Nensi Ajram

Nensi Ajram
ərəb. نانسي عجرم‎‎
Sənətçi məlumatları
Doğum adı	Nensi bint Nabil Ajram
Doğum tarixi	16 may 1983 (1983-05-16)
Doğum yeri	Beyrut, Livan
Vətəndaşlığı	Livan
Peşəsi	müğənni
Üslub	Pop, Ərəb popu.
Musiqi aləti	vokal
Fəaliyyət illəri	1998–indiyə kimi
Albom şirkəti	EMI Arabia (1998) Megastar (2001–2005) In2Musica (2008–indiyə kimi)
nancyajram.com
Vikianbarda əlaqəli mediafayllar

Nensi Nabil Ajram (ərəb. نانسي نبيل عجرم‎‎; 16 may 1983(1983-05-16), Achrafieh^[d]) — Livan müğənnisi

Həyatı

Nensi Ajram 16 may 1983-cü ildə Livanın paytaxtı Beyrutda anadan olub. Müğənni və UNİCEF-in xoşməramlı səfiridir. Nensi hələ uşaq yaşlarında ikən atasının dəstəyi ilə oxumağa başladı və 15 yaşında özünün ilk studiya albomunu buraxdırdı. Onun sıçrayışı məşhur prodüser Jiji Lamara ilə əməkdaşlığa başladığı zaman baş verdi. Hansı ki, həmin zaman Nensi 3-cü studiya albomu “Ya Salam”-ı və “Akhasmak ah” hitini çıxartdı. 2004-cü ildə Nensinin 2-ci beynəlxalq hit albomu “Ah W Noss” çıxdı. Bu albomun "Ah W Noss", "Lawn Ouyounak" və "Enta Eih" kimi hitləri Nensinin Yaxın Şərqdə pop simvolu statusunu aldığını bildirir. Onun 2008-ci ildə çıxan "Betfakar Fi Eih?!" albomu 7 sinqldan ibarət idi. Bu albom Nensi Ajrama ən çox albomu satılan Yaxın Şərq müğənnisi olaraq ilk dəfə World Music Awards mükafatını qazandırdı. Bu, Nensinin ilk beynəlxalq mükafatı idi. Bundan əlavə, Nensi World Music Awards tarixində bu mükafatı qazanan ən gənc ərəb müğənnisi idi.
O, bu zamana qədər 8 studiya albomu və hit-paradlarda birincilik qazanan "Sehr Ouyouno", "Ya tabtab", "Mo`gabah", “Ana Yalli”, "Ehsas Gedid", "El Donia Helwa", "Mashy Haddy", "Fi Hagat", “Ya Kethar” və “Ma Tegy Hena” kimi mahnılar çıxartmışdır.
Nensi Ajram Coca-Colanın Yaxın Şərq və Ərəb Dünyasında ilk və yeganə qadın sponsoru və sözçüsüdür. Çoxlarının fikrincə Ərəb musiqisinin ikonası hesab olunan Nensi, The Oprah Winfrey Show-da Yaxın Şərqin ən nüfuzlu şəxslərindən biri kimi təqdim olunmuşdur. Nensi dəfələrlə Ərəb Biznesinin Ən Güclü Ərəbləri siyahısını tərtib etmiş və eləcə də Newsweek tərəfindən Ən Nüfuzlu Ərəblərdən biri kimi qeyd olunmuşdur. Nensinin rəsmi facebook səhifəsi sosial şəbəkədə ən çox izləyicisi olan ərəb qadın müğənnisi səhifəsidir. Ərəb Dünyasında ilk dəfə 3 milyonu keçən səhifənin hal-hazırda izləyici sayı 16 milyondan çoxdur. Nensinin 2010-cu ildə çıxan “Fi hagat” klipi internet fenomeni olmuşdur. İnternetdə ən çox baxılan bu ərəb video klipi qısa zaman içində Youtubeda ilk dəfə 31 milyon izlənmə sayını keçmişdir.

Gəncliyi və ilk addımları

Nensinin uşaqlığı

Nensi Ajram 16 may 1983-cü ildə Livanda, Beyrutun Əl-Əşrəfiyə məhəlləsində ortodoks xristian (pravoslav) ailəsində doğulub. Daha sonra ailəsi ilə birlikdə Beyrut yaxınlığındakı Nyu Şeylaya köçmüşdür. Nabil Ajram və Raymonda Oun cütlüyünün ilk övladıdır. Özündən 1 yaş kiçik bacısı Nadine Ajram və 2 yaş kiçik qardaşı Nabil Ajram da Livanda məşhurdular. Dörd yaşından etibarən duyduğu hər musiqi parçasını təkrar etməyə başladı. Səkkiz yaşında ikən Livan Televizyasının hazırladığı uşaq mahnı yarışmasında ekranlarda göründü. 1995-ci ildə 12 yaşında ikən Nensi “Noujoum Al-Moustakbal” (“Gələcəyin ulduzu”) Livan realiti televiziya yarışmasında iştirak etmişdir. O, Ümmü Gülsümün mahnısını oxuyaraq Tarab kateqoriyasında qızıl medal qazanmışdır.
Nensi Livanın ən güclü və yaxşı müəllimlərindən vokal və musiqi nəzəriyyəsi dərsləri almağa başladı. Daha 18 yaşından az olmasına baxmayaraq, möhtəşəm səsi və istisna istedadı ilə musiqi dairələrində tanındı. Bununla yanaşı, Livanda Peşəkar Artistlər İttifaqı onu üzv kimi qəbul etdi. Onun ilk sinqlları "Hobbak Allam Albi el Gheere" (müəllif: Abdo Mounzer) və "Oulha Kelma Ala Shani" adlanırdı. 1998-ci ildə, yəni 15 yaşında ikən Nensinin "Mehtagalak" ("Sənə möhtacam") adlı ilk albomu çıxdı. Ardınca 2001-ci ildə "Sheel Oyounak Anni" ("Gözlərini məndən çək") albomunu çıxartdırdı ki, bu da böyük uğur qazandı.

Musiqi karyerası

2003–2004

Nensinin sıçrayışı peşəkar prodüser və menecer Jiji Lamara ilə əməkdaşlıqdan sonra başladı. 2003-cü ilin əvvəllərində Nensi “Akhasmak ah” mahnısı və 3-cü studiya albomu "Ya Salam"la ani şöhrət qazandı. Hansı ki, bu da Nensinin ən çox satılan albomlarından biri idi. “Akhasmak ah” klipi ziddiyyətlərə səbəb oldu, belə ki, klip köhnə ərəb filmlərini xatırladırdı və Nensi bu klipdə öz müştəriləri ilə rəqs edən kafe meneceri rolunda çıxış edirdi. Nensinin növbəti "Ya Salam" və "Yay, Sehr Ouyouno" kliplərinin çıxışı tənqidləri sakitləşdirdi. Belə ki, onlar Nensinin vokal imkanlarını və üslubunu daha yaxşı ifadə edirdi.

