Saleh Məmmədov (maliyyə naziri)

Vikipediya, açıq ensiklopediya
Jump to navigation Jump to search
Məmmədov Saleh Məmmədəli oğlu
Məmmədov Saleh Məmmədəli oğlu
Professorbayraq
5 oktyabr 1992 — 9 dekabr 1993
Xələfi Fikrət Yusifov

Doğum tarixi 12 avqust 1956 (1956-08-12) (62 yaş)
Doğum yeri Azərbaycan Respublikası, Tovuz rayonu, Çatax sovetliyi, Pələkli kəndi,
Uşaqları 3

Saleh Məmmədov Məmmədəli oğlu (d. 12 avqust 1956) — Azərbaycan Respublikasının keçmiş maliyyə naziri (1992-1993), iqtisad elmləri dokturu, professor, ictimai-siyasi xadim.

Həyatı[redaktə | əsas redaktə]

Saleh Məmmədov Məmmədəli oğlu 1956-cı ilin avqust ayının 12-də Tovuz rayonunun Çatax sovetliyinin Pələkli kəndində anadan olmuş, 1973-cü ildə rayonun Çatax kənd orta məktəbini əla qiymətlərilə bitirmiş və həmin ildə Azərbaycan Xalq Təsərrüfatı İnstitutunun (AXTİ) Maliyyə və statistika fakultəsinə daxil olmuş (Maliyyə-kredit ixtisası üzrə), , 1977-ci ildə bu təhsil ocağını Maliyyə ixtisası fərqlənmə (qırmızı diplomla) diplomu ilə bitirmişdir. 1977-78-ci illərdə keçmiş SSRİ-nin ən qaynar nöqtələrində (Əfqanıstan və İran sərhədlərində) hərbi xidmətdə olmuş, 1978-ci ildə Azərbaycan Respublikası Maliyyə Nazirliyində iqtisadçı vəzifəsində fəaliyyətə başlamışdır. 1980-ci ildə Azərbaycan Xalq Təsərrüfatı İnstitutunun Maliyyə ixtisası üzrə aspiranturasına daxil olmuş (Bakı və Moskvada) və vaxtından əvvəl aspiranturanı bitirərək, iqtisad elmləri namizəd elmi dərəcəsini almış, əmək fəaliyyətini həmin institutun maliyyə kafedrasında davam etdirmiş, sıravi müəllimlikdən professorluğa - fakultə dekanının müavininə qədər yüksəlmiş, paralel olaraq gənc yaşlarında ikən (28 yaşında) Sankt-Peterburqda Voznesenski adına Sankt-Peterburqda doktoranturada təhsilini davam etdirərək iqtisad elmləri doktoru elmi dərəcini almış (Azərbaycanın ilk maliyyə-kredit elmi üzə elmlər doktoru), Azərbaycan KP MK-nin iqtisadi məsələlər üzrə katibinin, Azərbaycan Respublikasının baş nazirinin, Azərbaycan Respublikası prezidentinin iqtisadi məsələlər üzrə müşaviri vəzifəsində işləmiş, 1991-ci ildə Türkiyə Respublikasının Mərmərə universitetinə professor vəzifəsinə dəvət almış və bu universitetdə mühazirələr oxumaqla bərabər bir sıra hökumət və özəl qurumlarda məsləhətçilik fəaliyyəti ilə məşğul olmuşdur. Türkiyədə işləyərkən Saleh Məmmədov hökumətin iqtisadi islahatlar proqramının və eləcə də bir sıra böyük partiyaların iqtisadi proqramlarının işlənməsində iştirak etmiş, biznes birliklərində, ticarət və sənaye palatalarında mühazirələrlə çıxış etmiş, dərsliklər, monoqrafiya və məqalələr dərc etmişdir. İlk dəfə olaraq Türk dünyasının iqtisadi durumu adlı geniş həcmli monoqrafiya dərc etmişdir. Bu kitab dərc edildiyi ilk iki ay ərəfəsində best sellerə çevrilmişdir.

1992-ci ildə yeni qurulan müstəqil Azərbaycan Respublikasında maliyyə naziri təyin edilmiş və 1993-cü ilin dekabrında vəzifəsindən istefa vermişdir. Bundan sonra fəaliyətini Bakı şəhər icra hakimiyyətində icra başçısının məsləhətçisi, Azərbaycan universitetində maliyyə-kredit kafedrasının müdiri, Xəzər universitetinin professoru, ADİU-nin professoru, ABŞ Georgiya dövlət universitetinin müvəqqəti professoru kimi fəaliyyətini davam etdirmişdir, eyni zamanda bir sıra beynəlxalq şirkətlərdə məsləhətçi kimi çalışmışdır.

Bu müddət ərzində elmi fəaliyyətini davam etdirmiş, böyük həcmli Maliyyə və Bank işi dərsliklərini bir neçə dəfə dərc etdirmişdir. Hazırda bu dərsliklərin növbəti redaksiyası çapa hazırlanır. Həmçinin Azərbaycanın sosial-iqtisadi inkişaf proqramı(2000-2050-ci illər) -Bakı, 2000 və kitabının, İnflyasiya və maliyyə bazarı monoqrafiyasının, bir çox digər dərsliklərin müəllifidir. Cəmi 500-dən çox bir sıra dillərdə dərc olunmuş monoqrafiya, dərslik, dərs vəsaiti və məqalələrin müəllifidir.

Saleh Məmmədov müstəqil Azərbaycanın çoxsaylı iqtisadi qanunlarının, ölkənin sosial-iqtisadi inkişaf proqramlarının, iqtisadi islahat konsepsiyalarının müəllifi və ya həm müəllifidir.

İngilis, Rus, Türk dillərini zəruri səviyyədə, alman, koreya, ukrayna, özbək və türkmən dillərini məişət istifadəsi səviyyəsində bilir.

Ailəlidir, üç övladı, dörd nəvəsi var. Hər üç övladı ali təhsil almış, müxtəlif sahələrdə fəaliyyətlərini davam etdirirlər.

İstinadlar[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]