Peter Eyzin

Peter Eyzin
Pyotr Yeqoroviç Dmitriyev
Təxəllüsü	Peter Eyzin
Doğum tarixi	1 sentyabr 1943(1943-09-01) (80 yaş)
Doğum yeri	Enexmet[d], Rusiya
Vətəndaşlığı	Rusiya
Milliyyəti	çuvaş türkü
Fəaliyyəti	yazıçı, şair
Fəaliyyət illəri	1962-ci ildən –
Əsərlərinin dili	çuvaşca
Janrlar	şeir, poema, tərcümə
Mükafatları	Mitta Vasli mükafatı laureatı (1997)

Peter Eyzin (çuvaşca: Петĕр Эйзин, pasportda: Pyotr Yeqoroviç Dmitriyev, 1 sentyabr 1943, Enexmet^[d]) — çuvaş şairi, tərcüməçisi, Rusiya Yazıçılar Birliyinin üzvü.

Həyatı

Peter Eyzen 1 sentyabr 1943-cü ildə Çuvaşıstan Respublikasının Alikovsk rayonu, Enexmet kəndində anadan olmuşdur. 1965-ci ildə İ.Y.Yakovlev adına Çuvaşiya Dövlət Pedaqoji İnstitutunun (indiki Çuvaşiya Dövlət Pedaqoji Universitetinin) tarix-filologiya fakültəsini bitirmişdir. 1967-1968-ci illərdə Krasnoarmeysk rayon qəzeti redaksiyasında ədəbi işçi, məsul redaktor vəzifələrində çalışmışdır. 1968-2005-ci illərdə Çuvaşiya Kitab Nəşriyyatında korrektor, redaktor,şöbə müdiri, baş redaktor vəzifələrində işləmişdir. 2005-2008-ci illərdə “Doğma Volqa” («Тӑван Атӑл») dərgisində poeziya bölməsinin müdiri vəzifəsində çalışmışdır. 1980-ci ildə SSRİ Yazıçılar Birliyinin üzvü seçilmişdir. Hazırda Rusiya Yazıçılar Birliyinin üzvüdür.

Fəaliyyəti

Yaradıcılığı

Peter Eyzen bədii yaradıcılığa 1962-ci ildə başlamışdır. İndiyədək onun on kitabı nəşr olunmuşdur. Əsərləri çuvaş türkcəsində yazır. Şeir və poemalarının bir qismi uşaq ədəbiyyatı ilə bağlıdır. O, eyni zamanda tərcümə yaradıcılığı ilə məşğul olmuş, “Macar nağılları”nı doğma çuvaş dilinə çevrimişdir.

Mükafatları

• Çuvaş respublikasının Əməkdar İncəsənət xadimi (1994)
• Mitta Vasli mükafatı laureatı (1997)

Kitabları

• «Кавайт» (Tonqal, 1976);
• «Сар хĕвел» (Qırmız günəş, 1979);
• Çĕмĕрт çути (Albalı rəngi, 1980);
• «Юлашки тумлак» (Sonuncu damla, 1982);
• «Весенняя капля» (Bahar damcısı, 1982);
• «Анне пехилĕ» (Ana vəsiyyəti, 1986);
• «Юлашки çил-тăман» (Son qar fırtınası, 1991);
• Савни юррисем (Sevimli mahnı, 2003).

Ədəbiyyat

• Л. И. Ефимов, «Элĕк Енĕ», Элĕк, 1994.
• «Аликовская энциклопедия», редколлегия: Ефимов Л. И., Ефимов Е. Л., Ананьев А. А., Терентьев Г. К., Шупашкар, 2009, ISBN 978-5-7670-1630-3.
• «Аликовскому району 75 лет», ред. Л. А. Ефимов, Чебоксары, 2002.
• «Чăваш литературин антологийĕ», составители: Д. В. Гордеев, Ю. А. Силэм. Чебоксары, 2003. ISBN 5-7670-1279-2
• Културное наследии Чувашии http://nasledie.nbchr.ru/personalii/pisateli/ejjzin/