Bermud üçbucağı

Vikipediya, açıq ensiklopediya
Jump to navigation Jump to search
Bermud üçbucağı

Bermud üçbucağı və ya Şeytan üçbucağıAtlantik okeanın şimalında Florida, Bermud adalarıPuerto-Rikonu birləşdirən şərti xətlərin əhatə etdiyi üçbucaq ərazidir. Təqribən yarım milyon kvadrat mil sahəni tutur. Bermud üçbucağı burada çoxlu itmiş obyektə görə sirli yer və anormal zona sayılır. Şeytan üçbucağı və ya Şeytan dənizi kimi tanınan Bermud üçbucağı okeanın təqribən yarım milyon kvadrat mil (1.2 milyon km2) sahəsini tutur. Bu sahə gəmilərin, qayıqların və təyyarələrin itdiyi yüksək qəza bölgəsi kimi qeyd edilmişdir. Bermud üçbucağı kütləvi informasiya vasitələrinin təqdimatında naməlum fizika qanunlarının etibarlı olduğu və ya fizika qanunlarının işləmədiyi qeyri-adi bölgə kimi məşhurlaşmışdır. Bu üçbucaqda bir çox təyyarə və gəmilərin qeybə çəkildiyi kimi bir inanc olduğu halda, ABŞ və bir çox digər dövlətlərin statistikaları bu cür qəzaların digər səyahət bölgələrində də çox olduğunu təsdiq edirlər.

Bermud üçbucağının sahəsi[redaktə | əsas redaktə]

1964-cü ildə Vinsent Qaddis adında Amerikalı yazıçı Arqosy jurnalında tarixdə ilk dəfə olaraq  "Bermud üçbucağı" ifadəsini işlətmiş və onun faktiki sahəsinin Mayami, San Xuan, Puerto-Riko və Bermud adalarının birləşməsi kimi geometrik olaraq göstərmişdir. Lakin digər alimlər onun bu fikirlərini heç də ciddiyə almırlar. Onların fikrincə isə, Bermud üçbucağının ümumi sahəsi 1.3 milyon km2-dən 3.9 milyon km2 arasında dəyişir.

Yaranması[redaktə | əsas redaktə]

Bermud üçbucağında baş verən ilk anormal hadisə 1946-ci ildə həmən Amerikalı yazıçı Vincent Qaddisin müəmmalı şəkildə itən ABŞ hərbi donanmasına məxsus 5 Flight-19 bombardumançı təyyarələnin itməsi haqqında yazdığı məqalənin dərc edilməsi ilə başlıyır.

1950-ci ildə isə Associated Press xəbər agentliyinin müxbiri Edvard Van Vinkılın Bermud üçbucağındakı digər sirli qeyb olmaları xatırlatması və bu ərazini "Şeytan dənizi" adlandırması ilə bu mövzu yenidən aktuallaşır. Sonralar 1964-cü ildə Vinsent Qaddisin "Ölümcül Bermud üçbucağı" adlı redaksiyası baş verən bütün hadisələrin burada cəmlənməsi ilə bu sahəyə öz töhvəsini vermiş oldu.

1974-cü ildə Bermud üçbucağı teoremini dəstəkləyən Çarlz Berliç adında dilçilik üzrə müəllim Bermud üçbucağı adında kitab dərc edir və kitab bestseller olmaqla böyük bir populyarlıq qazanır.

Nəzəriyyələr[redaktə | əsas redaktə]

Bu çılğın nəzəriyyələrlə birlikdə, gəmilərin itməsini aydınlaşdırmaq üçün elm adamlarının inkşaf etdirməyə çalışdıqları nəzəriyyələr də mövcuddur. Məsələn dənizin altında yüksək şəkildə mövcud olan metan qazının, elektrik və ya şimşək ilə qarşılıqlı təsir nəticəsində böyük bir partlayışla gəmini və ya təyyarələri məhv etdiyini düşünənlər var. Təbii ki, bu nəzəriyyələr problemsiz deyil; beləki belə bir partlama dünyanın heç bir yerində müşahidə olunmayıb, əlavə olaraq Bermuda Üçbucağında metan olduğu ilə bağlı heç bir məlumat yoxdur.

Buradaki maqnit sahəsi gəmilərdəki elektrik siqnallarına zərər verdiyinə və ya kompasları xarab etdiyinə görə, onları səhv istiqamətdə yönəltməsi iddialar arasındadı. Ancağ bölgədə aparılan araşdırmalar hər hansı bir maqnit olduğunu göstərmir.

Bermuda Üçbucağı sirri haqqinda insanlar nəzəriyyə yaratmaqla məşğul olsunlar, amma soruşulacaq başqa bir sual var. Realda ortada bir sir mövcuddurmu? Larry Kusche adlı qəzetçi və pilot tam olaraq bu sualı soruşdu. Bermuda Üçbucağında itkin düşdüyü iddia edən Kuşe, Berlitzin yazıları da daxil olmaqla, bütün halları araşdırma etdi və dedi ki, hətta alimləri belə aldadan yayılmış bu nəzəriyyədən fərqli olaraq Bermuda Üçbucağında heç bir sirr yoxdur.

Hadisə[redaktə | əsas redaktə]

Bu teoremin dəstəkçiləri son əsrdə 100-dən çox gəmi və təyyarələrin naməlum şəraitdə itməsi barədə xatırladırlar.

On illər boyunca burada baş verən bir çox qəribə hadisələr haqqında dəqiq informasiya verilməmiş və dərc edilməmişdir. Simsiz rabitənin çox inkişaf etmədiyi vaxtlarda bu cür hekayələrin danışıldığı məlumdur. Çünki 1960-cı illərdən sonra bu bölgədə batan gəmilərin yoxa çıxması xeyli azalmışdır. Ümumiyyətlə isə Bermud üçbucağının bir amerikalı jurnalistin təxəyyülünün məhsulu olduğunu düşünənlər də az deyil. Belə bölgələrin YaponiyaLeyk Ontario ştatının yaxınlığında da olduğu iddia edilir.

Bu haqda yazıçı və araşdırmaçılar tərəfindən şeytanın bölgəsi, Atlantik ölkəsinin qalıqları, pis fikirli insanların əks cazibə aparatlarını istifadə etməsi kimi bir çox nəzəriyyələr irəli sürülmüşdür. Qəribə maqnit sahələri və okean dibinin qazla zəngin olması kimi düşüncələr bunların arasında ən çox işlədilən nəzəriyyələrdir.

Əksər insanlar tərəfindən Bermud üçbucağı sadəcə kimlərsə tərəfindən məşhurlaşdırılmış və qeyri-adi bölgəyə çevrilmiş bir əfsanə kimi qəbul olunmuşdur.

Həmçinin bax[redaktə | əsas redaktə]

Xarici keçidlər[redaktə | əsas redaktə]