2004–2006

Nensinin dördüncü albomu “Ah W Noss” (“Hə və yarısı (Yəqin ki mənasında işlənir)”) 12 aprel 2004-cü ildə çıxdı. Bu eyni zamanda, Nensinin karyerasında mühüm nöqtə oldu. "Ah W Noss" albomunun qazanmış olduğu böyük uğur Nensinin Ərəb musiqisi sənayesində A-List ulduzu kimi mövqeyini sabitləşdirdi. Daha sonra Nensi "Lawn Ouyounak" ("Gözlərinin rəngi") klipini çəkdirdi. Bu klipdə o, ənənəvi bir Livan toyunda gəlin olaraq təsəvvür edilib. Bu albomdan sonra Nensi Ajram Coca-Cola ilə müqavilə imzalayaraq, onların Levant, Ərəbistan və Şimali Afrika regionları üzrə rəsmi məşhur nümayəndəsi oldu. Nensinin ilk Coca-Cola reklamı beynəlxalq italyan rejissoru Luca Tomassini tərəfindən çəkilmişdir. Bu reklam onun "Oul Tany Keda" ("Bir daha söylə") hitini nümayiş etdirdi. Reklamın uğuru bu mahnıya klip çəkilməsinə gətirib çıxartdı. Klip isə bu reklamın səhnə arxası görüntülərindən ibarət idi. Albomun 4-cü hit sinqlı “Enta eih?” (“Sən nəsən?”) Samir Sfeir tərəfindən bəstələnmiş lirika idi. Nadine Labaki tərəfindən çəkilən bu klipdə Nensi ona xəyanət edən bir insanın həyat yoldaşıdır və evliliklərini xilas etməkçün öz kədərini içində gizlədir. Klip çox müsbət qarşılandı və Nensi böyük tərifə layiq görüldü. Faten Hamama kimi Misirin digər aparıcı aktyor və rejissorları Nensinin aktyorluq bacarığını təriflədilər. Bu klipdən sonra Nensi Ajrama gələn film təklifləri ikiqat artdı. O, həmçinin 2004-cü ildə Enrike İqlesias-ın Misir konsertinin açılışını edib.

2006–2008

Nensinin 5-ci studiya albomu olan "Ya Tabtab" 2006-cı il 15 Fevralda çıxdı. Bu albom 6 klip, 8 radio hiti və reklamlar üçün istifadə olunan 5 mahnını özündə birləşdirirdi. "Ya Tabtab" albomu Nensinin həmin tarixə qədər çıxan ən yaxşı albomu sayılırdı. "Ya Tabtab" klipi Nensinin Nadine Labaki tərəfindən çəkilən son klipi idi. Belə ki, bundan sonra rejissor özünün Karamel adlı filminin çəkilişlərinə başladı. Daha sonra Nensi özünün Coca-Cola hiti olan "Mo'gabah" ("Təsirləndim") mahnısına klip çəkdirdi. Həmçinin, Damas Jewelry zərgərlik əşyaları şirkəti ilə yeni imzalanan müqaviləsinə görə Nensinin bir klipi və reklamı da çıxdı. "Farfasha" dəsti üçün istifadə olunan "Ana Yalli" mahnısı albom çıxmazdan öncə artıq təqdim olunmuşdu. Nensinin ilk Damas (Farfasha) kampaniyası 2006-cı ildə Fares Al Jammal tərəfindən çəkilib. Sonra Nensi ilk dəfə tanınmış Livan rejissoru Said El Marouk ilə iş birliyinə başladı. Bununla da, albomun ən uğurlu mahnılarından biri "Ehsas Gedid" ("Yeni bir hiss") üçün klip çəkildi. Klipin ideyası rejissor Saidin lal və kar valideynləri ilə bağlı idi. Bundan əlavə, sarayda yaşayan varlı qızın kiçik bir evdə yaşayan lal və kar oğlanı sevməsi insanlara, əslində, var-dövlətin önəm daşımadığı mesajını verir. 2007-ci ilin sonlarında Nensi Damasın 2-ci kampaniyası üçün "Elly Kan" ("Səndən öncə") klipini çəkdirdi. Həmçinin, "Həyatın Coca-Cola tərəfi" adlı kampaniya üçün "El Donia Helwa" ("Həyat gözəldir") mahnısı çıxdı. Ardınca sırf uşaqlara həsr olunmuş "Shakhbat Shakhabit" ("Cızma qara") albomu çıxarıldı. Nensinin 7-ci Coca-Cola reklamı olan "El Donia Helwa" onun ən uğurlu reklamlarından biri hesab olunurdu. Bu reklam Nensinin tərzini rənglər, xoşbəxtlik və musiqi ilə üzə çıxarırdı. Bu uğur Nensinin "El Donia Helwa" adlı canlı ifalardan ibarət albom çıxartmasına gətirib çıxardı. Nensinin altıncı albomu isə tamamən uşaqlara həsr olunmuşdu. "Shakhbat Shakhabit" adlı albom mahnıların vasitəsilə uşaqlara yaxşı keyfiyyətləri və əxlaqi dəyərləri aşılayırdı. Bu da Nensinin uzun zamandır ki, etmək istədiyi bir şey idi. Klip Nensinin rejissor Said el Marouk ilə ikinci əməkdaşlığı idi. Bu klipdə albomun ən uğurlu iki mahnısı: "Shakhbat Shakhabit" və "Shater Shater" mahnıları birləşirdi. Nensi bu mahnıları dəfələrlə müxtəlif uşaq tədbirlərində, MBC3 uşaq televiziya kanalında və "Star Zghar" ("Gələcəyin ulduzu") uşaq əyləncə televiziya şousunda ifa etmişdir. Daha sonra Nensi rejissor Fadi Haddad ilə "Resala El Alam" ("Dünyaya mesaj") adlı mahnıya klip çəkdirdi. Dünyanı sülhə səsləyən bu mahnının klipi 25 May 2008-ci ildə çıxdı, hansı ki, həmin gün Livan prezidenti Mişel Süleyman Noyabr ayından etibarən ölkədə davam edən qarışıq vəziyyətə son qoymaq qərarına gəlmişdi. Bu klip Nensinin tamamən qrafikadan ibarət olan və bütün uşaqların rəngli və xoşbəxt bir dünyaya ehtiyac duyduğunu bildirən ilk klip idi. Şaiyələrə görə isə bu klip UNİCEF üçün nəzərdə tutulmuşdu. 2007-ci ildə Misirdə baş tutmuş bir tədbirdə Nensi Lionel Richie ilə yanaşı çıxış etmişdi.

2008–2010

2008-ci ilin fevral və mart aylarında, Nensinin uzun müddət gözlənilən albomundan olan "Men Ghairy Ana" mahnısının istifadə olunduğu 3 Coca-Cola reklamı çıxdı. "Men Ghairy Ana” (“Məndən başqa kim?”) mahnısı da (uğurlu “Yay” və “Ana Yalli Bahebak” mahnıları kimi) Nizar Francis, Samir Sfeir və Tarek Madkour triosu tərəfindən hazırlanmışdı. Mahnı dərhal hitə çevrildi və albom çıxışından hələ 5 ay öncə onun uğurlu olmasına yardımçı oldu. Nensinin 7-ci albomu müxtəlif ləngimələrdən sonra 30 iyul 2008-ci ildə buraxıldı. Fanatları bunu təxmini 3 il olardı ki gözləyirdilər. Bu uzun müddət gözlənilən geri dönüş albomu onun fanatları üçün çox gözlənilməz oldu. Belə ki, Nensi tərzində böyük dəyişiklik edərək, bu zamana qədər etmədiyi bir şəkildə öz geniş vokal imkanlarını göstərmişdi. Nensinin “Nancy7” və “Betfakar Fi Eih?!” albomları ona karyerasında ilk dəfə World Music Awards Dünya Musiqi Mükafatını qazandıracaq qədər ən uğurlu albomlardan hesab olunurdu. Betfakar Fi Eih?! albomuna onun 1998-ci ildəki “Mehtagalak” albomundan olan Tarab janrında ilk mahnısı – "Betegy Sertak" ("Səndən danışıldı") da daxil idi. Bu yeni versiyada əsasən, rəqs, beat, pop, dram, roman, Tarab və populyar köhnə əsərlərdən bir neçə müxtəlif stilin geniş birləşməsi istifadə olunmuşdur. Hətta bu videonun insanların fikirlərini qarışdırmasına baxmayaraq, ikinci video “Men dah elly nseik” (“Kim unudub ki səni?”) daha çox qəbul edilərək, ardıcıl olaraq 7 həftə Melody Hits-də 1-ciliyə sahib oldu. “Ehsas Gedid”-i hazırlayan həmin trio bu dəfə də “Lamset Eid” (“Əlin toxunuşu”) adlı radio hitini hazırladı. Böyük büdcə ayrılaraq Leila Kenaan tərəfindən çəkilən klip və mahnı aylarla onluqlarda zirvədə oldu. Nensi bu albomla Sony Ericsson şirkəti ilə razılaşma imzaladı. Nancynin imzası ilə xüsusi w595 modeli istehsal olundu və “Wana Ben Idek” ("Sənin qollarında ikən") isə reklamın mahnısı seçildi.
Evliliyindən təxmini bir ay sonra, 9 noyabr 2008-ci ildə Nensi Ajram ən çox satılan “Betfakar Fi Eih?!” albomuna görə ilk dəfə World Music Awards mükafatı qazandı. Qısa müsahibəsində Nensi valideynlərinə, meneceri Jiji Lamaraya, fanatlarına, albomunu hazırlayanlara və həyat yoldaşına təşəkkürünü bildirərək demişdi: “2008-ci il mənim üçün fantastik oldu – uğurlu albom, mənim toyum və indi də World Music Awards mükafatı, mən daha nə istəyə bilərəm?”
2009-cu ilin 28 sentyabrında The Oprah Winfrey Show yer kürəsinin ən tanınmış şəxsləri haqqında "Fame Around the World" adlı qısa reportaj yayımladı. Nümayiş olunan bu reportajda Ərəb dünyasını və Yaxın Şərqi təmsil edən məşhur isə Nensi Ajram oldu. O, Oprah tərəfindən “Yaxın Şərqin Britni Spirsi” kimi təqdim olundu. Nensi Ajram bu şouda bu zamana qədər qeyd olunan birinci və yeganə Yaxın Şərq sənətçisidir.

