Omar Apollo

Vikipediya, azad ensiklopediya
Naviqasiyaya keç Axtarışa keç
Omar Apollo
Ümumi məlumatlar
Doğum tarixi 20 may 1997(1997-05-20) (27 yaş)
Doğum yeri
Musiqiçi məlumatları
Fəaliyyəti müğənni
Fəaliyyət illəri 2017-ci ildən
Janr
  • R&B
  • alternativ R&B
  • pop
Albom şirkəti
omarapollo.com
Vikianbarın loqosu Vikianbarda əlaqəli mediafayllar

Omar Apollo (20 may 1997, Hobart[d], İndiana) — ABŞ müğənnisi, mahnı yazarı. 2022-ci ildə Warner Records ilə müqavilə bağladıqdan sonra debüt studiya albomu olan "Ivory[ing.]"-ni təqdim edib. Bu albom olduqca müsbət dəyərləndirilib. Omar, 65-ci Qremmi mükafatları mərasimində "Ən yaxşı yeni artist" kateqoriyası üzrə "Qremmi" mükafatına namizədlik əldə etmişdir. İstər ingiliscə, istərsə də ispanca mahnılar oxuyur.

Həyatı

[redaktə | mənbəni redaktə et]

Omar Apolonio Velasko 20 may 1997-ci ildə İndiana ştatının Hobart şəhərində doğulub. Valideynləri Meksikanın Quadalahara şəhərindən ABŞ-yə mühacirət edəndə Omar hələ dünyaya gəlməmişdi.[3] Ailədə özündən başqa üç böyük qardaş-bacısı var. Ata və anası ailəni dolandırmaq üçün müxtəlif peşələrdə çalışıb.[4]

O, uşaq olanda "ballet folkloriko[ing.]" rəqsi ilə məşğul olurdu. Kilsə xorunda da oxuyurdu. Omar 12 yaşında ikən valideynlərindən elektrikli gitara almalarını istəmişdi.[5] Bircə, gitarası üçün "amp" almamışdılar. Omar sonralar gitarasını lombardda akustik gitara ilə dəyişdirib. 17 yaşında ikən notbuk və mikrofon almaq üçün lazım olan pulu qarşılamaqdan ötrü "McDonald's"-da işə başlamışdı. O, YouTube-da kaver videolarına baxıb onları təqlid edərək oxumağı və musiqi ifa etməyi öyrənmək üçün bu vasitələrdən istifadə edib.

Omar çalğı alətlərində ifa etməyi əmisi (və ya dayısından) əxz etmişdir.

Fəaliyyəti

[redaktə | mənbəni redaktə et]

Omar 19 yaşında ikən "Jimmy John's" və "Guitar Center" kimi musiqi alətlərinin satıldığı mağazalarda çalışırdı. İşçisi olduğu bu mağazalar ona endirim etmişdi. Omar fürsətdən yararlanaraq özünə musiqi alətləri almışdı. O zamanlar o, valideynlərinin evini yenicə tərk etmişdi. Müvəqqəti yaşayış yeri kimi dostlarından birinin evinin çardağında məskunlaşmışdı.[6] Elə vaxtlar olub ki, yeddi dostu da onunla həmin çardaqda gecələyib. O, ilk mahnılarını həmin qaldığı yerdə yazıb. Mahnılarını əvvəlcə SoundCloud hesabı üzərindən yayımlayırdı. Dostlarından biri ona "mahnılarını mütləq Spotify-a qoymalısan" deyə tövsiyə vermişdi. Dostuna qulaq asaraq "Ugotme" mahnısını həmin platformaya yerləşdirib. Omarın bəxti gətirmiş və mahnısı Spotify-ın məşhur pleylistlərindən birinə salınmışdır. Deyir ki, sözügedən mahnısı bir-iki gün ərzində 50 mindən çox oxudulub.

Şəxsi həyatı

[redaktə | mənbəni redaktə et]

Omar geydir. Meksika vətəndaşlığına sahibdir. Valideynləri onu təşviq etmişdilər ki, universitetə getsin.[7] Musiqi karyerasına görə iki həftə davam etdikdən sonra universitetdən ayrılıb.

Diskoqrafiya

[redaktə | mənbəni redaktə et]

Studiya albomları

İstinadlar

[redaktə | mənbəni redaktə et]
  1. ↑ "AWAL signs global recordings deal with Omar Apollo". Music Business Worldwide. March 4, 2019.
  2. ↑ "WARNER INKS OMAR APOLLO". HITS Magazine. April 1, 2022. İstifadə tarixi: April 1, 2022.
  3. ↑ "Disha Hot". dishahot.com. İstifadə tarixi: November 9, 2022.
  4. ↑ Blistein, Jon. "Omar Apollo Wants to Inspire Young Latinx Musicians to 'Go Crazy'". Rolling Stone. August 6, 2019. February 4, 2023 tarixində arxivləşdirilib. İstifadə tarixi: August 16, 2024. Exposito, Suzy. "Meet Omar Apollo, the blue-haired, gender-rebellious, Mexican American Prince". Los Angeles Times. October 16, 2020. December 10, 2020 tarixində arxivləşdirilib. İstifadə tarixi: October 21, 2020.
  5. ↑ Tony Dominguez. "Meet Omar Apollo, the 21-Year-Old Chicano Making Homegrown, Bilingual Soul". Remezcla, LLC. İstifadə tarixi: November 19, 2018.
  6. ↑ Erika Ramirez. "Get to Know Omar Apollo and His First-Generation Love Songs". Pitchfork. February 6, 2019. İstifadə tarixi: February 6, 2019.
  7. ↑ Gobierno de Mexico, Ficha de registro CURP mexicana de Omar Apolonio Velasco Velasco, October 19, 1999, İstifadə tarixi: August 15, 2023

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Omar_Apollo&oldid=7741564"