Nobutsuna Sasaki

Nobutsuna Sasaki
yap. 佐佐木信綱
Doğum tarixi	8 iyul 1872(1872-07-08)
Doğum yeri	Suzuka[d], Mie prefekturası, Yaponiya
Vəfat tarixi	2 dekabr 1963(1963-12-02) (91 yaşında)
Vəfat yeri	Kamakura, Kanaqava prefekturası, Yaponiya
Dəfn yeri	Yanaka qəbiristanlığı[d]
Təhsili	Tokio Universiteti
Fəaliyyəti	şair, yazıçı
Mükafatları
Üzvlüyü	Yaponiya Elmlər Akademiyası
Vikianbarda əlaqəli mediafayllar

Nobutsuna Sasaki (佐佐木 信綱, 8 iyul 1872, Suzuka^[d], Mie prefekturası – 2 dekabr 1963, Kamakura, Kanaqava prefekturası) – Yaponiya ədəbiyyatşünası və vaka şairi.

Həyatı

1872-ci ildə Mie prefekturasında bir kokuqaku aliminin oğlu kimi dünyaya gəlmişdir. 1888-ci ildə Tokio Universitetindən məzun olmuş və yapon dilində ixtisaslaşmışdır.

Sasaki Yaponiya klassikləri haqqında rəylər, eləcə də, vakalar, marşlar və mahnılar nəşr etdirmişdir. İlk vaka kolleksiyası olan "Omoiqusa" 1903-cü ildə çapdan çıxmışdır. 1905-ci ildə Tokio Universitetində mühazirələr verməyə başlamış, bu dövrdən sonra vaxtını "Manyoşu" və vaka tarixi haqqında yazılar yazmağa sərf etmişdir. O, Yaponiya klassikləri haqqında ətraflı araşdırmalar aparmışdır. 1912-ci ildə "Şinqetsu" adlı ikinci vaka kolleksiyasını nəşr etdirmişdir. 1917-ci ildə Yaponiya Elmlər Akademiyasının mükafatına layiq görülmüşdür.

1931-ci ildə Tokio Universitetindəki işini tərk edərək təqaüdə çıxmışdır. 1937-ci ildə Mədəniyyət ordeni ilə təltif olunmuşdur. "Sakka haçicuninen" (1959) kimi bəzi avtobioqrafiyaların müəllifidir.

Ədəbiyyat

• Kodansha Encyclopedia of Japan (ingiliscə). VII cild. Tokio: Kodansha. 1983. səh. 23. ISBN 0-87011-627-4. İstifadə tarixi: 20 iyul 2022.

Xarici keçidlər

• Nobutsuna Sasaki  (ing.) Find a Grave saytında