2010–2012

Coca-Cola Yaxın Şərq 2010-cu ilin yayında Nensi Ajramı müğənni K'naan ilə onların beynəlxalq hiti və 2010 FIFA Dünya Kuboku üçün olan “Wavin' Flag” mahnısını oxumaq üçün təyin etdi. Yaxın Şərq regionuna yönəldilən ərəb versiyası "Shaggaa Be Alamak" adlandı, ərəbcə olan sözlərini (həmçinin “Ah w Noss”, “Ya tabtab”, “Eftah Albak” mahnılarının da sözlərini yazan) Bahgat Amar yazdı və Tarek Madkour yenidən mahnı üzərində işlədi. Original klip K'naan olan hissələrdən ibarət idi, klipin Nensi oxuyan hissələri isə Livanda Leila Kenaanın rəhbərliyi altında çəkilib. Hər iki klip və mahnı FİFA müddətində çox yayımlandı və mahnıdan bir hissə Əl-Cəzirə kanalında reklam fasilələri zamanı xüsusilə efirə verildi. Bu, oyunların Ərəb dünyasına eksklüziv olaraq yayımlandığı yeganə kanal idi.
2010-cu il 30 avqustda Nensinin rəsmi Facebook səhifəsi onun növbəti “Fi Hagat” (“Bəzi şeylər var”) adlı klipinin 16 saniyəlik videosunu paylaşdı. Videoda Nensinin makiyaj etməsi, daha sonra yağışlı gündə maşında getdiyi görünürdü. Sonra klipi Nadine Labakinin çəkdiyi elan edildi. Bununla da o, 4 illik fasilədən sonra klip rejissorluğuna qayıtdı. Klip həmçinin Nensi və Labakinin 2006-cı ildəki “Ya tabtab” klipindən sonra birinci əməkdaşlığı idi. Klip bütünlükdə 2010-cu il 6 sentyabrda saat 20.00-da Arabica TV və MTV Livan kanallarında təqdim olundu. 2011-ci ilin yanvarında isə internetdə ilk ən çox izlənən ərəb klipi oldu.
2010-cu ilin Noyabrında Nensinin facebook səhifəsində istifadəçi sayı 1 milyonu keçərək, ən çox üzvü olan ilk ərəb səhifəsi oldu. Nensi çox minnətdar olduğunu bildirərək, fanatlarına səhifəyə xəbərlər və yeniliklər əlavə edəcəyi barədə söz verdi. Sonra səhifə “Nancy7” albomundan ardıcıl olaraq 2 və 3-cü sinqllar olan "Sheikh El Shabab" (“Gənclərin şeyxi”) və "Ya Kethar" (“Nə qədər çox”) mahnılarını elan etdi. 2-ci mahnının klipi 23 dekabr 2010-cu ildə təqdim olundu və ərəb mediasında böyük baxış sayı qazandı. Buna baxmayaraq, o, bir ayda cəmisi 750.000 baxış sayı ilə “Fi Hagat” klipi qədər eyni dərəcədə partlayışa nail olmadı. Albom Nensinin karyerasındakı dəyişikliyi bildirirdi ki, bu, onun daha çox beynəlxalq imicinə təsir göstərdi. Bu albom onun indiyə qədər ikinci ən sürətlə satılan albomu oldu. Bu, Nensi Ajrama Yaxın Şərqin ən çox albomu satılan sənətçi olaraq ikinci World Music Awards mükafatını qazandırdı.
2012-ci ildə Nensi Twitter sosial şəbəkəsinə qoşuldu və iki gün içində on min izləyici topladı. O, öz şəxsi hesabını 7-ci albomunda 4-cü mahnı olan “Men Elly Ma Ando” videosunun çəkilişlərini elan etmək üçün açdı. O, həmçinin fevral ayının sonlarında yaxın zamanda hazır olacaq uşaqlara aid ikinci albomu üzərində çalışdığını bildirdi. 2012-ci ilin iyununda o albomun “Super Nancy” adlanacağını və yaxın zamanda çıxacağını bildirdi. Nensi 2012-ci ilin yayında ABŞa səfər edərək, bir neçə ştatda konsert verdi. 2012-ci ilin sonlarında isə “Super Nancy” albomu çıxdı ki, bunun da əsas mahnısı “Ya banat” (qız övladlarına aid “Ey qızlar”) sinqlı idi. Daha sonra o, MBC Group ilə müqavilə imzalayaraq, məşhur Arab Idol televiziya yarışmasının münsiflər heyətinin üzvü oldu. Yarışmanın ilk mövsümündə sadəcə qonaq olaraq iştirak edən Nensi, 2-ci mövsümdə artıq Ahlam, Ragheb Alama və Hassan el Shafei ilə yanaşı münsif kürsüsündə oturdu.

