Nazim Bəydəmirli

Vikipediya, azad ensiklopediya
Jump to navigation Jump to search
Nazim Bəydəmirli
Nazim Bəydəmirli.jpg
Nazim Bəydəmirli, "Amerikanın səsi"nə müsahibə verərkən, 11 iyul 2016-cı il[1]
Doğum tarixi 4 may 1963 (1963-05-04) (56 yaş)
Doğum yeri Çay Rəsullu, Gədəbəy
Fəaliyyəti iqtisadçı
Commons-logo.svg Vikianbarda əlaqəli mediafayllar

Nazim Bəydəmirli (əvvəlki adı: Məmmədov Nazim Hüseyn oğlu) — Azərbaycan Respublikası Milli Məclisinin III çağırış[2] deputatı; İqtisad elmləri namizədi; Azərbaycan İqtisadçılar Klubunun prezidenti[1]

Həyatı[redaktə | əsas redaktə]

Nazim Məmmədov 1963-cü il mayın 4-də Gədəbəy rayonunun Çay Rəsullu kəndində anadan olmuşdur.

Təhsili və elmi-pedaqoji fəaliyyəti[redaktə | əsas redaktə]

1982-ci ildə Bakı Plan-Uçot Texnikumunu, 1989-cu ildə isə Voronej Dövlət Aqrar Universitetinin Yer quruluşu fakültəsini fərqlənmə diplomu ilə bitirmişdir. 1989-cu ildən Voronej Kənd Təsərrüfatı İnstitutunda kiçik elmi işçi, 1990-cı ildən Voronej Dövlət Aqrar Universitetində müəllim işləmişdir. Həmin universitetin aspiranturasında təhsil almış, elmi işini müdafiə edərək iqtisad elmləri namizədi adı almışdır.

İki kitabın və çoxsaylı elmi məqalələrin müəllifidir. Hazırda Sankt-Peterburq Dövlət İqtisadiyyat və Maliyyə Universitetinin (SPDİMU) doktorantıdır. Elmlər doktoru adını qazanmaq üçün elmi işinin ilkin müzakirəsi müvəqqiyyətlə baş tutub, profil kafedra vasitəsi ilə Böyük Elmi Şuraya müdafiə üçün tövsiyyə edilib. Müxtəlif Beynəlxalq iqtisadi Forum və Sammitlərdə iqtisadçı-ekspert kimi mütəmadi çıxış edir..Bu sırada Avropa Birliyinin hər il Polşanıən Krınitsa kurort şəhərçiyində keçirdiyi Economic Forum-u, Sankt_peterburq İqtisadi Forumunu, İstanbul Maliyyə Sammitini misal göstərmək olar.

Hərbi xidmət[redaktə | əsas redaktə]

1982-1984-cü illərdə hərbi xidmətdə olmuşdur[3].

Sahibkarlıq fəaliyyəti[redaktə | əsas redaktə]

"Amerikanın səsi" müsahibə verərkən, 2015-ci il

1993-1999-cu illərdə Rusiya Federasiyasının Lipetsk şəhərində "Kapital X" MMC-nin baş direktoru, 1996-cı ildən "İmperial LTD" Qapalı Səhmdar Cəmiyyətinin baş direktoru olmuşdur. 2000-ci ildən Bakı şəhərində "Qlobal Kaspian LTD" şirkətinin prezidenti, 2003-2005-ci illərdə "Binapmetal" MMC-nin baş direktoru vəzifələrində çalışmışdır. 2010-cu ildən sahibkarlıq fəaliyyətini davam etdirir həm də sahibkarlıq sahəsində qanunvericiliyin və idarəetmənin təkminləşdirilməsi ilə bağlı təkliflərlə KİV-də mütamədi çıxış edir.

İctimai-siyasi fəaliyyəti[redaktə | əsas redaktə]

2005-ci il noyabrın 6-da Azərbaycan Respublikası Milli Məclisinə seçkilərdə 104 saylı Gədəbəy-Tovuz seçki dairəsindən müstəqil namizəd olaraq millət vəkili seçilmişdir. Azərbaycan-Bosniya-Hersoqovina, Azərbaycan-İndoneziya, Azərbaycan-Gürcüstan, Azərbaycan-Niderland, Azərbaycan-Ukrayna parlamentlərarası əlaqələr üzrə işçi qruplarının üzvü olmuşdur. Hal-hazırda cəmiyyətin maariflənməsi üçün müxtəlif platformalarda içtimai əhəmiyyətli məsələlərlə bağlı fəaliyyətini davam etdirir. Siyasi məqsədlərindən asılı olmayaraq Azərbaycanda qanuni fəaliyyət göstərən siyasi partiyalarla (iqtidar, müxalifət), QHT və içtimai birliklərlə əməkdaşlığını davam etdirir.

Ailəsi[redaktə | əsas redaktə]

Evlidir, 2 övladı var.


İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Nazim Bəydəmirli ilə əlaqəli mediafayllar var.