Nemət Pənahlı

Vikipediya, açıq ensiklopediya
Jump to navigation Jump to search
Nemət Pənahlı
Nemət Pənahlı.jpg
Doğum tarixi: 1962(1962-Şablondakı doğum və ya ölüm tarixində texniki yanlışlıq var!-00)
Doğum yeri: Naxçıvan
Atası: Əhəd Pənahlı (?-2012)
Anası: Sara Pənahlı[1] (?-2013)
Fəaliyyəti: siyasət

Nemət Pənahlı — ictimai-siyasi xadim, Azərbaycan Milli Dövlətçilik Partiyasının sədri. 1988-ci ildə başlanan Azərbaycan Milli Azadlıq Hərəkatının liderlərindən olub.

Həyatı[redaktə | əsas redaktə]

Nemət Pənahlı (Pənahov) 1962-ci ildə Azərbaycan SSR-in Naxçıvan MSSR-də anadan olub. Azərbaycanda XX əsrin sonlarında baş verən meydan hərəkatında fəal iştirak edib və onun ilk rəhbərlərindən olub. 1988-ci ildə başlanan Azərbaycan Milli Azadlıq Hərəkatının liderlərindən olub.

1989-cu il dekabrın 31-də N. Pənahovun təşəbbüsü və başçılığı ilə milli azadlıq hərəkatı iştirakçıları tərəfindən Naxçıvan ərazisində bir neçə kilometrlik məsafədə Şimal və Cənub Azərbaycan arasında tikanlı məftillər kəsilərək sərhəd aradan götürülmüşdür. Həmin gün Dünya Azərbaycanlılarının Həmrəylik günü kimi qeyd edilməkdədir.

1990-cı illərin əvvəllərində Heydər Əliyev tərəfdarlarına qoşulub, onun hakimiyyətinin ilk illərində Prezident Administrasiyasında çalışıb. 1995-ci ildə parlament seçkisinin saxtalaşdırılacağını iddia edərək istefa verib. Bir müddət fəal siyasətdən uzaqlaşan Nemət Pənahlı 2010-cu il noyabrında 7-də keçirilən parlament seçkisində 15 saylı Yasamal birinci seçki dairəsindən deputatlığa namizədliyini irəli sürüb. Seçkiyə bir həftə qalmış namizədlərdən birinin xeyirinə saxtakarlıq ediləcəyi iddiası ilə kampaniyanı dayandırıb[2].

Hazırda Milli Dövlətçilik Partiyasının sədridir.

Son illər fəal siyasətə dönən Nemət Pənahlı 2011-ci ilin yanvar ayında "silahdan və ya silah qismində istifadə edilən əşyaları tətbiq etməklə xuliqanlıqda müqəssir bilinərək" 6 il müddətinə azadlıqdan məhrum edilib.

17 mart 2016-cı il tarixində prezident İlham Əliyevin imzaladığı əfv sərəncamı ilə əfv edilmişdir[3].

Mənbə[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikisitatda Nemət Pənahlı ilə əlaqəli məlumatlar var.