Pafos qəsri
| Pafos qəsri | |
|---|---|
 | |
 | |
| Ümumi məlumatlar | |
| Növü | qəsr |
| Ölkə | |
| Koordinatlar | 34°45′13″ şm. e. 32°24′25″ ş. u. |
 Vikianbarda əlaqəli mediafayllar | |
Pafos qəsri ― Kiprdə, Pafos limanının kənarında yerləşən qəsr.
Orijinal Bizans qəsri qərbdə Saranta Kolones qəsrindən 600 metr qərbdə yerləşirdi və 1222-ci ildə baş verən zəlzələ nəticəsində tamamilə dağılmışdır.
İndiki qəsr limanı qorumaq üçün XIII əsrdə Kipr kralları tərəfindən tikilmiş iki qüllədən biri idi. Şərq liman qülləsi 1491-ci il zəlzələsi nəticəsində dağılsa da, dağıntıları liman divarı boyunca hələ də görülə bilər.
16-cı əsrin ortalarında liman qəsri Venesiya Respublikası tərəfindən dağıdıldı. 1592-ci ildə Osmanlılar adanı tutduqdan sonra onu bərpa etdi və möhkəmləndirdi. Qəsrin girişindəki ağ mərmər lövhə (150 × 40 sm), Kiprin Türk komandiri Əhməd Paşa (1589-1593) tərəfindən 1592-ci ildə yenidən qurulmasına işarə edir.
1878-ci ildə Pafos qəsrinin hərbi məqsədlər üçün istifadəsi dayandırıldı və ingilis dövründə duz anbarı olaraq istifadə edildi. Qəsr 1953-cü il zəlzələsində zərər gördü və təmir işləri 1969-cu ilə qədər tamamlandı. Pafos qəsri 21 iyul 1974-cü ildə Türk hava və dəniz qüvvələri tərəfindən Pafos limanının bombardmanı zamanı da zərər görsə də,[1] ciddi ziyan görməmişdi.
Qəsr Pafos şəhərinin ən fərqli yerlərindən birini təmsil edir. Pafos qəsrinin keçmişini araşdırmaq üçün ərazidə bir neçə dəfə arxeoloji qazıntılar aparılmışdır.[2]
Hal-hazırda qəsr turistik məkan olaraq istifadə olunur və bəzən burada tematik sərgilər nümayiş etdirilir. Giriş haqqı 2,50 avrodur və ziyarət saatları qışda 8:30-17:00, yayda isə 8:30-19:30 təşkil edir. Qəsr hal-hazırda əlil arabasından istifadə edən insanlar üçün əlçatmazdır.[3]
İstinadlar[redaktə | mənbəni redaktə et]
- ↑ S. Adamos, "Pafos Harbour 1974 - Λιμανάκι Πάφου", 2012.
- ↑ Lysandrou, Vasiliki. "Integrated Investigation of Built Heritage Monuments: The Case Study of Paphos Harbour Castle, Cyprus". Heritage. 1. 2018: 1–14. doi:10.3390/heritage1010001.
- ↑ "Medieval castle of Pafos - A castle which was rebuilt several times during the diverse history of Cyprus". www.cyprusalive.com (ingilis). 2022-03-15 tarixində arxivləşdirilib. İstifadə tarixi: 2019-05-07. (#empty_citation)