2013–2015

Nensi Ajram 2013-cü il 23 iyunda növbəti dəfə İlin Ən Yaxşı Qadın Sənətçisi nominasiyasında Murex D’Or mükafatı qazandı. 2013-cü ildə Nensinin “Amel Akla” adlı sinqlı çıxdı. Nensi bu mahnı ilə əlaqədar, yarışma elan etdi. Yarışmanın şərtlərinə görə, fanatlar kliplə bağlı qurduqları ssenarini müəyyən olunmuş internet saytında video şəklində yerləşdirməli idilər. İnsanların və təyin olunmuş münsiflər heyətinin qərarı ilə seçilən ssenariyə klip çəkildi. Waleed Nassif tərəfindən çəkilən klip 11 Oktyabr 2013-cü ildə təqdim olundu və Nensi qalibi mükafatlandırdı. Daha sonra Nensinin ABŞ-a növbəti səfəri baş tutdu. Səfər çərçivəsində Nensi bir neçə ştatda konsert verdi.
2014-cü il Nensinin karyerasında mühüm rol oynadı. 21 martda sənətçinin uzun zamandır üzərində çalışdığı Nancy8 adlı 8-ci studiya albomu çıxdı. Həmin gün 15 mahnıdan ibarət olan albomla birlikdə Nensinin “Ma Tegy Hena” (“Bura gəl”) klipi də təqdim olundu. Rejissor Joe Bou Eid ilə ilk əməkdaşlıqdan ərsəyə gələn klip Ərəb dünyasında böyük səs-küyə səbəb oldu. Nensinin kifayət qədər dəyişik tərzdə rol aldığı klip 24 saatdan az müddət ərzində 1 milyon izlənmə sayını keçərək, youtube tarixində bu zamana qədər ən sürətlə izlənən ərəb klipi oldu.
Nensi 2014 FİFA Dünya Kubokunun himnini oxumaq üçün təyin olundu. Əlcəzairli sənətçi Cheb Khaled ilə duet olaraq hazırlanan mahnı “Shaga Helmak” adlanırdı. Mahnının klipi Cənubi Afrikada Keyptaunda çəkildi. 16 apreldə təqdim olunan klip Coca-Colanın sponsorluğu ilə çəkildi.
Nensinin son çıxartdığı Nancy8 albomunun uğuru onun növbəti dəfə World Music Awards mükafatı qazanmasına səbəb oldu. 27 mayda Monte Karloda keçirilən mərasimdə Nensi Ən Çox Albomu Satılan Ərəb Sənətçisi nominasiyasında qalib oldu. 28 mayda isə Nensinin rəsmi youtube kanalında onun yeni klipi çıxdı. “Moush Far’a Ktir” (“Çox da fərq etməz”) adlı klip Nensinin rejissor Said el Marouk ilə növbəti əməkdaşlığı idi. Bu lirikanın ardından Nensinin növbəti klipi 9 avqustda çıxdı. Fadi Haddadın üzərində çalışdığı klip “Ma Awedak Ma Ghir” (“Qısqanmayacağıma söz verə bilmərəm”) adlanırdı. Nensinin kraliça obrazında çıxış elədiyi klip albomun ritmik mahnılarından biri idi.
Nensi 2014-cü ildə Huawei şirkəti ilə müqavilə imzaladı. 1 oktyabrda Dubayda keçirilən təqdimat mərasimində şirkətin Ascent P7 modeli təqdim olundu. Həmçinin, Nensi şirkətin üzü və səfiri elan olundu. Bu yeni model ərəb ölkələrində arxa hissəsində Nensinin imzası ilə istehsal olundu. Bundan əlavə, bu modelə Nensinin iştirakı ilə reklam çəkildi. Reklamın mahnısı isə Nancy8 albomundan “Nam bi alby” (“Qəlbimdə yat”) mahnısı oldu. Nensinin növbəti klipi 23 oktyabrda çıxdı. “Yalla” mahnısının klipi qadın rejissor Angy Jammal tərəfindən çəkildi. Nensini çox pozitiv şəkildə ifadə edən “Yalla” albomun ən uğurlu kliplərindən biri sayılırdı.
Nensi 2014-cü ildə MBC kanalında yayımlanan “Arab Idol” mahnı yarışmasının 3-cü mövsümündə də münsif olaraq iştirak etdi. Hər həftənin cümə və şənbə günləri canlı yayımlanan yarışmanın digər münsif üzvləri isə tanınmış sənətçilər Ahlam, Hassan el Shafei və Wael Kfoury oldu.
İlin sonunda Nensinin Nour adlı İordaniyalı kiçik fanatı internetdən Nensiyə video yolladı. Xərçəng xəstəliyindən əziyyət çəkən balaca qız Nensini görmək istədiyini dedi. Bir neçə gün sonra, 3 dekabrda Nensi İordaniyaya səfər edərək, kiçik Nouru və Xərçəng Fondunda müalicə alan digər uşaqları ziyarət etdi.
2015-ci ildə Nensinin ilk klipi 7 yanvarda çıxdı. Heç bir alboma daxil olmayan “El Masry Man” (“Misirli adam”) adlı mahnının klipində Misir adət-ənənələri nümayiş olunurdu.
23 Fevralda Nensinin son albomdan sayca beşinci klipi çıxdı. "W bkoun jayi wadeak" (Səninlə vidalaşmağa gəldiyimdə) adlı klip Fadi Haddadın bu albomdan ikinci klipi idi. Bu lirik klip Nensinin yağışlı gündə tərəf müqabili olmadan görüntülərindən ibarətdir.
Huawei şirkəti 2015-ci ildə Nensi Ajramın "Nam bi alby" mahnısına aid yarışma təşkil etdi. Yarışma çərçivəsində fanatlar bu mahnını oxuyub, videolarını göndərdilər. Ən çox səs yığan iştirakçılar 25 Mayda Dubayda keçirilən tədbirə dəvət olundular. Tədbirdə Nensi onları mükafatlandırmalı və onlarla duet oxumalı idi. Göndərilən videolar arasında Nensinin xüsusi byəndiyi və tədbirə özəl olaraq dəvət etdiyi iştirakçı isə 10 yaşlı azərbaycanlı qız Arzu Abbasova oldu. Nensi onunla duet oxuyaraq, ona hər zaman dəstək olacağını bildirdi. Tədbir zamanı həmçinin, şirkətin P8 və B2 telefon modelləri də təqdim olundu.
Nensi Arab Idol mahnı yarışmasının 4-cü mövsümünə də münsif üzvü olaraq seçildi. İyun ayında seçim turları başlayan yarışmada Nensinin münsif yoldaşları Ahlam, Hassan el Şafei və Vael Kfouri idi. Bununla, artıq Nensi 3-cü dəfədir ki, bu yarışda münsiflər heyətində iştirak edir.
12 İyunda Nensi Beyrutda təşkil olunan BİAF mükafatlandırma mərasimində iştirak edərək, özünün növbəti mükafatını qazandı.
Avqust ayında Nensinin The Voice Kids yarışmasında da münsif üzvü olacağı açıqlandı. Növbəti ilin qış mövsümündə MBC kanalında yayımlanması planlaşdırılan uşaq mahnı yarışmasında Nensi tanınmış müğənnilər Tamer Hosni və Kadim al Sahir ilə münsif kürsüsünü paylaşdı.
İyun ayında Nensi daha bir serialın mahnısını səsləndirdi. Ramazan ayında yayımlanan "Halet Eshq" (Eşq halı) Misir serialına oxunan əsas mahnı "Maksouma nossain" (İkiyə bölündüm) adlı lirika, digər mahnı isə "Heya helwa" (O şirindi) adlı şən mahnı idi. "Maksouma nossain" mahnısı çox qısa zamanda top onluqlarda 1-ci pilləni tutdu.
Noyabr ayında Nensinin "Makoul al gharam" (mənası: belə bir eşq ola bilərmi?) adlı yeni mahnısı çıxdı. Sevgiyə aid bu mahnı ilk olaraq "Anğami" musiqi proqramında çıxdı və çıxdığı gündən etibarən uzun müddət ilk pillədə yer aldı. Bir neçə gün sonra Nensinin rəsmi Youtube kanalında yayımlanan mahnı, qısa zamanda bir milyon izlənmə sayını keçdi.

