Orxan Abbasov (alim)

Vikipediya, açıq ensiklopediya
Jump to navigation Jump to search
Orxan Abbasov
Abbasov Orxan Rafael oğlu
Doğum tarixi 21 mart 1980 (1980-03-21) (39 yaş)
Doğum yeri Vaqo, Astara rayonu, Azərbaycan SSR
Vətəndaşlığı Azərbaycanlı
Elm sahəsi Neft geologiyası, yanar şist, təbii bitum, palçıq vulkanizmi
Elmi dərəcəsi Yer elmləri üzrə fəlsəfə doktoru
Elmi adı Dosent
İş yeri AMEA Geologiya və Geofizika İnstitutu
Təhsili Azərbaycan Neft və Sənaye Universiteti
Elmi rəhbəri Prof. Ad.A.Əliyev
Tanınır Azərbaycanda yanar şistlərin geologiyasına dair ilk elmi dissertasiyanın müəllifi kimi
Mükafatları

AMEA Yer Elmləri Bölməsinin Fəxri Fərmanı (2015, 2017)

Azərbaycan Respublikası Gənclər və İdman Nazirliyi Yasamal Rayon Gənclər və İdman İdarəsinin Fəxri Fərmanı (2017)
gencalimler.az

Abbasov Orxan Rafael oğlu — Yer elmləri üzrə fəlsəfə doktoru, dosent, Azərbaycan Milli Elmlər Akademiyası Geologiya və Geofizika İnstitutunun Gənc Alim və Mütəxəssislər Şurasının sədri, “Palçıq vulkanizmi” şöbəsinin aparıcı elmi işçisi

Həyatı[redaktə | əsas redaktə]

Orxan Rəfael oğlu Abbasov 21 mart 1980-ci ildə Astara rayonunun Vaqo kəndində anadan olmuşdur. 1987-ci ildə Məhərrəm Abiyev adına Vaqo kənd natamam (indiki tam) orta məktəbinin 1-ci sinifinə qəbul olunmuş, 1997-ci ildə rayonun Siyəkü kənd orta məktəbini bitirmişdir. 1998-ci ildə Azərbaycan Dövlət Neft Akademiyasının (indiki Azərbaycan Dövlət Neft və Sənaye Universiteti) “Geoloji-kəşfiyyat” fakültəsinə daxil olmuş, 2002-ci ildə “Neft və qazın geologiyası” ixtisası üzrə bakalavr, 2004-cü ildə isə “Neft və qaz yataqlarının axtarışı və kəşfiyyatı” ixtisası üzrə magistratura pilləsini fərqlənmə diplomu ilə bitirmişdir. Həmin ildə Azərbaycan Milli Elmlər Akademiyası Geologiya (indiki Geologiya və Geofizika) İnstitutunda “Neft və qaz yataqlarının geologiyası, axtarışı və kəşfiyyatı” ixtisası üzrə aspiranturaya (indiki doktorantura) daxil olmuşdur.

2008-ci ildə dissertasiya elmi işini müdafiə etmiş, Yer elmləri üzrə fəlsəfə doktoru elmi dərəcəsini almışdır. 2016-ci ildə Azərbaycan Respublikası Prezidenti yanında Ali Attestasiya Komissiyasının müvafiq qərarı ilə dosent elmi adına yiyələnmişdir. Hazırda, elmlər doktoru hazırlığı üzrə dissertanturanın ikinci kursunda təhsilini davam etdirir.

Əmək fəaliyyətinə 2009-cu ildə AMEA Geologiya İnstitutunda elmi işçi-tərcüməçi (ingilis dili) kimi başlamış, 2011-ci ildə böyük elmi işçi və 2012-ci ildən indiyədək aparıcı elmi işçi vəzifəsinə yüksəlmişdir.

İnstitutda fəaliyyət göstərən “Neft və qazın geologiyası və geokimyası” seksiyasının, “Elmi Şura”nın, həmçinin AMEA Gənc Alim və Mütəxəssislər Şurası tərəfindən təsis edilən “Gənc Tədqiqatçı” elmi jurnalının Redaksiya Heyətinin üzvüdür.

İnstitutun Gənc Alim və Mütəxəssislər Şurasının İdarə Heyətinin sədri olmaqla bərabər, AMEA Gənc Alim və Mütəxəssislər Şurasının sədrinin baş müşaviri, İdarə Heyətinin üzvüdür.

