Moskva idarəetmə işçilərini təkmilləşdirmə institutunu bitirmişdir. 1981-ci ildən Azərbaycan Nazirlər Soveti İqtisadiyyat şöbəsində böyük referent və müdir müavini vəzifəsində çalışmışdır. 1991-ci ildən yeni yaradılan Azərbaycan Respublikası Pensiya Fondu idarə heyətinin sədri olmuşdur. 1992-ci ildən Azərbaycan Respublikası Dövlət Sosial Müdafiə Fondunun sədri vəzifəsində işləmişdir.

1999-cı ildə Ümumi Milli Lider Heydər Əliyev tərəfindən Azərbaycan Respublikasının Maliyyə Naziri təyin edilmişdir,O bu vəzifədə 7 il işləmişdir. Respublikada iqtisadi siyasətin formalaşmasında, budcə-vergi, pul-kredit və sosial siyasətin təşəkkül tapmasında səylər göstərmişdir. Onun bilavasitə təşəbbüsü və rəhbərliyi altında ilk "Vergi məcəlləsi", "Büdcə sistemi haqqında qanun" və "Sosial sığorta haqqında qanun" hazırlanmış və tədbiqinə nail olunmuşdur. Dövlət və hökumət komissiyalarının üzvü olmuşdur. Ölkəmizi ABŞ, Birləşmiş Krallıq, Çin, Türkiyə, İsveçrə, Belçika, Norveç, Rusiya, Səudiyyə Ərəbistanı, Danimarka, Hindistan və başqa ölkələrdə beynəlxalq, ikitərəfli dövlətlər arası konfranslar və tədbirlərdə çıxış edərək təmsil etmişdir. Azərbaycan–ABŞ dövlətlərarası iqtisadi komissiyanın həmsədri kimi iqtisadi əlaqələrin qurulmasında xidmətləri vardır. Beynəlxalq Valyuta fondu, İslam İnkişaf bankı, Qara Dəniz Ticarət və İnkişaf Bankı və Asiya İnkişaf bankının Azərbaycan üzrə müdiri olmuşdur. Azərbaycan Beynəlxalq Bankı və Birləşmiş Universal Bankın (Kapital Bankın) müşahidə Şurasının Sədri olmuşdur

2000-2013-cü illərdə YAP Siyasi Şurasının üzvü olmuşdur. Hal hazırda YAP Nəsimi rayon təşkilatının Siyasi Şurasının və İdarə Heyətinin üzvüdür.

Elmi fəaliyyəti[redaktə | əsas redaktə]

