Nikolay Nəsibov

Vikipediya, azad ensiklopediya
Jump to navigation Jump to search
Nikolay Nəsibov
rus. ́Николай Насибов
Nikolay Nəsibov.jpg
Şəxsi məlumatlar
Vətəndaşlığı
Doğum tarixi
Doğum yeri Marneuli rayonu, Gürcüstan SSR, SSRİ
Vəfat tarixi (67 yaşında)
Vəfat yeri Moskva, Rusiya
İdman növü atçılıq idmanı
Hərbi rütbəsi

Nikolay Nəsib oğlu Nəsibov (rus. ́Николай Насибович Насибов; doğum adı: Qaraca;[1] 15 dekabr 1929, Marneuli rayonu, Gürcüstan SSR, SSRİ31 dekabr 1996, Moskva, Rusiya) — sovet jokeyi və məşqçisi. Atçılıq idmanı tarixinin ən yaxşı jokeylərindən biri.[2] Mərkəzi Moskva ippodromunun baş məşqçisi. SSRİ çempionu və rekordçusu.[3] Həm idmançı, həm də məşqçi kimi Avropa mükafatının üçqat qalibi.[4]

Həyatı[redaktə | əsas redaktə]

Nikolay Nəsibov 15 dekabr 1929-cu ildə Marneuli rayonunda azərbaycanlı[5] zəngin mülkədar ailəsində anadan olub. Dörd yaşında olarkən atası bolşeviklər tərəfindən qətlə yetirilir, bir il sonra isə anası vəfat edir.[1]

1942-ci ildən atlarla məşğul olmağa başlayıb. 1944-cü ildən "Vos­xod" at zavodunun jo­keyi kimi çıxış etməyə başlamışdır. 1951-ci ildə ilk dəfə derbi qaçışında ümumittifaq mükafatının qalibi olub. 1950-ci illərin əvvəllərində, Hərbi Hava Qüvvələri komandasının heyətində çıxış edərkən, İosif Stalinin sərəncamı ilə leytenant rütbəsinə layiq görülmüşdür.[2]

1965, 1966 və 1967-ci illərdə "Anilin" ləqəbli atı ilə Avropa mükafatının qalibi olub.[4] Nəsibov Oslo Kuboku, Stokholm Kuboku və "Böyük Vaşinqton mükafatı" da daxil olmaqla bir çox beynəlxalq turnirlərin qalibidir.[2]

1967-ci ildən məşqçilik fəaliyyətinə başlamışdır. Onun yetirmələri müxtəlif beynəlxalq turnirlərdə mükafatçılar sırasında yer alıblar.[1]

Nikolay Nəsibov 31 dekabr 1996-cı ildə Moskva şəhərində vəfat edib.[2]

Şəxsi həyatı[redaktə | əsas redaktə]

Nikolay Nəsibovun oğlu Mixail Nəsibov (1953—2021) futbol üzrə Rusiya yığmasının və "MOİK Moskva" klubunun masajçısı olub.[6]

Xatirəsi[redaktə | əsas redaktə]

2001-ci ildən etibarən Mərkəzi Moskva ippodromunda Nikolay Nəsibovun xatirəsinə həsr olunmuş ənənəvi "Nikolay Nəsibov Kuboku" keçirilir.[2]

Mükafatları[redaktə | əsas redaktə]

Dövlət mükafatları[redaktə | əsas redaktə]

Fəxri idman adları[redaktə | əsas redaktə]

  • SSRİ idman ustası[2]

İstinadlar[redaktə | əsas redaktə]

  1. 1 2 3 4 5 6 7 "Памяти лучшего жокея СССР" (rus). Svet-mayakov.ru. İstifadə tarixi: 2021-06-22.
  2. 1 2 3 4 5 6 "Насибов" (rus). Bigenc.ru. İstifadə tarixi: 2021-06-22.
  3. "Дмитрий Михайлович Урнов - «Железный посыл»" (rus). Knigogid.ru. İstifadə tarixi: 2021-06-22.
  4. 1 2 "Preis von Europa" (alman). Galopp-sieger.de. İstifadə tarixi: 2021-06-22.
  5. "К 90-летию со дня рождения Н.Н. Насибова" (rus). Hippodrom.ru. İstifadə tarixi: 2021-06-22.
  6. "Умер массажист сборной России и ЦСКА Михаил Насибов" (rus). Sport-express.ru. İstifadə tarixi: 2021-06-22.

Xarici keçidlər[redaktə | əsas redaktə]