Parisdə gecəyarı (film, 2011)

Vikipediya, açıq ensiklopediya
Jump to navigation Jump to search
Parisdə gecəyarı
ing. Midnight in Paris
Owen Wilson Woody Allen Cannes 2011.jpg
Parisdə gecəyarı filiminin afişası
Janr Komediya, Melodram
Rejissor Vudi Allen
Prodüser
Ssenari müəllifi Vudi Allen
Baş rollarda
Operator Darius Xonci
Bəstəkar Stefane Vrembel
İstehsalçı ing. Gravier Productions
ing. Mediapro
ing. Pontchartrain Productions
Vaxt 94 dəq
Büdcə 17 million $[1]
Gəlir 151,1 million $[1]
Ölkə Flag of the United States.svg ABŞ
Flag of Spain.svg İspaniya
Dil ingilis
fransız
ispan
İl 2011

Vudi Alenin 76 yaşında çəkdiyi 42-ci filmi. Bu rejissor qocalmaq bilmir. Nyu-York, London, Barselonadan sonra Vudi Allen bu dəfə

Parisə səyahət edib. Film Parisin gəzintisi ilə başlayır. Film başlayandan beş dəqiqə boyunca Parisin ayrı-ayrı yerləri göstərilir. Parisin gözəl mənzərələrini isə gözəl musiqi müşayiət eləyir. Film Amerikadan Parisə gələn iki sevgilinin həyatındandır. Daha doğrusu, yazıçı olmaq arzusunda olan və Paris küçələrində öz ilham pərisini axtaran Gil Pender adlı Amerikalı oğlanın başına gələn hadisələr təsvir olunub. Filmin əsas mövzusu isə yalnış zamanda yaşadığına inanan və keçmiş zaman üçün darıxan gənc yazarın Parisdə özünü kəşf etməsidir. Parisdə özünü yalnız hiss edən Gil, şəhəri gəzərkən keçmişə səyahət edir, öz xəyal dünyasını yaradır və 1920-ci illərin Paris mühitinə düşür. Dali, Pikasso , Heminguey, Fitzgerald, Jan Kokto, o dövrün Paris mühiti və Gil Pender. Bu insanlarla tanışlıq gənc yazarın həyatına və dünya görüşünə çox fərqli təsir göstərir. Nişanlısından istədiyi yaxınlığı görməyən Gil öz xəyal dünyasına qapılır, hətta bir eşq macərası da yaşayır.

Vudi Allenin ən böyük ustalığı onun filmlərinin ssenarisidir. "Parisdə Gecəyarısı" filmi də bu baxımdan alqışlanasıdır. 1920-ci illərin Paris mühiti, Dali, Pikasso, Heminquey kimin ağlına gələ bilərdi? Cavab birdir: Vudi Allenin. Filmə baxdıqdan sonra seyrcilərin çoxu o dövrün Parisinə səyahət etmək və o dövrdə yaşamaq xəyalı qura bilər. Axı yazmaq, yaratmaq üçün belə bir mühit hamıya lazımdır. Gertruda Steyni belə yaddan çıxartmayan Vudi Allen ədəbi mühiti bütün gözəlliyi ilə göstərib. Ernest Heminquey obrazındakı vecsizlik, Frensis Skott Fitsceraldın şıklığı yerli-yerindədir. Aktyor heyəti də çox rəngarəngdir. Ouen Uilson, Reyçel Makadams (Ratchel Mcadams), Marion Kotillar (Marion Cotıllar), Maykl Şin (Michael Sheen), Adrien Broudi (Adrien Broody) və Fransa prezidentinin həyat yoldaşı Karla Bruni (Carla Bruni). Ən çox təəccübləndirən isə Edrien Broudinin yaratdığı Salvador Dali obrazıdır. Əgər Parisi heç sevməyən insan varsa, o şəxs bu filməbaxdıqdan sonra yəqin ki fikir dəyişikliyi edəcək. 30 milyon dollarlıq büdcəsi olan film prokatlarda və reklamlarda 116 milyon topladı. Vudi Allen yaradıcılığının bütün detalları bu filmdə toplanıb. Maraqlı dialoqlar, qeyri-adi rejissor gedişləri və s.

İstinadlar[redaktə | əsas redaktə]

  1. 1,0 1,1 "Midnight in Paris (2011)". Box Office Mojo. 20 avqust 2012 tarixində arxivləşdirilib. İstifadə tarixi: 12 avqust 2012.
  2. 2,0 2,1 http://www.sinemalar.com/film/83283/pariste-gece-yarisi

Mənbə[redaktə | əsas redaktə]