Nurlana Əliyeva
| Nurlana Əliyeva | |
|---|---|
| Nurlana Müzəffər qızı Əliyeva | |
 | |
| Doğum tarixi | 1946 |
| Doğum yeri | Gəncə şəhəri, Azərbaycan SSR |
| Vətəndaşlıq |
 SSRİ  Azərbaycan |
| İş yeri | Bakı Slavyan Universiteti |
| Elmi dərəcəsi | Filologiya elmləri doktoru |
| Elmi adı | Professor |
| Mükafatları |
 (2008), “Əməkdar müəllim” (2004) |
| nurlanaeliyeva.az | |
Nurlana Əliyeva (Nurlana Müzəffər qızı Əliyeva) — Bakı Slavyan Universitetinin rektoru, Yeni Azərbaycan Partiyası Qadınlar Şurasının sədri, Filologiya elmləri doktoru, professor.
Mündəricat
Həyatı[redaktə | əsas redaktə]
Nurlana Əliyeva 28 avqust 1946-cı ildə Gəncə şəhərində müəllim ailəsində anadan olub. Gəncə şəhər Cəfər Cabbarlı adına 6 nömrəli məktəbdə orta təhsil alan Nurlana Əliyeva daha sonra təhsilini ölkənin ən nüfuzlu ali təhsil ocaqlarından olan Bakı Dövlət Universitetində davam etdirib. BDU-nun filologiya fakültəsini bitirdikdən sonra - 1969-cu ildə əmək fəaliyyətinə başlayıb. Bakı şəhərindəki 134 nömrəli məktəbdə, Bakı Maliyyə-Kredit Texnikumunda Azərbaycan dili və ədəbiyyat müəllimi işləyib. 1990-cı il dekabrın 29-dan Azərbaycan Dövlət Pedaqoji Kollecinə (keçmiş M.Ə.Sabir adına Bakı Pedaqoji Texnikumu) rəhbərlik edib.
Nurlana Əliyeva "Azərbaycan bədii nəsrində müasir kənd və onun problemləri" mövzusunda namizədlik, "60-80-ci illər Azərbaycan nəsrində qəhrəman və üslüb axtarışları" mövzusunda doktorluq dissertasiyaları müdafiə edib. BDU-nun professoru, AMEA Nizami adına Ədəbiyyat İnstitutunda doktorluq üzrə ixtisaslaşmış dissertasiya şurasının üzvüdür.
12 kitabın, onlarca elmi, publisist məqalənin müəllifidir. YAP Siyasi Şurasının üzvü, eyni zamanda YAP Respublika Qadınlar Şurasının sədridir.
Azərbaycan Respublikası Prezidentini İlham Əliyevin sərəncamı ilə, Nurlana Müzəffər qızı Əliyeva 23 iyun 2016-cı ildə Bakı Slavyan Universitetinin rektoru təyin edilib[1].
Ailəsi[redaktə | əsas redaktə]
Ailəlidir, 2 övladı, 5 nəvəsi var.
Təltifləri[redaktə | əsas redaktə]
2004-cü ildə "Azərbaycan Respublikasının əməkdar müəllimi" fəxri adına layiq görülüb, 2008-ci ildə "Şöhrət" ordeni ilə təltif olunub.
İstinadlar[redaktə | əsas redaktə]
Xarici keçidlər[redaktə | əsas redaktə]
- 1946-cı ildə doğulanlar
- Əlifba sırasına görə şəxslər
- "Şöhrət" ordeni ilə təltif edilənlər
- Əlifba sırasına görə alimlər
- Azərbaycan alimləri
- Qadın siyasətçilər
- Alim qadınlar
- Azərbaycan Respublikasının əməkdar müəllimləri
- Bakı Slavyan Universitetinin rektorları
- Bakı Dövlət Universitetinin məzunları
- Gəncədə doğulanlar
- Filologiya elmləri doktorları