Şəxsi həyatı

Nensi 2008-ci ilin 1 Sentyabrında 3 il münasibətdən sonra Yaxın Şərqin tanınmış stomatoloqu Dr. Fadi El Haşem ilə ailə həyatı qurdu. Toy mərasimi isə Kiprdə dostlarının və ailəsinin əhatəsində, mediadan kənarda keçirildi. Nensi hamiləliyi zamanı da işlərini davam etdirirək, “Men Dah Elly Nseik” (“Kim unudub ki səni”) və “Lamset eid” (“Əlin toxunuşu”) kliplərini və özünün ilk Sony Ericsson reklamını çəkdirdi. O, həmçinin Layali Febrayer ("Fevral Gecələri") və World Music Award mükafatını alması kimi müxtəlif konsertlərdə də iştirak etdi.
Nensi 2009-cu il 16 mayda (öz doğum günündə) doğulan ilk qız övladının adını Mila qoydu. İspanca “möcüzəvi” mənasını daşıyan Milagrosa adının qısa formasıdır. Mila, həmçinin, ənənəvi addı, Livanda çox məşhurdu və “çiçək açan ağac” mənasını verir. Buna baxmayaraq, Nensi bildirdi ki, Mila adı Fadinin seçimidi və bu adı o, Ukrayna əsilli amerikan aktrisası Milla Yovoviçdən ilhamlanaraq qoyub. Nensi həmin gün qızı üçün "Ya Rab Tekbar Mila" (“Milanın böyüməsi üçün dua edirəm”) adlı mahnısını da çıxartdı. Rotana jurnalının apardığı sorğuya görə, Nensi 2009-cu ilin “Ən Gözəl Anası” seçilib. Hamiləliyi dövründə ona müxtəlif telekanallardan təkliflər gəlirdi. O təkliflərdən birinin dəyəri təxmini 10 milyon dollar idi ki, bu da Hollivud ulduzlarına olunan təklifləri xatırladır. Nensi qızı Milanın şəkillərini təqdim etməkdən imtina edirdi. Daha sonra qızı ilə olan şəklinin eksklüziv çəkilişlə "Prestige" jurnalının üz qabığında çıxmasına icazə verdi. Mila sonra onun şəkillərini yayımlamış medianın iştirakı ilə, Nensinin “Ya Kethar” ("Nə qədər çox") klipinin çəkilişində göründü.
2010-cu ilin oktyabrında, Nancy7 albomunun çıxmasından bir ay sonra Nensi ikinci qız övladına dörd aylıq hamilə olduğunu bildirdi. Bu hamiləlik müddətində o, elə hamiləliyi zamanı da çıxacaq olan "Sheikh El Shabab" ("Gənclərin şeyxi") və "Ya Kethar" ("Nə qədər çox") kliplərini çəkdirdi. Nensi Ajram MTV kanalında Analar Günü ilə bağlı olan xüsusi buraxılışda qeyd etdi ki, ikinci qızını Ella adlandırmağı qərara alıb. Ella 2011-ci il 23 apreldə anadan oldu. İkinci qızının doğumuna da "Hadri Leabek" (Oyuncaqlarını hazırla) adlı mahnı çıxartdı.
Nensi 3-cü qızını isə 2019-cu ilin yanvarın 31-də dünyaya gətirdi və o bunu sosial media vasitəsilə sevənlərinə bildirdi. Nensi qızının adını Lya qoydu. Uşaqlarının hər biri üçün xüsusi mahnı oxuyan Nensi 3-cü qızı üçün də qızının adını verdiyi "Lya" mahnısını oxudu.
Nensi yağışı çox sevir, xüsusən soyuq havada evdə zaman keçirməkdən zövq alır. Ətirləri çox sevən Nensi kiçik qabdakı ətirlərə üstünlük verir, ən çox istifadə etdiyi ətir Moschinodur. Bir neçə il öncə futbol üçün mahnı oxumasına baxmayaraq, futbol izləməyi sevmir. Öz mahnıları arasında oxumağı sevdiyi mahnısı "Men dah elly nseik"dir. Əgər bir saatlıq şansı olsa idi, görünməz olmaq istərdi. Düşünür, insan həyatda yalnız sevdiyi və zövq aldığı şeyləri etməlidir. İdmanla məşğul olsa da, ona daha çox zaman ayırmaq lazım olduğunu düşünür. Bir gününü belə onsuz keçirmədiyi əşyası telefonudur. Üç qız anası olan Nensi iki oğul övladının da olmasını arzu edir. Nensinin bir neçə yaxın rəfiqəsi var, lakin bütün sirlərini danışdığı ən yaxın rəfiqəsi anasıdır. Ən sevdiyi rəng mavidir. Açıq, pastel ton rənglərə üstünlük verir, bənövşəyi rəngini sevmir. Keçmişə qayıtmaq kimi istəyi yoxdur, Nensi düşünür ki, hər yaşın öz gözəlliyi və şirin anları var. Sevdiyi heyvan itdir. Müharibə və dağıntılardan çox qorxan Nensi hər zaman sülh tərəfdarıdır. Sevdiyi filmlər arasında "Cangüdən" də xüsusi yer alır.

Mükafatları və aldığı adlar

• 1995 - “Nojoom Al Mustaqbal” (“Gələcəyin ulduzu”) qızıl mükafatı – Nensinin ən əhəmiyyətli ilk mükafatı
• 2003, 2004, 2005, 2007 – Murex D'or Award – İlin ən yaxşı livanlı qadın müğənnisi, Beyrut
• 2003, 2006 – Murex D'or Award – İlin ən yaxşı klipi, Beyrut

( 2003-cü ildə Nadine Labakinin çəkdiyi “Ya Salam” və 2006-cı ildə Said el Maroukun çəkdiyi “Ehsas Gedid” klipləri)

• 2003 – The Golden Lion (Qızıl Şir) Mükafatı, Misir
• 2003, 2007 – LG Music Award
• 2003, 2005 – Zahrat elKhaleej Jurnalı – Ən Yaxşı Ərəb Qadın Müğənnisi, Dubay
• 2004, 2010 – Zahrat elKhaleej – İlin Ən Yaxşı Klipi, Dubay

(2004-cü ildə - “Lawn Ouyounak”, 2010-cu ildə “Fi hagat” klipləri)

• 2004 – Arabian Music Awards – İlin Ən Yaxşı Ərəb Qadın Müğənnisi, Dubay
• 2005 – Newsweek – Ən Nüfuzlu Ərəb Şəxsiyyətləri, Küveyt
• 2005 – Misirin Opera evindən Şərəf mükafatı
• 2007 – Roma Papasından Şəhadətnamə
• 2007 – Middle East Music Awards (Mobinil) – İlin Ən Yaxşı Ərəb Qadın müğənnisi, Qahirə
• 2007, 2009 – Arabian Business – Dünyanın Ən Nüfuzlu Ərəbləri, 2007-ci ildə - Ən nüfuzlu müasir qadın müğənnisi, 2009-cu ildə Ən güclü ərəb müğənniləri
• 2007 – Kol elArab Survey – 2007-ci ilin Ən Yaxşı Ərəb Ulduzu
• 2008 – 9-cu İllik Doha Festivalı – Şərəf mükafatı, Doha
• 2008 – World Music Award – Dünyanın Ən Çox Diski Satılan Yaxın Şərqli sənətçisi, 20-ci İllik WMA, Monaco
• 2008 – Student Choice Award (Tələbə seçimi mükafatı) [Kollec tələbələri sorğusu]– 2008-ci ilin ən yaxşı albomu, Beyrut
• 2008 – AlJumhuriya qəzeti, Freedom jurnalı – 2008-ci ilin Ən Yaxşı Ərəb Qadın Ulduzu, Misir
• 2009 – UNICEF-in Yaxın Şərq və Şimali Afrikada Regional Səfiri
• 2009 – Al-Jazirah Qəzetinin sorğusu: İlin Ən Yaxşı Ərəb Qadın Müğənnisi. Səudiyyə Ərəbistanı
• 2010 – Stars Cafe Jurnalı – Onilliyin ən çox albomu satılan sənətçisi
• 2010 – World Travel Award – İlin ən yaxşı qadın dünya müğənnisi
• 2010 – Sama Al Noujoum – Ən Yaxşı Qadın Müğənnisi 2010 / “Fi hagat” Ən Yaxşı Klip
• 2010 – Panet Sorğusu – Ən Yaxşı Qadın Müğənnisi
• 2010 – Arab Sound Awards – Ən Yaxşı Ərəb Qadın Müğənnisi
• 2010 – Music My Life – “Fi hagat” 2010-cu ilin Ən Yaxşı Mahnısı
• 2010 – Best Of Lbc 2010 – Nancy7 Ən Yaxşı Albom, “Fi hagat” Ən Yaxşı Klip
• 2010 – Panorama Fm (MBC) – Nancy7 Ən Yaxşı Ərəb Albomu
• 2010–2011 – Jaras Scoop Awards – Ən Yaxşı Qadın Müğənnisi
• 2010–2011 – Melody Fm Awards – Ən Yaxşı Qadın Müğənnisi
• Stars Cafe Mükafatları 2010: 6 nominasiyada qalib oldu

