Olqa İsmayılova

Vikipediya, azad ensiklopediya
Jump to navigation Jump to search
Olympic rings without rims.svg Olympic pictogram Cycling (track).png Olqa İsmayılova Olympic pictogram Cycling (track).png
ukr. Ольга Ісмаїлова
Olga Panarina.jpg
Şəxsi məlumatlar
Doğum adı Olqa Yuriyevna Panarina
Vətəndaşlığı Azərbaycan Azərbaycan
Milliyəti Ukraynalı
Doğum tarixi (37 yaş)
Doğum yeri Xarkov, Xarkov vilayəti, Ukrayna SSR, SSRİ
İdman növü Olympic pictogram Cycling (track).png Trek velosipedi
Boyu 176 sm.
Çəkisi 75 kq.
8 may 2016 tarixində yenilənib.

Olqa Yuriyevna İsmayılova (ukr. Ольга Юріївна Ісмаїлова) (d. 16 sentyabr 1985) — Ukrayna əsilli Azərbaycanlı trek velosipedçisi. Olqa İsmayılova 20102012-ci ildə Avropa Çempionatında qızıl medal qazandı. O, həmçinin 2011-ci ildə Dünya Çempionatının qızıl medalını qazandı. İsmayılova həmdə Belarusu 2012-ci ildə London şəhərində baş tutan XXX Yay Olimpiya Oyunlarında, Azərbaycanı isə 2016-cı ildə Rio-de-Janeyro şəhərində XXXI Yay Olimpiya Oyunlarında təmsil etdi.

Həyatı[redaktə | mənbəni redaktə et]

Olqa İsmayılova 1985-ci ilin 16 sentyabr tarixində Ukraynanın Xarkov şəhərində anadan olub. Olqa İsmayılovanın şəxsi məşqçisi Rusiyalı mütəxəssis Stanislav Solovyovdur.

Karyerası[redaktə | mənbəni redaktə et]

Olqa İsmayılova karyerasında birinci uğurunu 2010-cu ildə Ballerup şəhərində qazandı. O, Dünya Çempionatında sprint və 500 metr məsafə yarışlarında bürünc medala sahib çıxdı. Daha sonra o, 2011-ci ildə Dünya Çempionatında bir qızıl və bir gümüş medal, Avropa Çempionatında isə gümüş medal qazandı. Növbəti illərdə yenə Avropa çempionu olan Olqa İsmayılova Belarus bayrağı altında 2012-ci ildə Olimpiya Oyunlarına qatıldı. Olqa İsmayılova həmin Olimpiya Oyunlarında sprint yarışlarında 8-ci yeri, keirin yarışlarında isə 15-ci yeri tutdu. Daha sonra Azərbaycanın uğurla üçün çalışan İsmayılova Azərbaycanı Olimpiya Oyunlarında təmsil edən birinci trek velosipedçisi oldu.

Rio-de-Janeyro Olimpiadası[redaktə | mənbəni redaktə et]

Rio-de-Janeyro Olimpiadasında Olqa İsmayılova keirin növündə 13 avqust tarixində mübarizəyə qoşuldu. O, 1-ci mərhələdə, 7 velosipedçi sırasında 11.696 saniyəlik nəticə ilə 4-cü yeri tutdu və mübarizəni təsəlliverici qrupda davam etdi.[1] Təsəlliverici qrupda da Olqa İsmayılova uğursuz çıxış etdi.[2] O, 11.442 saniyəlik nəticə ilə 4 velosipedçi arasında sonuncu, 4-cü yeri tutdu və XXXI Yay Olimpiya Oyunlarını medalsız başa vurdu.

Sprint növündə isə Olqa İsmayılova bir gün sonra, 14 avqust tarixində mübarizə apardı. O, qüvvəsini təsnifat mərhələsində sınadı. Növbəti mərhələyə vəsiqə qazanmaq üçün ilk 18 velosipedçi arasına daxil olmaq tələb olundu. Olqa İsmayılova isə təsnifat mərhələsində 11.152 saniyəlik nəticə ilə 27 velosipedçi sırasında məhz elə 18-ci yeri tutdu və növbəti mərhələyə adladı.[3][4] Bu mərhələdə Olqa İsmayılova təsnifat mərhələsində 10.721 saniyəlik nəticə ilə Dünya rekordunu yeniləyən Böyük Britaniya idmançısı, Dünya çempionu Becki James ilə üz-üzə gəldi.[5] Təcrübəsiz rəqibi ilə qarşılaşmada Becki James finiş həddini birinci keçdi, Olqa İsmayılova isə məğlub olaraq mübarizəni təsəlliverici qrupda davam etdi.[6] Təsəlliverici qrupda o, 2004 Afina2012 London Olimpiadasının çempionu Avstraliyalı Anna Meares və bir vaxtlar konkisürmə idman növündə 2010 Vankuver Olimpiadasında bürünc medal qazana Niderland nümayəndəsi Laurine van Riessen ilə yarışdı. Olqa İsmayılova 11.784 saniyəlik nəticə ilə Niderland velosipedçisini arxada qoysada, Avstraliya nümayəndəsinə məğlub oldu və Rio-de-Janeyro Olimpiadasında mübarizəni dayandırdı.[7]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ""Rio-2016"nın rəsmi saytında qadınların trek velosipedi yarışlarının, keirin növünün təsnifat mərhələsinin nəticələri". www.rio2016.com. 2016-08-26 tarixində orijinalından arxivləşdirilib. İstifadə tarixi: 13 avqust 2016.
  2. ""Rio-2016"nın rəsmi saytında qadınların trek velosipedi yarışlarının, keirin növünün 2-ci təsəlliverici qrupun nəticələri". www.rio2016.com. 2016-08-26 tarixində orijinalından arxivləşdirilib. İstifadə tarixi: 13 avqust 2016.
  3. ""Rio-2016"nın rəsmi saytında qadınların trek velosipedi yarışlarının, sprint növünün təsnifat mərhələsinin nəticələri". www.rio2016.com. 2016-08-26 tarixində orijinalından arxivləşdirilib. İstifadə tarixi: 14 avqust 2016.
  4. ""Rio-2016" Olimpiya Oyunlarında trek velosipedçisi Olqa İsmayılova növbəti mərhələyə adladı". www.arxiv.az. İstifadə tarixi: 15 avqust 2016.[ölü keçid]
  5. ""Rio-2016"nın rəsmi saytında qadınların trek velosipedi yarışlarının, sprint növünün 1/16 final mərhələsinin nəticələri. (Becki James-Olqa İsmayılova)". www.rio2016.com. 2016-08-26 tarixində orijinalından arxivləşdirilib. İstifadə tarixi: 14 avqust 2016.
  6. ""Rio-2016"nın rəsmi saytında qadınların trek velosipedi yarışlarının, sprint növünün təsəlliverici qrupunun, 1-ci mərhələsinin nəticələri. (Anna Meares, Olqa İsmayılova və Laurine van Riessen)". www.rio2016.com. 2016-08-26 tarixində orijinalından arxivləşdirilib. İstifadə tarixi: 14 avqust 2016.
  7. ""Rio-2016" Olimpiya Oyunlarında trek velosipedçisi Olqa İsmayılova mübarizəni dayandırdı". www.arxiv.az. İstifadə tarixi: 16 avqust 2016.[ölü keçid]