Nazim Ağayev (müğənni)

Vikipediya, azad ensiklopediya
Jump to navigation Jump to search
Nazim Ağayev
Nazim Maşallah oğlu Ağayev
Nazim Agayev 2014.jpg
Doğum tarixi 2 yanvar 1939 (1939-01-02) (80 yaş)
Doğum yeri Bakı
Vəfat tarixi 24 aprel 2018 (79 yaşında)
Peşəsi Müğənni
Mükafatları Əməkdar artist

Nazim Ağayev — Müğənni.

Həyatı[redaktə | əsas redaktə]

Nazim Ağayev 1939-cü il 2 yanvar tarixində Bakı şəhərində anadan olmuşdur.

Atası Ağayev Maşallah əslən cənubi azərbaycanlı olaraq Bakda oxuyub təhsil almış, müxtəlif illərdə Tütün və Qənnadi fabriklərində fabrik müdiri işləmiş, 44 yaında vəfat etmişdir.

Anası Asiyə Ağayeva Lənkəranda doğulmuşdur.

Nazim 1962-ci ildə Teatr institunun musiqili komediya fakültəsinə daxil olmuş, 1967-ci ildə müvəffəqiyyətlə bitirmişdir. İnstitut illərində institutun keçirdiyi tədbirlərdə fəal iştirak edən Nazim bu tədbirlərin birində Azərbaycan Radio və televiİyası xorunun bədii rəhbəri bəstəkar Ramiz Mustafayev tərəfindən xora dəvət edilmiş və üç il xorun solisti olmuşdur. İnstitut illərində vaxtaşırı Əhməd Bakıxanovun, Əhsən Dadaşovun, Baba Salahovun rəhbərlik etdikləri ansambllarda çıxış etmişdir. Axırıcı kursun imtahan tamaşalarında Şəmsi Bədəlbəyli tərəfindən Azərbaycan Dövlət Musiqili Komediya Teatrına dəvət edilən Nazim bir neçə tamaşada müvəffəqiyyətlə iştirak edir.

1967-ci ildən Müslüm Maqomayev adına Azərbaycan Dövlət Filarmoniyasının solisti işləmişdir. Misirdə, Vyetnamda, Polşada, İtaliyada, Maltada, Hindistanda, Bolqariyada, Macarıstanda qastrollarda olmuşdur.

Ə.Bakıxanovun dəvəti ilə xalq çalğı alətləri orkestrinin solisti olmuşdur. Ağası Məşədibəyovun rəhbərliyi ilə ansamblda çalışmışdır. 1978-ci ildən «Azkonsert» Dövlət konsert-qastrol birliyinin solisti olmuşdur.

Müxtəlif vaxtlarda yeddi bədii filmdə çəkilmişdir.

Haqqında "Bəxtimə düşən sənət" sənədli filmi çəkilmişdir.

1991-ci ildən təqaüdə çıxmışdır. Heydər Əliyev fondunun təqaüdçüsü olmuşdur. 2009 ildə Azərbaycan Respublikası prezidentinin fərmanı ilə Əməkdar artist fəxri adina layiq görülüb.

Ailəsi[redaktə | əsas redaktə]

Ailəli olmuşdur, üç oğlu var.

Vəfatı[redaktə | əsas redaktə]

2018 -ci il aprel ayının 24-də uzun müddət əziyyət çəkdiyi xəstəlik nəticəsində dünyasını dəyişmişdir.

Filmoqrafiya[redaktə | əsas redaktə]

  1. Bir qalanın sirri (film, 1959)
  2. Bir cənub şəhərində (film, 1969)
  3. Ən vacib müsahibə (film, 1971)
  4. Kişi sözü (film, 1987)
  5. Yaramaz (film, 1988)
  6. Sahilsiz gecə (film, 1989)
  7. Qarabağ şikəstəsi (2001)

Xarici keçidlər[redaktə | əsas redaktə]