1. Ən Yaxşı Qadın Sənətçisi
2. Ən Yaxşı Albom: Nancy7
3. Ən Yaxşı Mahnı: “Fi hagat”
4. Ən Yaxşı Mahnı Sözləri: “Fi hagat”
5. Ən Yaxşı Oranjeman: “Fi hagat”
6. Ən Yaxşı Klip: “Sheikh El Shabab”

• 2011-ci ildə Livanda "Murex D'or 2010" mərasimindən iki mükafat qazandı. İlk mükafatı Livan Mahnısının Ulduzu kimi, ikinci mükafatını isə ən yaxşı klip kateqoriyasında "Sheikh El Shabab" klipinə görə qazandı.
• 2011 – "Woujouh Men Lebnan" mükafatları – Ən Yaxşı Qadın Müğənnisi
• 2011 – Arabian Business – Yaxın Şərqdə Ən Tanınmış Məşhur
• 2011 – World Music Awards – Dünyanın Ən Çox Diski Satılan Yaxın Şərqli Sənətçisi (Nancy 7)
• 2012 – Panet Sorğusu – 2012-ci ilin Ən Yaxşı Ərəb Qadın Sənətçisi
• 2012 – OTV Awards – 2012-ci ilin Ən Yaxşı Qadın Sənətçisi
• 2012 – Oscar El Noujoum – 2012-ci ilin Ən Yaxşı Qadın Sənətçisi
• 2013 – Murex D'or Award – Ən Tanınmış və Ən Uğurlu Ərəb Müğənnisi. Beyrut
• 2014 – World Music Award – Ən Çox Albomu Satılan Ərəb (Nancy8 albomu). Monako
• 2014 – Murex D'or Award – Ən yaxşı qadın sənətçisi. Beyrut
• 2015 – BİAF Award – Karyera Şərəf Mükafatı. Beyrut
• 2015 – Panet Website – Ən yaxşı ərəb qadın müğənnisi
• 2015 – Murex D'or – Ən yaxşı klip "Ma Awedak"
• 2015 – Murex D'or – Ən məşhur klip "Ma Tegi Hena"
• 2016 – Murex D'or – Ən yaxşı Livan mahnısı "Maakoul El Gharam"
• 2016 – Panet Website – Ən yaxşı ərəb qadın müğənnisi
• 2017 – Murex D'or – Ən yaxşı Livan qadın müğənnisi
• 2017 – Forbes – Ən yaxşı ərəb qadın məşhuru
• 2017 – YouTube – 1 milyon izləyici aşdı
• 2017 – Anghami – Ən çox axın olan mahnı "Aam Betaala' Feek"
• 2017 – Anghami – Ən çox axın olan sənətçi
• 2017 – Anghami – Ən çox axın olan albom Nancy9
• 2018 – Murex D'or – Ən yaxşı Livan qadın müğənnisi
• 2018 – Murex D'or – Ən yaxşı albom Nancy9
• 2018 – Yaxın Şərq Sosial Media Festivalı – Ən yaxşı məşhur
• 2018 – Ərəb Xalq Musiqi Mükafatları – 2017-ci ilin ən yaxşı ərəb müğənnisi
• 2018 – Ərəb Xalq Musiqi Mükafatları – 2017-ci ilin ən çox yüklənən mahnısı "Aam Betaala' Feek"
• 2018 – Ərəb Xalq Musiqi Mükafatları – Sosial Media Ulduzu

Xeyriyyəçilik və humanitar işləri

Ajram müxtəlif yardım tədbirlərində və konsertlərində iştirak etmişdir. Hansı ki, Nensi bunu öz musiqi karyerasında çox önəmli sayır. 2006-cı ildə Nensi Ajram Livanın paytaxtı Beyrutda kasıblar üçün pul yığılması və paylanması işi üzərində çalışan "Jam'iyet Nancy Ajram Al-Khayria" (“Nensi Ajramın xeyriyyə cəmiyyəti”) adı altında təşkilat açdı. Bundan əlavə, Nensi uşaqlar albomundan olan, sülhə aid "Resala El Aalam" (“Dünyaya mesaj”) adlı mahnısına da klip çəkdirdi. Nensi, həmçinin, "ElDhameer elArabi" adlanan nəhəng təşkilatda 100 digər görkəmli ərəb sənətçisi arasında iştirak etdi. Bu, ötən 10 ildə Ərəb Dünyasının əsas siyasi hadisələrini qeyd edən "AlHelm Al Arabi"-nin növbəti 10 il üçün davamı hesab olunurdu.
2008-ci ilin iyun ayında Nensi Dubayda sevimli geyimlərindən birini auksiona çıxararaq, “The Big Ball” adlı xeyriyyə tədbirində iştirak etdi. Bu, aztəminatlı uşaqlarçün 940,000 dirhəmdən çox pul yığan və uşaqlar üçün pul yığımı tədbirlərini dəstəkləyən təşkilat idi. Nensi bildirmişdi ki: “The Big Ball çox möhtəşəm bir şey edir və mən ona yardım etdiyim üçün xoşbəxtəm. Mən uşaqlara olan sevgim üçün gəlirəm, çünki yoxsul uşaqların dünyada xoşbəxt bir yer tapmaqlarına kömək etmək istəyirəm. Uşaqlar mənim sonuncu “Shakhbat Shakhabit” albomuma və xüsusən, "Resala El Aalam" mahnıma ilham verdilər.” Nensi, buna baxmayaraq, digər xeyriyyə layihələri haqda danışmaqdan imtina etməyə davam edirdi.
Beyrutda keçirilən mətbuat konfransında elan edildiyi kimi, 2009-cu il 22 oktyabrda UNİCEF Nensi Ajramı Yaxın Şərq və Şimali Afrika üzrə ilk regional qadın səfiri olaraq seçdi. Nensi bildirdi ki, o, 2010-cu ildə öz xeyriyyə layihələrinə başlayacaq. 2009-cu ilin sonlarında o, Kadim Al Sahir, Saber el-Rebai və Karess Bashar kimi Yaxın Şərqli nüfuzlu məşhurlarla birlikdə UNİCEF-in Uşaq Hüquqları Konvensiyasının 20-ci ildönümünə həsr olunmuş reklamında çəkilmişdir.
2015-ci ilin Sentyabr ayında Nensi Unicefin yeni kampaniyasında iştirak etdi. "Keyfiyyətli təhsil hər bir uşağın haqqıdır" deyən Nensi uşaqlar üçün bu kampaniyaya qatıldı.

