Novruz Allahverdi

Vikipediya, açıq ensiklopediya
Jump to navigation Jump to search
Picto infobox character.png
Novruz Allahverdi
Novruz Muxtar oğlu Allahverdi
Doğum tarixi 9 may 1948 (1948-05-09) (70 yaş)
Doğum yeri Ağdam rayonu, Qaradağlı, Azərbaycan SSR
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Elm sahəsi riyaziyyat
Elmi dərəcəsi texnika elmləri namizədi
Elmi adı professor
Təhsili ali

Novruz Allahverdiyev — texnika elmləri namizədi; Kompüter mühəndisliyi üzrə fəlsəfə doktoru, professor. Səlcuq Universiteti texnologiya fakültəsinin kompüter mühəndisliyi kafedrasının müdiri.[1]

Həyatı[redaktə | əsas redaktə]

Orxan Məmmədov (Baharlı). Ağdamın adlı-sanlı pedaqoqları, alimləri. Bakı, 2001

Novruz Muxtar oğlu Allahverdiyev 1948-ci ildə Ağdamın Qaradağlı kəndində dünyaya gəlmişdir. O, 1956-1964 illərdə Qaradağlı 8 illik məktəbini oxumuş, 1966 ildə Ağdam 1 nömrəli orta məktəbi gümüş medalla qurtarmışdır. Azərbaycan Politexnik İnstitutunda (indiki Azərbaycan Texniki Universiteti) "Riyazi-həlledici cihazlar və qurğular" (Kompüter ixtisası) üzrə ali təhsil almış (1966-71), işləmək üçün institutda saxlanılmışdır.[2]

Novruz Allahverdiyev Moskva Energetika İnstitutunun aspiranturasında oxumuş (1976-79), "Siqnalların rəqəm işləməsi problemləri üçün çoxmikropressorlu hesablama sisteminin layihələndirilməsi və analizi" mövzusunda dissertasiya müdafiə edərək (1979), texnika elmləri namizədi alimlik dərəcəsi almışdır.

Novruz Allahverdiyev Azərbaycan Politexnik İnstitutunun (indiki Azərbaycan Texniki Universiteti) hesablama texnikası kafedrasında assistent, baş müəllim, dosent vəzifələrində işləmişdir. O, Türkiyə Respublikası Konya Səlcuq Universitetində dosent (1992-2000), professor işləmişdir. Hazırda orada "Kompüter sistemləri tədrisi" kafedrasının müdiridir.

Elmi fəaliyyəti[redaktə | əsas redaktə]

Novruz Allahverdiyev 9 kitabın və 70-dən çox elmi məqalənin müəllifidir. Kitabının ikisi Türkiyədə nəşr edilmişdir.

Novruz Allahverdiyevin 70-ci illərin sonlarında layihələndirdiyi hiperkub şəklindəki çox mikropressorlu hesablama sistemi amerikanların diqqətini cəlb etmiş və 1983 ildən ABŞ-da istehsal edilməyə başlanmışdır.

Novruz Allahverdiyev Beynənxalq AMSE cəmiyyətinin və Beynəlxalq "Mathematical and Cymrutational Arrlications" jurnalı redaksiya heyətinin üzvüdür.

Novruz Allahverdiyev ABŞ, Fransa və digər ölkələrdə öz sahəsi üzrə keçirilmiş elmi konfrans və simpoziumlarda məruzələrlə çıxış etmişdir.

İstinadlar[redaktə | əsas redaktə]

  1. Bağıyeva, Mətanət (2016). Xaricdə yaşayan azərbaycanlılar. Qısa bioqrafik məlumat kitabçası (az). Bakı: "Papirus NP". ISBN 978-9952-8299-1-4. 2017-10-21 tarixində arxivləşdirilib.
  2. Orxan Məmmədov(Baharlı). Ağdamın adlı-sanlı pedaqoqları, alimləri. Bakı, Sabah, 2001