Reyçel Makadams

Vikipediya, açıq ensiklopediya
Jump to navigation Jump to search
Reyçel Anna Makadams
Rachel McAdams, TIFF 2012 (bright crop).jpg

Doğum tarixi 17 noyabr 1978 (1978-11-17) (40 yaş)
Doğum yeri London, Ontario, Kanada Kanada
Atası Lans Makadams
Anası Sendi Makadams
Vətəndaşlığı
Peşəsi Aktrisa
Təhsili
Fəaliyyət illəri 2001-indiyədək
IMDb ID 1046097
rachel-mcadams.net
Commons-logo.svg Vikianbarda əlaqəli mediafayllar

Reyçel Anna Makadams (ing. Rachel Anne McAdams; d. 17 noyabr 1978) — kanadalı kinoaktrisa.

Həyatı[redaktə | əsas redaktə]

Kanadanın Ontario əyalətinin London şəhərində dünyaya gəlib. Atası Lans yük maşını sürücüsü, anası Sendi isə tibb bacısı idi. Keylin adlı balaca bacısı və Daniel adında kiçik qardaşı var. Reyçel 13 yaşında yay düşərgəsində Şekspir pyeslərində rol almağa başladı. Liseyi bitirdikdən sonra universitetdə oxumağı planlaşdırmışdı. Teatr müəllimi onu aktyorluq təhsilini davam etdirməsi üçün cəsarətləndirdi. Nəhayət Torontodakı York Universitetinin Teatr fakültəsindən fərqlənmə ilə məzun oldu.

Karyerası[redaktə | əsas redaktə]

Ekranlardakı peşəkar karyerasına Disneyin 1998 tarixli "The Famous Jett Jackson" teleserialı ilə başladı. Bir neçə filmin ardından ona şöhrəti gətirəcək olan çıxışını "Yaramaz qızlar" (2004) və "Xatirə gündəliyi" (The Notebook, 2004) adlı filmlərlə gerçəkləşdirdi. "Xatirə gündəliyi" filmindəki rolu ilə tamaşaçıların rəğbətini qazanmaqla Reyçel bu rola görə bir çox mükafatın sahibi oldu.

Şəxsi həyatı[redaktə | əsas redaktə]

"Xatirə gündəliyi" filmində tərəf müqabili olan Rayan Qoslinq ilə eşq yaşayan tanınmış aktrisa bir müddət sonra Rayandan ayrılmağı qərara aldı. Daha sonra "Midnight in Paris" filmində tanış olduğu Maykl Şin ilə 2010-cu ildə ailə həyatı qurdu. Hal-hazırda balaca qardaşı Daniel ilə birlikdə Torontoda yaşayır. Əlavə olaraq, Reyçelin amerikan yaşıl kartı da var.

Maraqlı faktlar[redaktə | əsas redaktə]

Əsl saç rəngi qəhvəyidir, amma saç rəngini tez-tez dəyişdirməyi sevir.

2005-ci ildə 5 fərqli nominasiyada MTV Film Mükafatına namizəd göstərilən ilk aktrisadır və bu mükafatlardan 3-nə sahib olmuşdur.