Diskoqrafiya

Studiya albomları

• 1998: “Mehtagalak” (“Sənə möhtacam”)
• 2001: “Sheel Oyounak Anni” (“Gözlərini məndən çək”)
• 2003: “Ya Salam”
• 2004: “Ah W Noss” (“Hə və yarısı (Yəqin ki)”)
• 2006: “Ya Tabtab”
• 2008: “Betfakar Fi Eih?!” (“Nə düşünürsən?!”)
• 2010: “Nancy7”
• 2014: “Nancy8"
• 2017: “Nancy9” (Hassa Beek)

Uşaq albomları

• 2007: “Shakhbat Shakhabit”
• 2012: “Super Nancy”

DVD-lər və canlı albomları

• 2004: Jarash Festival-da canlı konsert [DVD] – MegaStar
• 2005: ‘Ma La Ta'arifunahu 3an Nancy Ajram” [DVD] – MBC
• 2006: “Ah w Noss”: Collector's Edition [CD və DVD] – MegaStar
• 2006: “Ya Salam”: Collector's Edition [CD və DVD] – MegaStar
• 2007: “Shakhbat Shakhabit” [DVD]
• 2007: “El Donia Helwa” – Canlı [Live CD]
• 2008: “Nensinin Ən Yaxşı Klipləri” [DVD]
• 2008: “Greatest Hits” [Toplama CD] – EMI
• 2009: “Awwel Marra” (“İlk dəfə”) [Köhnə canlı mahnılar CD] – Artline Music

Albomsuz sinqlları

Nensi 2005-ci ildəki "Kuwait al Shahama" mahnısından başlayaraq, Ərəb dünyasının xüsusi ölkələrinə aid müxtəlif mahnılar buraxdırmışdı. O, 2006-cı ilin əvvəllərində "Ana Masry" ("Mən misirliyəm") adlı mahnı buraxdırdı. Bu da Misirin qonaqpərvərliyi və Millətlərin futbol turnirinin Afrika Kuboku qələbəsinə təsadüf etdi. Nensi, həmçinin, sənətçi Sabahdan sonra ilk dəfə olaraq, rəqib Misir futbol komandaları üçün "Ahly və Zamalek" mahnısını yazdırdı. Nensi 2006-cı il Livan müharibəsindən öncə Livan üçün Ziad Boutrousun bəstələdiyi "Habib elOmr" adlı lirik mahnı buraxdırdı. 2007-ci il "Nahr el Bared" müharibəsindən sonra Nensi Livan ordusuna Samir Sfeirin bəstələdiyi və "Khalleek Bwejj elGhadab" adlanan mahnı həsr etdi.
2010-cu ildə Nensi "Masr al mansoura" adlı mahnı oxudu. 2011-ci ildə "Wahshany ya Masr" (Darıxmışam ey Misir) adlı mahnıya klip çəkdirdi. 2013-cü ildə Misir Silahlı Qüvvələrinin Oktyabr döyüşünün 40-cı ildönümü ilə əlaqədar "Khodo balko di Masr" mahnısını oxudu. 2015-ci ilin əvvəllərində "El Masry man" (Misirli adam) mahnısını oxudu, klipin arxa fonunda Misir mədəniyyəti nümayiş olunurdu. 2015-ci ilin Avqust ayında Misirdə yeni açılan Süveyş Kanalı münasibətilə ölkədə bayram əfval-ruhiyyəsi yaranmışdı. Bu münasibətlə, növbəti Misir haqqında mahnı da məhz Livan sənətçisi Nensiyə həvalə olundu. "Al baraka" (Bərəkət) adlanan mahnının klipində Nensinin görüntüləri yox, yalnız səsi yer alırdı.

• 2001 "Fares"
• 2005 "Kuwait Al Shahama"
• 2005 "Ana Masry" (Mən misirliyəm)
• 2005 "Ougbal" – ("Afdal Ma Endana" BƏƏ yığma albomunda çıxan)
• 2006 "Ahli w Zamalek"
• 2006 "Habib el Omr" (Ömrün sevgisi)
• 2007 "Khalleek Bwejj el Ghadab"
• 2007 "El Donia Helwa" [Coca-Cola sinqlı] – (Canlı ifalar albomunda qeyd olunan)
• 2009 "Mila"
• 2009 "Eftah Albak Tefrah" (Ürəyini xoşbəxtliyə aç) [Coca-Cola sinqlı] – (Coca-cola rəsmi saytında çıxan)
• 2010 "Masr el Mahrousa"
• 2010 "Shagga3 Bi 3alamak (Waving Flag)" [FIFA 2010 Dünya Kuboku üçün]
• 2010 "Salemoli 3alaih" (Ona salamımı de)
• 2011 "Wahshani Ya Masr" (Darıxmışam, ey Misir)
• 2011 "Hadri La3bek" (Oyuncaqlarını hazırla)
• 2011 "Papa Porto" [ikinci uşaq albomu "Super Nancy"-dən hədiyyə mahnı]
• 2013 "Ya Ghali" (Ey dəyərlim)
• 2013 "A'mel 3akla"
• 2013 "Baddak Teb2a Feyik" (Qalmaq istəyirsən, qal)
• 2013 "Bannouta Bmeet Ragel"
• 2014 "Shagga3 7elmak"
• 2015 "El Masry Man" (Misirli adam)

Qrup işləri

• 2003 - “Ilha’ni” (“Məni izlə”) Haifa Wehbe, Dina Hayek, Joe Ashkar və Yuri Mrakadinin qeyd olunduğu Livan Marafonu üçün.
• 2005 – “La Ma Khelset El Hekaya” (“O bitmir(ölmür)”) Nawal elZoghbi, Haifa Wehbe, Wael Kfoury, Sabah, Maya Nasri və daha başqalarının da iştirakı ilə keçmiş president Rafiq el Haririnin qətlindən sonra.
• 2008 - “ElDhameer el 3arabi” (“Ərəb vicdanı”) Wadih elSafi, Assala, Latifa və Cheb Khaledin də daxil olduğu yüzdən çox sənətçi ilə bərabər tanınmış "elHelm al3arabi"-yə davam.

Filmlərdən mahnılar

Ramazan 2009: Ebn el Arandaly

• Giriş mahnısı: "Ya Ebn el Arandaly" (“Ey fırıldaqçı oğlu”)
• Sonluq mahnısı: "Kol el Hekaya" (“Bütün hekayə”)

Ramazan 2011: Samara

• Giriş mahnısı: Samara
• Sonluq mahnısı: Samara

Ramazan 2015: Halet Eshq

• Giriş mahnısı: "Maksouma nossain" (İkiyə bölündüm)
• Sonluq mahnısı: "Heya helwa" (O şirindi)

Coca-Cola reklamları

Coca-Cola Yaxın Şərq şirkəti Beynəlxalq Cola şüarlarını Ərəb kampaniyalarına həmişə Nensi ilə daxil etmişdir. 2007-ci ildə Coca-Cola özünün məşhur "Həyatın Coca-Cola tərəfi" şüarının kampaniyasını buraxdırdı. Bu, əyləncə, xoşbəxtlik, rənglər və həyat kimi mövzuları özündə birləşdirirdi. Nensi Ajram ilə əməkdaşlıq "El donia helwa" mahnısının hazırlanmasına gətirib çıxardı. Reklamı isə bir amerikan rejissoru tərəfindən beynəlxalq standartlara uyğun və yüksək texnoloji effektlərlə çəkilmişdi. Nensi bir müddət öncə müharibədən zərbə almış Livanda çəkiliş etməkdə israr etdi. "El Donya Helwa" Coca-Cola Yaxın Şərq və Nensi Ajramın o zamana qədər olan ən uğurlu reklamı sayılırdı. Bu sinqlın uğuru canlı ifalardan ibarət eyniadlı albomun çıxmasına gətirib çıxardı. Bu, sonuncu studiya albomu Ya Tabtabdan olan mahnıların canlı ifaları idi.
2009-cu ildə "Xoşbəxtliyi Aç" beynəlxalq kampaniyasına davam olaraq, Coca-Cola Yaxın Şərq və Nensi "Eftah Albak Tefrah" (“Ürəyini xoşbəxtliyə aç”) mahnısını çıxartdılar. Nensi hamiləliyi və doğuşu ilə əlaqədar olaraq, həmin il mətbuatda və televiziya kampaniyalarında iştirak edə bilməmişdir. Bunun əvəzində, bu mahnı beynəlxalq reklamlarda istifadə olundu. Vebsayt da "Eftah Tefrah" adlanan bu kampaniya üçün açıldı.
2010-cu ildə Coca-Cola original versiyasının K'naan tərəfindən ifa olunduğu "Wavin' Flag" adlı mahnının ərəbcə versiyasını çıxartdı. Nensi Ajram və K'naanın iştirakı ilə olan ərəb versiyası "Wavin' Flag / Shagga' Bi Alamak Da" 2010-cu ildə Cənubi Afrikada baş tutan FIFA Dünya Kubokunun Ərəb tanıtımı üçün nəzərdə tutulmuşdu.

