Nizami Ələkbərov (icra başçısı)

Vikipediya, açıq ensiklopediya
Jump to navigation Jump to search
Nizami Ələkbərov
Nizami Həsən oğlu Ələkbərov
bayraqİsmayıllı Rayon İcra Hakimiyyətinin başçısıbayraq
6 sentyabr 2006 — 14 fevral 2013
Sələfi Rövşən Sadıxov
Xələfi Mirdaməd Sadıqov
Şəxsi məlumatlar
Doğum tarixi 2 iyun 1952 (1952-06-02) (67 yaş)
Doğum yeri Tovuz

Nizami Ələkbərov — İsmayıllı Rayon İcra Hakimiyyətinin başçısı (2006-2013-cü illər).

Həyatı[redaktə | əsas redaktə]

Nizami Həsən oğlu Ələkbərov 2 iyun 1952-ci ildə Tovuz şəhərində anadan olub. 1959-cu ildə Naxçıvan MR Culfa şəhər orta məktəbinin I sinfinə gedib, yaşayış yerinin dəyişdirilməsi ilə əlaqədar 1969-cu ildə Mingəçevir şəhər 3 saylı orta məktəbin X sinfini bitirib.[1]

1969-cu ildə Azərbaycan Xalq Təsərrüfatı İnstitutuna daxil olub. 1974-cü ildə həmin institutun Mühasibat uçotu ixtisası üzrə tam kursunu bitirərək mühasib-iqtisadçı ixtisası alıb. 1980-ci ildə Ümumittifaq Qiyabi Hüquq İnstitutuna daxil olub, 1984-cü ildə həmin institutu bitirərək hüquqşünas ixtisasına yiyələnib.

Əmək fəaliyyətinə 1973-cü ildə Şəki İpək İstehsalat Birliyində mühasib kimi başlayıb. 1976-cı ilin iyun ayından 1981-ci ilin aprel ayına kimi Şəki İpək İstehsalat Birliyində baş mühasib, 1981-ci ilin aprel ayından 1983-cü ilin yanvar ayına kimi isə Şəki rayon İcraiyyə Komitəsində plan komissiyasının sədri işləyib.

1982-ci ildə rayon Sovetinin deputatı, Şəki rayon xalq məhkəməsinin xalq iclasçısı olub.

1983-cü ildə Azərbaycan SSR Ədliyyə Nazirliyi sistemində kadrlar şöbəsinin rəis müavini, 1986-cı ildə Nazirliyin qanunvericiliyin sistemləşdirilməsi və qanun layihələrinin hazırlanması İdarəsinin baş məsləhətçisi, 1986-cı ildə Bakı şəhəri keçmiş Oktyabr rayon xalq məhkəməsində stajçı, 1987-ci ildən 1993-cü ilə kimi Bakı şəhəri Yasamal rayonunun xalq hakimi, 1993-1994-cü illərdə "İmprotex Holdinq Qrup" şirkətinin vitse-prezidenti, 1994-1995-ci illərdə "İmair" aviaşirkətinin icraçı direktoru vəzifəsində işləyib.

1995-2000-ci illərdə Azərbaycan Respublikası Milli Məclisinin deputatı olub. 1998-ci ildən Yeni Azərbaycan Partiyasının üzvüdür.

16 mart 2001-6 sentyabr 2006-cı illərdə isə yenidən "İmproteks" şirkətlər qrupunun vitse-prezidenti işləyib.

2006-cı il sentyabrın 6-dan, 2013-cü il fevralın 14-dək İsmayıllı Rayon İcra Hakimiyyətinin başçısı vəzifəsində çalışıb[2].

2013-cü ilin oktyabr ayında Milli Təhlükəsizlik Nazirliyində şöbə müdiri vəzifəsinə təyin edilib[3].

Ailəlidir, 3 övladı var.

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]