Nikolay Tixonov (şair)
Nikolay Tixonov | |
---|---|
rus. Николай Семёнович Тихонов | |
Doğum tarixi | 22 noyabr (4 dekabr) 1896[1][2][…] |
Doğum yeri | |
Vəfat tarixi | 8 fevral 1979[1][3][…] (82 yaşında) |
Vəfat yeri | |
Dəfn yeri | |
Fəaliyyəti | yazıçı, şair, tərcüməçi, siyasətçi |
Fəaliyyət illəri | 1918-ci ildən |
Əsərlərinin dili | rus dili |
İstiqamət | sosialist realizmi |
Üzvlüyü | |
Mükafatları |
|
Vikianbarda əlaqəli mediafayllar |
Nikolay Semyonoviç Tixonov (22 noyabr (4 dekabr) 1896[1][2][…], Sankt-Peterburq[2] – 8 fevral 1979[1][3][…], Moskva[2]) ― rus yazıçısı, tərcüməçi, siyasətçi, ictimai xadim, Sosialist Əməyi Qəhrəmanı (1966).
Həyatı
[redaktə | vikimətni redaktə et]Nikolay Tixonov 1896-cı il dekabr ayının 4-də (bəzi mənbələrdə bu tarix 22 noyabr olaraq göstərilir) Sankt-Peterburq şəhərində anadan olmuşdur. O, ilk əvvəl ibtidai şəhər məktəbində, sonra isə ticarət məktəbində təhsil almışdır. Nikolay Tixonov aztəminatlı ailənin övladı idi. Ailəsinə kömək etmək məqsədilə 1911-ci ildə təhsilini yarımçıq qoymuş və Baş Dəniz İqtisadiyyat İdarəsinin katibi vəzifəsində çalışmışdır.[4]
Ədib 1914–1918-ci illər Birinci Dünya müharibəsi, 1918–1920-ci illər Rusiyada Vətən müharibəsi və 1941–1945-ci illər İkinci Dünya müharibəsində iştirak etmişdir.[4]
Nikolay Tixonov Sovet Sülhü Müdafiə Komitəsinin sədri, SSRİ Nazirlər Soveti yanında Ədəbiyyat, İncəsənət və Memarlıq Sahəsində Lenin və SSRİ Dövlət Mükafatları Komitəsinin sədri vəzifələrində çalışmışdır. Ümumdünya Sülh Şurasının üzvü olan Tixonov SSRİ Ali Sovetinin 2–9-cu çağırış deputatı və SSRİ Yazıçılar İttifaqı İdarə Heyətinin katibi olmuşdur.[4]
Nikolay Tixonov 8 fevral 1979-cu ildə Moskva şəhərində vəfat etmiş və Novodeviçye qəbiristanlığında dəfn olunmuşdur.[4]
Yaradıcılığı
[redaktə | vikimətni redaktə et]Nikolay Tixonovun yaradıcılığının əsas mövzuları sülh, şərq xalqlarının milli azadlıq və istiqlaliyyət uğrunda mübarizəsi, Sovet xalqlarının dostluğunun tərənnümüdür. Yazıçının əsərləri SSRİ xalqlarının dillərinə, habelə Azərbaycan və bir sıra xarici dillərə tərcümə olunmuşdur. Ədib Sankt-Peterburq şəhərində yerləşən Ermitaj muzeyində Nizami Gəncəvinin 800 illik yubileyinin keçirilməsinin təşkilatçılarından biri olmuşdur. Dəfələrlə Azərbaycanda olmuş Nikolay Tixonov Azərbaycan haqqında bir sıra şeirlər yazmışdır. O, eyni zamanda Azərbaycan ədəbiyyatı və ədibləri haqqında məqalə və xatirələr qələmə almışdır. Habelə Azərbaycan ədəbiyyatından rus dilinə tərcümələr etmişdir.[4]
Əsərləri
[redaktə | vikimətni redaktə et]- "Sami" (1920)
- "Üz-üzə" (1934)
- "Güruh" və "Braqa" (1922)
- "Dost ölkəsi" (1936)
- "İki axın" (1951)
- "Sülh tərəfdarları ikinci dünya konqresində" (1953)
- "Ağ möcüzə" (1956)
- "Yaşıl zülmət" (1966)
- "Altı sütun" (1968)[4]
Mükafatları
[redaktə | vikimətni redaktə et]Nikolay Tixnov müxtəlif illərdə üç dəfə "Lenin" ordeninə layiq görülmüşdür. O, eyni zamanda Sosialist Əməyi Qəhrəmanı, SSRİ və Beynəlxalq mükafatlar laureatı olmuşdur. 1974-cü ildə "Azərbaycan SSR xalq şairi" fəxri adı ilə təltif olunmuşdur.[4]
İstinadlar
[redaktə | vikimətni redaktə et]- ↑ 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
- ↑ 1 2 3 4 5 6 ТИХОНОВ // Большая российская энциклопедия (rus.). Москва: Большая российская энциклопедия, 2004.
- ↑ 1 2 Nikolay Semyonovich Tikhonov // Encyclopædia Britannica (ing.).
- ↑ 1 2 3 4 5 6 7 Nikolay Tixonov (PDF). Bakı: "Zərdabi" nəşriyyat. 2020. səh. 460. ISBN 978 9952 542 04 2.
- 4 dekabrda doğulanlar
- 1896-cı ildə doğulanlar
- Sankt-Peterburqda doğulanlar
- 8 fevralda vəfat edənlər
- 1979-cu ildə vəfat edənlər
- 82 yaşında vəfat edənlər
- Moskvada vəfat edənlər
- Novodeviçye qəbiristanlığında dəfn olunanlar
- SSRİ Yazıçılar İttifaqının üzvləri
- Sosialist əməyi qəhrəmanları
- "Lenin" ordeni ilə təltif edilənlər
- "Oktyabr inqilabı" ordeni ilə təltif edilənlər
- "Qırmızı bayraq" ordeni ilə təltif edilənlər
- 1-ci dərəcəli "Vətən müharibəsi" ordeni ilə təltif edilənlər
- SSRİ-nin "Qırmızı əmək bayrağı" ordeni ilə təltif edilənlər
- "Leninqradın müdafiəsinə görə" medalı ilə təltif edilənlər
- "1941–1945-ci illər Böyük Vətən müharibəsində Almaniya üzərində qələbəyə görə" medalı ilə təltif edilənlər
- "1941–1945-ci illər Böyük Vətən müharibəsində qələbənin 20 illiyi" yubiley medalı ilə təltif edilənlər
- "1941–1945-ci illər Böyük Vətən müharibəsində qələbənin 30 illiyi" yubiley medalı ilə təltif edilənlər
- 1-ci dərəcəli "Stalin" mükafatı laureatları
- "Lenin" mükafatı laureatları
- Lenin sülh mükafatı laureatları
- Əlifba sırasına görə yazıçı və şairlər