2003-cü ilin sentyabrn 30-da Azərbaycan Milli Elmlər Akademiyası İqtisadiyyat İnstitutunda, Bakı şəhərində "Bazar münasibətləri şəraitində Azərbaycanda sosial sığortanın formalaşması və inkişafı problemləri" mövzusunda (elmi rəhbər məşhur iqtisadçı, iqtisad elmləri doktoru, professor, əməkdar elm xadimi Tofiq Quliyev, rəsmi oppenentlər iqtisad elmləri doktoru, professor Kamil Şahbazov, iqtisad elmləri namizədi, dosent Adilə Gözəlova, aparıcı təşkilat Rusiya Əmək və Sosial Münasibətlər Akademiyası) dissertasiya müdafiə etmiş və iqtisad elmləri namizədi, 2008-ci ilin yanvarın 15-də Azərbaycan Respublikası Prezidenti yanında Ali Attestasiya Komissiyası tərəfindən yaradılmış Birdəfəlik Dissertasiya Şurasında "Sosial-iqtisadi inkişafın maliyyə-büdcə tənzimlənməsi problemləri" mövzusunda doktorluq dissertasiyası müdafiə etmiş (rəsmi opponentlər AMEA-nın müxbir üzvü Əli Nuriyev, iqtisad elmləri doktoru, professor Məmmədhəsən Meybullayev və iqtisad elmləri doktoru, professor Rafiq Əliyev,aparacı təşkilat Azərbaycan Respublikası İqtisadi İnkişaf Nazirliyinin İqtisadi İslahatlar Elmi-Tədqiqat İnstitutu), iqtisad elmləri doktoru elmi dərəcəsi almış və elmi fəaliyyətlə məşğul olmuşdur, 70-ə qədər elmi əsərlərin, o cümlədən 4 monoqrafiyanın,1 biblioqrafiq kitabın, 1 dərsliyin və 1 dərs vəsaitinin müəllifidir. Həm namizədlik dissertasiya, həm də doktorluq dissertasiya işi AMEA-nın İqtisadiyyat İnstitutunda yerinə yetirilmişdir. Dünya və ölkə mətbuatında ictimai-siyasi və iqtisadi məsələlər üzrə 500-dən çox məqalələri var. 2016-cı ilin fevral ayından Azərbaycan Dövlət İqtisad Universitetinin "Maliyyə və maliyyə institutları" kafedrasının müdiri və "Professorlar Klubu" rəyasət heyətinin sədridir. Azərbaycan Respublikası təhsil nazirinin əmri ilə "Maliyyə" ixtisası üzrə ixtisaslaşdırılmış magistr dissertasiya şurasının sədri, Azərbaycan Respublikası Prezidenti yanında Ali Attestasiya komissiyasının əmri ilə elmlər doktoru və fəlsəfə doktoru üzrə "Dissertasiya şurasının" üzvü, Universitet rektorunun əmri ilə fakültə elmi şurasının üzvüdür.

20 iyul 2017-ci ildə Azərbaycan Respublikası Prezidentinin Sərəncamı ilə Azərbaycanda təhsil sahəsində səmərəli fəaliyyətinə görə ona “Əməkdar müəllim” fəxri adı verilmişdir.[1]

Azərbaycan, rustürk dillərini bilir. Ailəlidir. İki övladı və nəvələri vardır.

Fəxri adları və təltifləri[redaktə | əsas redaktə]

  • Flag of the United States.svg "Barons Who's Who" tərəfindən Yeni Əsrin 500 lideri (2004)
  • Flag of Russia.svg Beynəlxalq Menecment Akademiyasının həqiqi üzvü (2005)
  • Flag of Azerbaijan.svg "Azərbaycan Həmkarlar İttifaqlarının 100 illiyi yubileyi" medalı (2006)
  • Flag of Azerbaijan.svg "Gömrük əməkdaşlığının möhkəmləndirilməsinə görə" döş nişanı (2006)
  • Flag of Azerbaijan.svg Avropa Nəşr Mətbuat Evinin qərarı ilə "Ən yaxşı vətənpərvər tədqiqatçı alim" qızıl medalı (2016)
  • Flag of Germany.svg Avropa Təbii Elmlər Akademiyasının həqiqi üzvü (2016)
  • Flag of Turkey.svg Türk dünyası fəxri mədəniyyət və sülh səfiri (2017)
  • Flag of the United Nations.svg BMT tərəfindən elm və təhsil sahəsində xidmətlərinə görə Avropa Ordeni (2017)
  • Flag of Azerbaijan.svg "Azərbaycan Respublikasının əməkdar müəllimi" fəxri adı (2017)
  • Flag of Turkey.svg Türk Dünyası Araşdırmaları Beynəlxalq Elmlər Akademiyasının "Atatürk mükafatı" (2018)
  • Flag of Germany.svg Avropa Təbii Elmlər Akademiyası tərəfindən Qotfrid Leybnits medalı (2018)
  • Flag of Germany.svg "Avropanın əməkdar elm xadimi" (2018)

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Əvəz Ələkbərov ilə əlaqəli mediafayllar var.

Vikikitabda Əvəz Ələkbərov ilə əlaqəli kitablar var.

Vikisitatda Əvəz Ələkbərov ilə əlaqəli məlumatlar var.