Elmi-ictimai fəaliyyəti[redaktə | əsas redaktə]

2004-2008-ci illərdə Azərbaycanın alternativ yanacaq-enerji və xammal resurslarına dair yerinə yetirdiyi elmi iş respublikada geniş yayılan, zəngin neft-qaz yataqlarının mövcudluğu fonunda istifadəsi səngiyən, lakin çoxtəyinatlı tətbiqi xüsusiyyətlərinə görə dünyada unikal statusa (BMT Baş Assambleyasının 33/148 saylı Qətnaməsi) malik, ölkəmiz üçün xüsusi perspektivli hesab edilən yanar şistlərin geologiyasına dair ilk alimlik dissertasiyadır.

Elmi tədqiqat sahəsinə: qeyri-ənənəvi yanacaq-enerji və xammal resursları kimi yanar şistlərin, təbii bitumların, şist qazının, eləcə də palçıq vulkanızmının kompleks geoloji, geokimyəvi, geoekoloji tədqiqi, həmçinin dərində yatan çöküntülərin karbohidrogen potensialının və s. öyrənilməsi daxildir.

Fəaliyyəti dövründə AMEA Geologiya və Geofizika İnstitutunda yerinə yetirilən bir sıra tematik elmi işlərdə, yerli və beynəlxalq layihələrdə (Rusiya, Ukrayna, Fransa və s. ölkələrin alimləri ilə birgə) iştirak etmiş, ölkə daxilində və ondan kənarda aparılan çoxsaylı elmi ekspedisiyaların rəhbəri və icraçısı olmuşdur.

Azərbaycan Respublikası Dövlət Neft Şirkətinin Elm Fondunun 2013-cü il üçün elmi tədqiqat layihələri üzrə müsabiqəsində “Qobustanın dərində yatan çöküntülərinin karbohidrogen potensialı (palçıq vulkanlarının yanar şist və neftli süxur tullantıları əsasında)” və Azərbaycan Respublikasının Prezidenti yanında Elmin İnkişafı Fondunun 2015-ci il üçün “Gənc alim və mütəxəssislərin 3-cü qrant müsabiqəsi”ndə “Azərbaycan palçıq vulkanlarının fəaliyyətində geoekoloji riskin qiymətləndirilməsi” mövzularında gənc alimin qrant elmi tədqiqat layihələri qalib olmuşlar.

Tədqiqatlarına dair elmi nəticələri nüfuzlu yerli və xarici konfrans, forum və s. məruzə olunmuş, toplu və jurnallarda çap edilmişdir. 50-yə yaxın elmi əsərin, o cümlədən bir monoqrafiyanın müəllifidir.

Çalışdığı İnstitutun Gənc Alim və Mütəxəssislər Şurasının sədri və AMEA Gənc Alim və Mütəxəssislər Şurasının İdarə Heyətinin üzvü kimi respublikadatəşkil olunan çoxsaylı elmi-ictimai müsabiqələrin, idman yarışlarının, həmçinin beynəlxalq konfrans və forumların Elmi Təşkilat Komitəsinin sədri, həmsədri və üzvü olmuşdur. Ölkənin hüdudlarından kənarda bir sıra beynəlxalq forum, konfrans və görüşlərdə AMEA Gənc Alim və Mütəxəssislər Şurasını təmsil etmişdir.

İcraçısı və rəhbəri olduğu əsas yerli və beynəlxalq elmi tədqiqat mövzuları və layihələri[redaktə | əsas redaktə]

