Odano Naotake

Vikipediya, azad ensiklopediya
Naviqasiyaya keçin Axtarışa keçin
Odano Naotake
Doğum tarixi 18 yanvar 1750(1750-01-18)
Doğum yeri
Vəfat tarixi 19 iyun 1780(1780-06-19) (30 yaşında)
Vəfat yeri
Fəaliyyəti rəssam
Vikianbarın loqosu Vikianbarda əlaqəli mediafayllar

Odano Naotake (小田野直武?, 18 yanvar 1750, Kakunodate[d]19 iyun 1780, Kakunodate[d])Akita məktəbinin nümayəndəsi olmuş Yaponiya rəssamı və samuray.

Həyatı[redaktə | mənbəni redaktə et]

1749-cu ildə Kakunodate qəsəbəsində[a] samuray ailəsində doğulmuşdur.[1] Naotake əvvəlcə rəssamlığın Kano məktəbi üzrə biliklərə yiyələnmişdir.[1] 1773-cü ildə Hiraqa Qennay ilə tanış olmuş, ondan Qərb rəssamlığının nəzəriyyələri və texnikaları haqqında biliklər əldə etmişdir.[1] 1773-cü ilin dekabrında metallurgiya öyrənmək üçün Edo şəhərinə köçmüş və Qennayın evində qalmışdır.[1]

Naotake tərəfindən 1770-ci ildə çəkilmiş "Şinobazu gölməçəsi" əsəri. Hazırda Akita Müasir İncəsənət Muzeyində saxlanılır.

Naotake tezliklə rəssam kimi məşhurlaşmış və 1774-cü ildə Suqita Qenpakunun "Yeni anatomiya kitabı"[b] əsərini illüstrasiya etmək üçün seçilmişdir.[1] O, Qennayın "Müxtəlif materialların klassifikasiyası"[c] (1763) adlı əsərini illüstrasiya etmiş rəssam So Şisekidən dərslər alaraq Şen Nanpin üslubunda quş və çiçək rəssamlığını öyrənmişdir.[1]

Naotakenin əsərləri çiçəklər, quşlar, heyvanlar, fiqurlar, mənzərələr kimi müxtəlif mövzuları əhatə edir və Qərb dünyasının naturalist texnikaları ilə çəkilmişdir.[1] O, Akita məktəbinin tanınmış nümayəndəsi olmuş, Akita daymyosu Satake Şozana rəssamlığı öyrətmiş və 1778-ci ildə onu Edo şəhərinə dəvət etmişdir.[1] Lakin onun bu əlaqələri Qennayın xoşuna gəlməmişdir.[1] Nəticədə, Naotake rəsmi vəzifəsindən çıxarılmış və bundan qısa müddət sonra ölmüşdür.[1]

Qeydlər[redaktə | mənbəni redaktə et]

  1. Hazırda Akita prefekturası.
  2. Orijinal adı "Kaytay şinşo".
  3. Orijinal adı "Butsurui hinşitsu".

İstinadlar[redaktə | mənbəni redaktə et]

Ədəbiyyat[redaktə | mənbəni redaktə et]

  • Kodansha Encyclopedia of Japan (ingiliscə). VI cild (Niju–Saka). Tokio: Kodansha. 1983. səh. 65. ISBN 0-87011-626-6. İstifadə tarixi: 6 avqust 2022.