Videoqrafiya

Klipləri

İl	Adı	Albom	Rejissor
1998	"Mehtagalak"	Mehtagalak	Elie Fghaly
2001	"Sheel Ouyounak Anni"	Sheel Oyounak Anni	Guy Zahlan
2002	"Akhasmak Ah"	Ya Salam	Nadine Labaki
2003	"Ya Salam"	Ya Salam	Nadine Labaki
2003	"Yay (Sher Oyouno)"	Ya Salam	Nadine Labaki
2004	"Ah w Noss"	Ah W Noss	Nadine Labaki
2004	"Lawn Ouyounak"	Ah W Noss	Nadine Labaki
2005	"Oul Tany Keda"	Ah W Noss	Luca Tommassini
2005	"Enta eih"	Ah W Noss	Nadine Labaki
2006	"Ya tabtab"	Ya Tabtab	Nadine Labaki
2006	"Mo'gabah"	Ya Tabtab	Harry Rankin, Mike Lipscombe
2006	"Ana Yalli"	Ya Tabtab	Pascale D'Ash
2006	"Ehsas Gedid"	Ya Tabtab	Said elMarouk
2007	"Elly Kan"	Ya Tabtab	Diamantino Ferreira
2007	"Meshtaga Leik"	Ya Tabtab
2007	"Shakhbat Shakhabit"	Shakhbat Shakhabit	Said elMarouk
2008	"Risala Ilal Aalam"	Shakhbat Shakhabit	Fady Haddad
2008	"Betfakar Fi Eih"	Betfakar Fi Eih?!	Said elMarouk
2008	"Meen Dah Elly Nseik"	Betfakar Fi Eih?!	Said elMarouk
2009	"Lamset Eid"	Betfakar Fi Eih?!	Leila Kanaan
2009	"Ebn el Geran"	Betfakar Fi Eih?!	Mike Harris
2009	"Mashy Haddy"	Betfakar Fi Eih?!	Leila Kanaan
2010	"Shaggaa' Be Alamak"	Sinql	2-ci rejissor: Leila Kanaan
2010	"Fi Hagat"	Nancy7	Nadine Labaki
2010	"Sheikh El Shabab"	Nancy7	Nadine Labaki
2011	"Ya Kethar"	Nancy7	Sophie Boutros
2012	"Super Nancy"	Super Nancy	Leila Kanaan
2013	"Amel Akla"	Sinql	Waleed Nassif
2014	"Ma Tegy Hena"	Nancy8	Joe Bou Eid
2014	"Shaga Helmak"	Sinql
2014	"Moush Far'a Ktir"	Nancy8	Said al Marouk
2014	"Ma Awedak Ma Ghir"	Nancy8	Fadi Haddad
2014	"Yalla"	Nancy8	Angy Jammal
2015	"El Masry Man"	Sinql
2015	"W bkoun jayi wadeak"	Nancy8	Fadi Haddad
2017	"Hassa Beek"	Nancy9	Leila Kanaan
2018	"W Maak"	Nancy9	Leila Kanaan
2018	"Badna Nwalee El Jaw"	Sinql	Samir Syriani
2019	"El Hob Zay El Water"	Nancy9	Leila Kanaan
2019	"Ragel Ebn Ragel"	Sinql

Reklamları və rəsmi klipləri

Bir müğənni kimi Nensinin uğuru onu Coca-Cola, Sony Ericsson və Damas Jewelry ilə mühüm reklam işlərinə gətirib çıxardı. Nensi 2007-ci ilin sonuna qədər Mohammed Hamaki və Tamer Hosninin də iştirak etdiyi Misir sensasiyalarına qatılmış ilk qadın olmaqla yanaşı, Coca-Colanı da tanıdan yeganə Ərəb ulduzu idi. Coca-Cola və Nensi yeni komanda formalaşdırdılar. Bu komanda 6 ildir ki, Ərəb Dünyasında seçilən reklam və klip çəkilişlərini reallaşdırır, beynəlxalq şüarlarla yerli kampaniyaları sinxronlaşdırırdılar.

Yaxın Şərq Coca-Cola Kampaniyaları

İl	Reklam mahnısı	Reklam mövzusu
2005	Oul Tany Keda	Konsert
2005	İnstrumental: Lawn Oyounak	Merilin Monro tərzi
2006	Mo'gabah	Sirk
2006	Ashtiki Menno	Cola şüşəsi
2007	El Donia Helwa	Həyatın Cola tərəfi
2007	-	Nensinin Coca-Cola içməsi
2008	Men Gheiry Ana? (Noss elKawn)
2009	Eftah Albak Tefrah	Ürəyini xoşbəxtliyə aç
2010	Shaggaa' Be Alamak	2010 FİFA Dünya Kuboku
2012	Farha
2014	"Shaga Helmak"	2014 FİFA Dünya Kuboku

Nensinin 3 müxtəlif kampaniyada tanıtımını keçirdiyi, DAMAS-ın Dünya Qızıl Şurasından olan və gənclikdən ilhamlanaraq hazırladığı "Farfasha" dəstinin Nensinin özü tərəfindən seçildiyi deyilir. "Ya Tabtab" albomundan "Ana Yalli", sonra "Elly Kan" və son olaraq "Betfakar Fi Eih?!" albomundan olan "Ebn el Geran"dən başlayaraq, hər kampaniyanın çəkiliş üçün yeni kolleksiyası, mahnısı, reklamı və klipi var idi.
Sony Ericssonun keçirdiyi və Nensinin ən tanınmış Ərəb ulduzu adlandığı sorğudan sonra şirkətlə Nensi arasında müqavilə imzalandı. Müqavilə Nensinin onların məşhur nümayəndəsi olması ilə bağlı idi. Sony Ericsson şirkəti Nensinin “Betfakar Fi Eih?!” albomunun çıxarılmasında birgə sponsorluq etdi. 2009-cu ilin fevralında W595i modeli telefonun arxasında Nensinin imzası, içində isə albomunun pulsuz surəti və mahnılarının ringtonundan ibarət xüsusi komplektlə rəsmi olaraq buraxıldı. Bununla bağlı Dubayda mətbuat konfransı keirildi. Eləcə də, 2009-cu ilin martında Nensini və "Betfakar Fi Eih?!" albomundan olan "Wana Ben Idek" mahnısını nümayiş edən reklam seti çıxdı.
Nensi Damas zərgərlik əşyalarının 2011-2012-ci il kolleksiyasının reklamına çəkildi. Yeni kolleksiya üçün "Men elly ma ando" mahnısından istifadə edilərək, bir neçə reklam çarxı çəkildi.
Nensi 2015-ci ilin yayında növbəti dəfə Damas zərgərlik şirkətinin reklam üzü oldu. Yeni "Farfaşa" kolleksiyasının reklamında Nensi bir neçə növ zərgərlik əşyasını nümayiş etdirdi.