Fikrət Yusifov

Vikipediya, açıq ensiklopediya
Jump to navigation Jump to search
Fikrət Yusifov
Fikrət Hüseyn oğlu Yusifov
Fikrət Yusifov.jpg
bayraqAzərbaycan Respublikasının
3-cü Maliyyə naziri
bayraq
28 iyun 1994 — 11 iyul 1999
Sələfi Saleh Məmmədov
Xələfi Əvəz Ələkbərov
Şəxsi məlumatlar
Təhsili Dadaş Bünyadzadə adına Azərbaycan Xalq Təsərrüfatı İnstitutu
Doğum tarixi 20 avqust 1957 (1957-08-20) (62 yaş)
Doğum yeri Danzik, Şərur rayonu, Naxçıvan MR
Atası Hüseyn Yusifov

Fikrət Hüseyn oğlu Yusifov (d. 20 avqust 1957, Danzik, Şərur rayonu, Naxçıvan MR) — azərbaycanlı iqtisadçı, Azərbaycan Respublikasının keçmiş maliyyə naziri, "Ekonomiks" Beynəlxalq İqtisadi Araşdırmalar Birliyinin sədri.

Həyatı[redaktə | əsas redaktə]

Fikrət Yusifov 1957-ci ilin avqust ayının 20-də Naxçıvan MR-nın Şərur rayonunun Danzik kəndində ziyalı ailəsində anadan olmuşdur. 1974-cü ildə Abşeron rayonunun Mehdiabad qəsəbəsində orta məktəbi bitirmiş və həmin ildə də Dadaş Bünyadzadə adına Azərbaycan Xalq Təsərrüfatı İnstitutuna daxil olmuşdur. 1978-ci ildə İnstitutu fərqlənmə diplomu ilə bitirib təyinatla Azərbaycan SSR Dövlət Bankına işləməyə göndərilmişdir.

1978-1980-cı illərdə hərbi xidmətdə olmuş, sonra əmək fəaliyyətini Azərbaycan SSR Maliyyə Nazirliyində davam etdirmişdir. Nazirliyin büdcə idarəsində baş iqtisadçı, sonra isə şöbə müdiri vəzifəsində çalışmışdır. Nazirlikdə işlədiyi müddətdə təhsilini qiyabi aspirantura şöbəsində davam etdirərək 1987-ci ildə Moskva şəhərində "Müasir şəraitdə yerli büdcələrin mədaxil bazarlarının təkmilləşdirilməsi" mövzusunda namizədlik dissertasiyasını müvəffəqiyyətlə müdafiə edərək iqtisad elmləri namizədi alimlik dərəcəsi almışdır. Dissertasiya müdafiəsindən sonra Azərbaycan Dövlət İqtisad Universitetində müəllimlik fəaliyyətinə başlamış, institutun elmi-tədqiqat laboratoriyasına rəhbərlik etmişdir.

1992-ci ilin oktyabr ayına kimi institutun "Maliyyə-iqtisad" fakültəsinin dekan müavini vəzifəsində işləmişdir.

1992-ci ilin oktyabr ayında Azərbaycan Respublikası maliyyə nazirinin birinci müavini vəzifəsinə təyin edilmiş, 1994-cü ildən 1999-cu ilin iyul ayına kimi Azərbaycan Respublikası maliyyə naziri vəzifəsində işləmişdir.

2001-ci ildə Rusiyanın Sankt-Peterburq Maliyyə-İqtisad Universitetində doktorluq dissertasiyası müdafiə etmişdir.

2004-2013-cü illərdə Rusiyanın Sankt-Peterburq Dövlət Maliyyə-İqtisad Universitetinin maliyyə kafedrasının professoru olmuşdur.

2014-cü ildə Azərbaycanda "Ekonomiks" Beynəlxalq İqtisadi Araşdırmalar Birliyini təsis etmiş və onun sədri seçilmişdir.

Altmışdan artıq elmi əsərin və dərsliklərin müəllifidir.

Ailəlidir, dörd övladı vardır.

Xarici keçidlər[redaktə | əsas redaktə]