Novruz Axundov

Vikipediya, açıq ensiklopediya
Jump to navigation Jump to search
Novruz Axundov
Doğum tarixi 29 may 1938 (1938-05-29) (80 yaş)
Doğum yeri Naxçıvan
Uşağı 3
Peşələri Aktyor
Rejissor

Novruz Ağa oğlu Axundov (d. 29 may 1938) — Azərbaycan aktyoru və rejissoru.

Həyatı[redaktə | əsas redaktə]

Novruz Ağa oğlu Axundov 1938-ci il may ayının 29-da Naxçıvanda doğulub. Anası Qərbi Azərbaycanın Dərələyəz mahalından, atası Şərurdandır. Uşaq ikən ailəsi Bakıya köçüb. Ailə əvvəl Kürdəxanı, sonra Pirşağıda yaşayıb.

Novruz Axundov 1955-ci ildə Kürdəxanı orta məktəbini bitirib.

1962-ci ildə İncəsənt İnstitutunun "Kino və dram aktyorluğu" fakültəsinə daxil olub. SSRİ xalq artisti Adil İsgəndərovun tələbəsi olub. Cəfər Cabbarlı adına “Azərbaycanfilm” kinostudiyasında rejissor işləyib.[1]

Novruz Axundov "Əhməd haradadır" filmində "Uzunduraz Oqtay" rolunu oynayıb[2]. Film aktyorun kinoda ilk işidir.

Mozalan Satirik Kinojuralında silsilə rollarda çəkilib. "Mozalan" süjetlərinin xarici dillərə tərcüməsində rejissor kimi çalışıb.

Əsas iş yeri olan "Dublyaj" şöbəsində əla dərəcəli rejissor kimi 500-ə qədər xarici filmin Azərbaycan dilinə dublyajına rejissorluq edib. 1998-ci ildən təqaüdə çıxıb. Hazırda təqaüddədir. İki oğlu, bir qızı, altı nəvəsi var.

Filmoqrafiya[redaktə | əsas redaktə]

  1. Əhməd haradadır? (film, 1963)
  2. Cazibə qüvvəsi (film, 1964)
  3. Yenilməz batalyon (film, 1965)
  4. İstintaq davam edir (film, 1966)
  5. Buyruq və quyruq (film, 1972)
  6. Ömrün səhifələri (film, 1974)
  7. İşgüzar adamlar (film, 1977)
  8. Gözlə məni (film, 1980)
  9. Min birinci söz (film, 1997)

İstinadlar[redaktə | əsas redaktə]

Mənbə[redaktə | əsas redaktə]

  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 52.