Ourang Medan

Vikipediya, azad ensiklopediya
Jump to navigation Jump to search
Picto infobox ship.png
Ourang Medan
Ölkə Niderland Niderland
Növü ticarət gəmisi

Ourang MedanMalakka boğazında məlum olmayan səbəbdən bütün heyəti həlak olan və sonradan əfsənəyə çevrilmiş kabus Niderland gəmisi.[1]

Hadisə[redaktə | əsas redaktə]

1947-ci ilin iyun ayında Malakka boğazında üzən 2 Amerika gəmisi Ourang Medan gəmisinin radio operatoru tərəfindən göndərilən "SOS" siqnalını, ardınca isə "Kapitan daxil bütün heyətimiz öldü" radio siqnalı qəbul edir. Radio dalğaları qəbul edən, çaşıb qalmış digər 2 gəminin radio operatorlarının son siqnalı açıq-aydın eşidilir:"Ölürəm" Mesajı alan gəmilərdən biri,Silver Star dərhal koordinatları müəyyən edib, Ourang Medan gəmisini xilas etmək üçün yollanır. Lakin hadisə yerinə yerinə çatan, Silver Star gəmisinin heyəti Ourang Medan gəmisinin yaxşı vəziyyətdə olduğu, ancaq məlum olmayan səbəbdən bütün heyətin cansız cəsədləri ilə qarşılaşmışlar(cəsədlərin içində hətta it də var idi).

Ourang Medan hadisəsini qəribə edən digər amil də bütün cəsədlərin əlləri ilə işarə edərək günəşə baxdıqlarının bildirilməsidir. Ağızları sonunacan açılmış sifətlərində qorxu ifadəsi və dişlərini sıxmış bir şəkildə olan ölülər. Digər bir qəribəlik isə ölənlərin vücudlarında zərbə və ya zorakılıq əlamətlərin olmamasıdır.

Bundan bir müddət sonra tryumların birində bilinməyən səbəbdən tüstünün peyda olması gəmidə axtarış aparan Silver Star gəmisinin heyətinin Ourang Medan gəmisini dərhal tərk etməyə məcbur etdi və bir müddət sonra gəmidə hadisənin baş verməsi səbəbini aydınlaşdırmağa maneə yaradan partlayış baş verdi. Saniyələr sonra isə Ourang Medan gəmisi sulara qərq oldu.

Səbəblər[redaktə | əsas redaktə]

Təhlükəli yüklərı[redaktə | əsas redaktə]

Fərziyyələrin birinə görə hadisəyə səbəb Ourang Medan gəmisinin qaçaqmalçılıq yolu ilə nitroqliserin,zarin və digər təhlükəli maddələrin daşınması zamanı həmin maddələrin dəniz suyu ilə qarışması səbəbindən heyətin zəhərlənməsi və gəminin partlaması ilə nəticələnib. Hadisənin baş vermə dövrünün ikinci dünya müharibəsinin bitməsindən dərhal sonra olmasını nəzərə alsaq, həmin gəmidə daha bir neçə naməlum maddənin olması da təbii ki istisna edilmir (Bu da həmçinin gəmi haqqında heç yerdə rəsmi məlumatın olmamasının səbəbi kimi izah edilir).

Karbon monoksid[redaktə | əsas redaktə]

Tarixdə ilk dəfə olaraq "Bermud üçbucağı" ifadəsini işlətmiş və bir çox paranormal hadisələri işıqlandırmaqla məşhur olan Amerikalı yazıçı Vinsent Qaddisin fərziyyəsinə görə gəmidə baş verən hadisələrə səbəb gəmidə aşkar edilməyən yanğın və ya gəminin qazanxana sistemində baş verən nasazlıqdır. Hər hansı bir bilinməyən səbəbdən gəmidə karbon monoksid qazının sızıntısı nəticəsində gəmidəki heyət zəhərlənmiş və gəminin anidən partlanması ilə nəticələnmişdir.[2]

Paranormal hadisələr[redaktə | əsas redaktə]

Digər bir fərziyyəyə əsasən isə hadisəyə səbəb gəmi heyətinin uçan naməlum obyekt,[3] elmə məlum olmayan digər paranormal güclər və ya ruhlar tərəfindən hücuma məruz qalmasıdır. Heyət üzvlərinin bəzilərinin məhz helə bu səbəbdən də üzlərində dəhşətli qorxu ifadəsi, ağızlarının açıq vəziyyətdə və əllərinin barmaqla işarə göstərməsi buna sübut kimi göstərilir.

İstinadlar[redaktə | əsas redaktə]

  1. Bainton, Roy (September 1999). "A Cargo of Death". Fortean Times. 28. 2007-02-05 tarixində orijinalından arxivləşdirilib.
  2. Gaddis, Vincent (1965). Invisible Horizons. Ace Books, Inc., New York. 125–126. ISBN 0-441-37177-9.
  3. Jessup, Morris K. (1955). The Case For the UFO. Citadel Press, New York. 88–90.