  1. AMEA Geologiya (indiki Geologiya və Geofizika) İnstitutunun “Palçıq vulkanizmi” şöbəsi ilə “Casipan invest LTD” təşkilatının birgə yerinə yetirdiyi “Ələt qəsəbəsi yaxınlığında tikiləcək dəniz limanı ərazisində palçıq vulkanları ilə əlaqədar riskin qiymətləndirilməsi” layihəsi (2009-cu il, icraçı);
  2. AMEA Geologiya (indiki Geologiya və Geofizika) İnstitutunun “Palçıq vulkanizmi” şöbəsi ilə Rusiya Elmlər Akademiyası Geoloji İnstitutu arasında bağlanan əməkdaşlıq Müqaviləsinə əsasən yerinə yetirilən “Qafqaz regionun müasir geodinamikası, flüid rejimi və neft-qazlılığı” adlı elmi tədqiqat işi (Müqavilənin icra müddəti: 2010-2015-ci illər, icraçı)
  3. AMEA Geologiya (indiki Geologiya və Geofizika) İnstitutunun “Palçıq vulkanizmi” şöbəsi və BP şirkəti ilə birlikdə yerinə yetirilən “Şərqi Azərbaycanın dərində yatan paleogen-miosen çöküntülərinin terrigen-karbonat süxurlarının tədqiqi” adlı elmi layihəsi (2011-ci il, icraçı);
  4. Azərbaycan Respublikasının Prezidenti yanında Elmin İnkişafı Fondunun elmi-tədqiqat proqramlarının, layihələrinin və digər elmi tədbirlərin maliyələşdirilməsi məqsədilə qrantların verilməsi üzrə 2011-ci il üçün 1-ci müsabiqənin qalibi olan “Azərbaycanın təbii bitum və yanar şistlərinin tədqiqi” (Layihənin nömrəsi: EİF-2011-1(3)- 82/40-M-22) elmi qrant layihəsi (2011-2012-ci illər, icraçı);
  5. AMEA Geologiya (indiki Geologiya və Geofizika) İnstitutunun “Palçıq vulkanizmi” şöbəsində yerinə yetirilən “Qara dəniz-Xəzər regionunda palçıq vulkanizmi təzahürünün qanunauyğunluqları və müqayisəli analizi” adlı tematik elmi tədqiqat işi (2012-2014-cu illər, icraçı);
  6. AMEA Geologiya (indiki Geologiya və Geofizika) İnstitutunun “Palçıq vulkanizmi” şöbəsilə Ukrayna Milli Elmlər Akademiyasının “Dəniz geologiyası və çökmə filizəmələgəlməsi” bölməsi arasında bağlanan əməkdaşlıq müqaviləsinə əsasən yerinə yetirilən “Azov-Qara dəniz və Qafqaz regionlarının palçıq vulkanlarının müqayisəli tədqiqi” adlı elmi tədqiqat mövzusu (Müqavilənin icra müddəti: 2012-2017-ci illəri əhatə edir, icraçı);
  7. Azərbaycan Respublikası Dövlət Neft Şirkətinin Elm Fondunun 2013-cü il üçün elmi tədqiqat layihələri üzrə müsabiqəsinin qalibi olan “Qobustanın dərində yatan çöküntülərinin karbohidrogen potensialı (palçıq vulkanlarının yanar şist və neftli süxur tullantıları əsasında) adlı qrant elmi tədqiqat layihəsi (2013-2015-ci illər, rəhbər);
  8. AMEA Geologiya və Geofizika İnstitutunun “Palçıq vulkanizmi” şöbəsində yerinə yetiriliən “Xəzər-Qara və Aralıq dənizlərinin palçıq vulkanizmi və onların müqayisəli təhlili” mövzusunda tematik elmi-tədqiqat işi (2015-2017-ci illər, icraçı);
  9. AMEA-nın Yer Elmləri Bölməsinin müfaviq saylı Qərarı ilə AMEA Geologiya və Geofizika İnstitutunun “Palçıq vulkanizmi” şöbəsində yerinə yetirilən “Palçıq vulkanı brekçiyasının aksessor minerallaşmaşının tədqiqi” adlı elmi tədqiqat mövzusu (2016-cı il, icraçı);
  10. AMEA Geologiya və Geofizika İnstitutu və “Total E&P Azerbaijan B.V/Total E&P Absheron B.V” arasında ikitərəfli elmi əməkdaşlığa dair imzalanan Müqavilə çərçivəsində yerinə yetirilən “Ayazaxtarma palçıq vulkanının geoloji və struktur quruluşunun tədqiqi”, adlı elmi tədqiqat mövzusu (2016-cı il, icraçı);
  11. Azərbaycan Respublikasının Prezidenti yanında Elmin İnkişafı Fondunun Gənc alim və mütəxəssislərin 3-cü qrant müsabiqəsinin (EİF/GAM-3-2014-6(21)) qalibi olmuş “Azərbaycan palçıq vulkanlarının fəaliyyətində geoekoloji riskin qiymətləndirilməsi” adlı qrant elmi tədqiqat layihəsi ((EİF/GAM-3-2014-6(21)-24/11/2-M-02) (2015-2016-cı illər, rəhbər));
  12. Azərbaycan Respublikasının Prezidenti yanında Elmin İnkişafı Fondunun elmi-tədqiqat proqramlarının, layihələrinin və digər elmi tədbirlərin maliyyələşdirilməsi məqsədi ilə qrantların verilməsi üzrə 2015-ci ildə elan olunmuş əsas müsabiqəsinin qalibi olmuş “Alternativ enerji mənbəyi kimi Azərbaycanın yanar şistlərinin kompleks tədqiqi, onların istifadə üsullarının texniki-iqtisadi və geoekolojiəsaslandırılması” adlı elmi-tədqiqat layihəsi (EİF-KETPL-2-2015-1(25)-56/32/2) (2017-2019-cu illər, icraçı);
  13. AMEA Geologiya və Geofizika İnstitutu və “Total E&P Azerbaijan B.V/Total E&P Absheron B.V” arasında ikitərəfli elmi əməkdaşlığa dair imzalanan Müqavilə çərçivəsində yerinə yetirilən “Azərbaycanın palçıq vulkanlarının geoloji və struktur quruluşunun tədqiqi”,  adlı elmi tədqiqat mövzusu (2017-cı il, icraçı).

