Oda Teatrı
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
 | Bu məqalənin ensiklopedik tələblərə cavab vermədiyinə dair şübhələr var. |
| Oda Teatrı & ADO Theatre | |
|---|---|
| Ümumi məlumatlar | |
| Əsası qoyulub | 15 iyul 2013 |
| Bağlanıb |
23 oktyabr 2025[mənbə göstərilməlidir]
|
| Mükafatları | Fransada keçirilən "Oriak 2015 küçə teatrları festivalı" və Təbrizdə keçirilən 4-cü "Təbrizim" beynəlxalq küçə teatrı festivalı, Britaniya İETM formu, 2022-ci il Berliner Festsipiele |
| Heyət | |
| Direktor | Elmin Bədəlov |
| Bədii rəhbər | Elmin Bədəlov |
Oda Teatrı — Bakıda yerləşən müstəqil teatr.
Tarixi
[redaktə | vikimətni redaktə et]Teatrın əsası 15 iyul 2013-cü ildə qoyulub. Teatr yarandığı ilk vaxtlarda müxtəlif məkanlarda tamaşalar göstərib. Daha sonra Bakı şəhəri, Topçubaşov küçəsi, 38 ünvanında yerləşən zirzəmidə məskunlaşan teatr Azərbaycanda ilk zirzəmi teatrı olaraq fəaliyyətini davam etdirib. Fəaliyyəti dövründə problemlərlə üzləşdiyi üçün bir müddət fəaliyyətini dayandırıb. Hazırda teatr Bakı şəhər, Dilarə Əliyeva küçəsi, 141 ünvanında yerləşir. ODA 2-ci mövsümünü amfiteatr quruluşunda həyata keçirib. Teatrının təsisçi və bədii rəhbəri Elmin Bədəlovdur.[1][2] Müxtəlif təzyiqlər nəticəsində 2015-ci ilə qədər ODA 4 dəfə məkanını dəyişib. Daha sonra teatr adını dəyişib "ADO Theatre — Collective" edib (Azərbaycan Dağınıq Oda teatrı).
ADO teatrının bağlanması haqqında teatrın qurucusu Elmin Bədəlov Berlində Correctiv platformasının təşkil etdiyi GenEast-da danışıb.[3]
Fəaliyyəti
[redaktə | vikimətni redaktə et]Teatr fəaliyyət göstərdiyi dövr ərzində Rumıniya dramaturqu Matey Vişnekin "Səncə döyəcəklər?", Qoqolun "Evlənmə", Samir Sədaqətoğlunun "İtən vaxt"(mono tamaşa), Pərviz Bəşərdüstün "Arzular bağı", Somerset Moemin "Qisas" hekayəsi əsasında hazırlanan "Xəyali Qisas", Peter Turrininin "Axır ki, qurtardı" əsəri əsasında hazırlanan "Suicide"(İntihar), Sien Ekerin əsəri əsasında hazırlanmış "Apokalipsis", Müzəffər İzgünün "Sərhəd" əsəri əsasında "Tikanlı məftillər" və pantomim "MimOda 18+" tamaşalarını səhnələşdirib. Daha sonra teatr adını dəyişib "ADO Theatre — Collective" edib (Azərbaycan Dağınıq Oda teatrı). Teatr həmçinin Elmin Bədəlovun müəllifi olduğu eyniadlı əsərlər əsasında STOP, Ağ-Qara, GOTT və ya Cənnətin İşğalı, Göydən 3 Banan Düşdü, Bertold Brextin “Meşşan toyu” pyesi əsasında TOY, Bernard Marie Koltesin “Meşələrdən əvvəl gələn gecə” əsəsri əsasında Yağış, Yağış, Yağış, Falk Rixterin “Güvən” pyesi əsasında RİNG və.b tamaşalar hazırlanıb.
Teatr fəaliyyəti dönəmində geniş fəaliyyət sahəsinə malik olub. Belə ki, karikatura festivalları, sərgilər, performanslar, küçə performansları, kitab çapı və təqdimatları, musiqi günləri və.s tədbirlər təşkil edib.[4][5]
İstinadlar
[redaktə | vikimətni redaktə et]- ↑ Gozetci. "Apellyasiya Məhkəməsi ADO teatrının küçə tamaşalarına icazə verməyib". Gözətçi. 4 sentyabr 2020. İstifadə tarixi: 31 yanvar 2026.
- ↑ "'Gürcüstanda mümkündüsə, Azərbaycanda niyə olmasın?'". www.azadliq.org. İstifadə tarixi: 31 yanvar 2026.
- ↑ "Exile Talks Azerbaijan – CORRECTIV.Events" (alman). İstifadə tarixi: 4 fevral 2026.
- ↑ "ADO teatrı karikatura müsabiqəsi keçirir". Kulis.az. İstifadə tarixi: 31 yanvar 2026.
- ↑ "ADO teatrı yeni bir səs-küylü tamaşayla gəlir". www.azadliq.org. İstifadə tarixi: 31 yanvar 2026.
Həmçinin bax
[redaktə | vikimətni redaktə et]Xarici keçidlər
[redaktə | vikimətni redaktə et]- Oda Teatrı — Facebook səhifəsi