Natiq Qubadoğlu

Vikipediya, açıq ensiklopediya
Jump to navigation Jump to search
Natiq Qubadoğlu
Fotoqrafiya
Doğum tarixi 20 may 1959(1959-05-20).
Doğum yeri Çiyni, Ucar rayonu, Azərbaycan Respublikası
Fəaliyyəti ssenarist

Natiq Qubad oğlu Babayev, Natiq Qubadoğlu (1959) — Azərbaycan Yazıçılar və Jurnalistlər birliyinin üzvü, telejurnalist, "Qızıl qələm" mükafatı laureatı (2012), Beynəlxalq Rəsul Rza mükafatı laureatı (2009). "Qafqaz-Media" İctimai Birliyinin təsis etdiyi "Peşəkar jurnalist" mükafatçısı (2008).

Həyatı[redaktə | əsas redaktə]

Natiq Qubadoğlu əslən Ucar rayonunun Çiyni kəndindəndir. O, 1959-cu il may ayının 20-də İsmayıllı rayonunun Keyvəndi sovetliyinin Minkə kəndində anadan olub. Bir müddət sonra ailəsi yenidən Ucar rayonunun Çiyni kəndinə qayıdıb. Natiq Qubadoğlu həmin kənddə 8 illik, Qaradağlı kəndində isə 10 illik orta məktəbdə təhsil alıb. Bakı Dövlət Universitetinin Jurnalistika fakültəsini bitirib. Natiq Babayev 2005-ci il iyulun 4-də İctimai televiziyanın Ədəbiyyat və incəsənət verilişləri departamentinin direktor müavini vəzifəsinə təyin olunana qədər Azərbaycan Televiziyası və Radio Verilişləri Dövlət Komitəsində kiçik redaktordan böyük redaktora qədər müxtəlif vəzifələrdə çalışmışdır. O, xüsusilə 1993-cü ildən 2005-ci ilə qədər həmin televiziyanın İctimai-siyasi proqramlar redaksiyasının böyük redaktoru vəzifəsində çalışdığı müddət ərzində özünü bacarıqlı reportuyor, istedadlı redaktor və ölkədə baş verən hadisələrin nəbzini tutmağı bacaran, milli təfəkkürə malik, daim dövlətçiliyə xidmət edən təcrübəli jurnalist kimi göstərmişdir. İctimai Televiziyada çalışdığı bu illər ərzində Natiq Babayev peşəkar telejurnalist kimi yadda qalmışdır. Daim yaradıcılıq axtarışında olan Natiq Babayev jurnalist kimi analitik süjetlərə, araşdırma mövzularına, tədqiqata meyillidir. Onun İctimai Televiziyada efir üzü görən “Bir kəndin nağılı”, “Tariximiz...Taleyimiz", "Toponimlər”, “Danışan tarix”, “Torpaq”, “Sərvətimiz” kimi verilişləri həm şirkətin rəhbərliyi, həm də tamaşaçılar tərəfindən böyük rəğbətlə qarşılanıb.

Natiq Babayev jurnalistika sahəsində olduğu kimi elmi-yaradıcı fəaliyyətlə də məşğul olub. O, "Kəlbəcər-Laçın regionu oykonimlərinin ərazi, məkan xüsusiyyətləri" mövzusunda dissertasiya işini müdafiə edərək coğrafiya üzrə fəlsəfə doktoru adına layiq görülüb.

Ailəlidir. İki övladı var.

Əsərləri[redaktə | əsas redaktə]

  • "Bir kəndin nağılı"- Kitabda ölkəmizin taninmış şəxsiyyətlərinin ata-baba yurdu olan kəndlərindən söhbət açılır, tarixi, təbiəti, insanları barədə məlumat verilir. Hər bir ziyalının doğulub boya-başa çatdığı doğma kəndinin müəlliflə birgə ziyarət etməsi,ağsaqqallarla,ziyalılarla,sadə əmək adamları ilə görüşü oxucu marağını cəlb edir.
  • "Püsyan eli"- (Tarixi-ğenealoji tədqiqat). Jurnalist-etnoqraf Ənvər Çingizoğlu ilə birgə hazırlanan bu kitab Azərbaycan xalqının etnogenizində, siyasətində və mədəniyyətində mühüm rol oynayan Püsyan eli və oymaqlarının yaşam yolundan bəhs edir.
  • "Azərbaycan tarixi yurd yerlərinin coğrafiyası" kitabı da Ənvər Çingizoğlu ilə birgə hazırlanıb.Kitab Azərbaycanın qədim yurd yerlərinə həsr olunub.
  • "Bəlkə bir də görüşdük"- (şeirlər).
  • "Mənsiz dözə bilsən"- (şeirlər).
  • "Yaşayan sevgi"- (bədii-sənədli poema)."İlham-Fərizə" poeması əsasında yazılan eyniadlı liberetto müqəddəs sevginin epizodlarını göz önünə gətirir.

Verilişləri[redaktə | əsas redaktə]

  • Bir kəndin nağılı
  • Torpar
  • Sərvətimiz
  • Amasya- Sahzadələr şəhəri( Türkiyyə).
  • Ağ dənizin sahilində ( Kipr).
  • Yaşayan məhəbbət (İlham və Fərizəyə həsr olunub).
  • Ocaq