Fəal iştirakı ilə təşkil olunan yerli və beynəlxalq elmi-ictimai tədbirlər[redaktə | əsas redaktə]

  1. AMEA Geologiya (indiki Geologiya və Geofizika) İnstitutunda paytaxt məktəblərinin VIII-XI sinif şagirdləri arasında ümummilli lider Heydər Əliyevin anadan olmasının 90 illik yubileyinə həsr olunmuş “Dünya: gələcək geoloqların gözü ilə” adlı olimpiada (2013-cü il, təşkilatçı: Geologiya və Geofizika İnstitutunun Gənc Alimlər Şurası (sədr – Orxan Abbasov);
  2. AMEA Geologiya (indiki Geologiya və Geofizika) İnstitutunda təşkil olunan Gənc Alim və Tələbələrin “Fundamental və tətbiqi geologiya elmi gənc alimlərin gözü ilə: nailiyyətlər, perspektivlər, problemlər və onların həlli yolları” adlı V Beynəlxalq Konfransı (2013-cü il, Elmi Təşkilat Komitəsinin həmsədri);
  3. Azərbaycan Respublikası Gənclər və İdman Nazirliyinin, AMEA-nın, Azərbaycan Respublikasının UNESCO üzrə Milli Komissiyasının və “Eurodoc” Avropanın Gənc Tədqiqatçılar Şurasının birgə təşkilatçılığı ilə keçirilmiş “Dünya elmində yeni çağırışlar: gənc alimlərin birgə yanaşmaları” mövzusunda Beynəlxalq Bakı Forumu (2014-cü il, “Yerin, kənd təsərrüfatının və ətraf mühitin öyrənilməsində fənlərarası yanaşma” adlı panelin rəhbəri);
  4. AMEA Gənc Alim və Mütəxəssislər Şurasının təşkilatçılığı ilə Bakıda keçirilən “Fundamental və tətbiqi elmlərin (yer, texnika və kimya) aktual problemlərinin həllində multidissiplinar yanaşmanın rolu” mövzusunda Gənc Alim və Mütəxəssislərin Birinci Beynəlxalq Elmi Konfransı (2014-cü il, Elmi Təşkilat Komitəsinin üzvü);
  5. Bakı şəhərində keçirilən “Azərbaycan gənclərinin VII Forumu” (Yasamal rayonundan “Mandat Kommisiyası” tərəfindən nümayəndə seçilməklə tədbirin təşkilatçısı olmuşdur);
  6. AMEA Geologiya və Geofizika İnstitutu tərəfindən təşkil olunan AMEA-nın 70 illiyinə həsr edilmiş Gənc Alim və Tələbələrin “Geologiya və geofizikanın problemlərinin həllində multidissiplinar yanaşma” adlı VI Beynəlxalq Elmi Konfrans (2015-ci il, həmsədr);
  7. AMEA Gənc Alim və Mütəxəssislər Şurasının təşkilatçılığı ilə Bakıda keçirilən “Akademik Elm Həftəliyi- 2015” Beynəlxalq Multidissiplinar Forum (2015-ci il, Elmi Təşkilat Komitəsinin üzvü);
  8. Gəncə şəhərinin 2016-cı ildə “Avropa Gənclər Paytaxtı” seçilməsi ilə əlaqədar AMEA Gənc Alim və Mütəxəssislər Şurası və Gəncə şəhər İcra Hakimiyyətinin birgə təşkilatçılığı ilə qədim Gəncə şəhərində keçirilən “XXI əsrdə dünya elminin inteqrasiya prosesləri” mövzusunda Gənc Alim və Mütəxəssislərin Beynəlxalq Elmi Forumu (2016-cı il, Elmi Təşkilat Komitəsinin üzvü).

Təltifləri[redaktə | əsas redaktə]

  • Əsrin müqaviləsi”nin imzalanmasının 20 illiyi münasibətilə 2014-ci ildə Azərbaycan Milli Elmlər Akademiyasının gənc alimləri arasında keçirilmiş elmi-tədqiqat müsabiqəsinin qalibi.
  • Məhsuldar elmi və ictimai fəaliyyətinə görə 2015-ci ildə AMEA-nın Yer Elmləri Bölməsinin “Fəxri Fərmanı”.
  •  Fəal elmi-ictimai fəaliyyətinə görə 2017-ci ildə Gənclər və İdman Nazirliyi Yasamal Rayon Gənclər və İdman İdarəsinin “Fəxri Fərmanı”
  • Səmərəli elmi-ictimai fəaliyyətinə görə 2017-ci ildə “28 May – Respublika Günü” münasibətilə AMEA-nın Yer Elmləri Bölməsinin “Fəxri Fərmanı”.
  •  Fəal elmi-ictimai fəaliyyətə görə çoxsaylı diplom, sertifikat və s. 

Bəzi elmi əsərləri[redaktə | əsas redaktə]

  1. Аббасов О.Р., Мамедова А.Н., Гусейнов А.Р., Балогланов Э.Э. Некоторые новые данные геохимических исследований горючих сланцев Азербайджана. Геология, геофизика и разработка нефтяных и газовых месторождений. 2013. № 2. с. 32-35.
  2. Бабаев Ф.Р., Аббасов О.Р., Мамедова А.Н., Гусейнов А.Р. Изучение битумов Азербайджана. Актуальные проблемы гуманитарных и естественных наук. 2013. № 7-1. с. 40-42.
  3. Abbasov O.R. Distribution regularities of oil shale in Azerbaijan. Theoretical & Applied Science. 2016. № 3 (35). pp. 165–171.
  4. Abbasov O.R. Geological and geochemical properties of oil shale in Azerbaijan and petroleum potential of deep-seated Eocene-Miocene deposits. European Journal of Natural History. 2016. № 2. pp. 31–40.
  5. Аббасов О.Р., Ибадзаде А.Д., Хасаева А.Б., Гусейнов А.Р., Ахундов Р.В., Балогланов Э.Э. Углеводородный потенциал глубокопогруженных отложений Гобустана (Азербайджан) (на основе горючих сланцев и нефтеносных пород, выбросов грязевых вулканов) в книге: Ресурсовоспроизводящие, малоотходные и природоохранные технологии освоения недр Материалы XIV Международной конференции. 2015. с. 342-343.
  6. Orhan R. Abbasov. Organic compounds in ejected rocks of mud volcanoes as geological and geochemical indicators of source rock: a study of oil shale in Shamakhi-Gobustan region (Azerbaijan). International Journal of Current Advanced Research. 2016. Vol. 5, Issue 7, pp. 1042–1046.
  7. Orhan Rafael Abbasov. Oil shale of Azerbaijan: geology, geochemistry and probable reserves. International Journal of Research Studies in Science, Engineering and Technology. 2015. Vol. 2, Issue 9, pp 31–37.
  8. Matthieu Dupuis, Francis Odonne, Patrice Imbert, Orhan Abbasov, Teymur Figarov, Anthony Dofal, Bruno Vendeville. The Ayaz-Akhtarma mud volcano: an actively growing mud pie in the foothills of the Greater Caucasus, Azerbaijan. 13th International Conference on Gas in Marine Sediments, Tromsø, Norway, 2016, 19-22 September.
  9. Аббасов О.Р. Закономерности распределения и геохимия горючих сланцев Азербайджана. Минеральные ресурсы Украины. 2017, №2, с. 26-34.

İstinadlar[redaktə | əsas redaktə]

http://www.visions.az/en/news/581/70eb8193/

http://www.science.gov.az/forms/doktora-filosofii-instituta-geologii-i-geofiziki/638

http://www.science.gov.az/institutes/15

http://science.gov.az/forms/doktora-filosofii-instituta-geologii-i-geofiziki

http://gencalimler.az/az/content/289

http://palitranews.az/news.php?id=34669

http://anl.az/down/meqale/palitra/2015/fevral/423771.htm

http://ucnoqta.az/news/17397