Petro Kapşuçenko

Vikipediya, azad ensiklopediya
Naviqasiyaya keç Axtarışa keç
Petro Kapşuçenko
Doğum tarixi 27 sentyabr 1915(1915-09-27)
Doğum yeri
Vəfat tarixi 17 noyabr 2006(2006-11-17) (91 yaşında)
Vəfat yeri
Fəaliyyəti heykəltaraş
Mükafatları Ukraynanın III dərəcəli "Xidmətlərinə görə" ordeni
Kapşuçenko tərəfindən hazırlanmış Vasil Lipkivski heykəli.

Petro Kapşuçenko (ukr. Петро́ Капшуче́нко; 27 sentyabr 1915, Dnepr – 17 noyabr 2006, Nyu-Cersi), digər adları ilə Peter Kapşuçenko və ya Pedro Enko – Ukrayna–ABŞ avanqard rəssamı və heykəltaraşı. Əsas əsərləri Müqəddəs Endryu Memorial Kilsəsinin (Nyu-Cersi) ərazisində yerləşən Vasil Lipkivskinin (1983) və Müqəddəs Kiyevli Olqanın (1987) tunc abidələridir.[1]

Bioqrafiyası

[redaktə | mənbəni redaktə et]

Kapşuçenko Ukraynanın Dnepropetrovsk İncəsənət İnstitutunda heykəltaraşlıq təhsili almışdır. 1941-ci ildə Ukrayna Reyxkomissarlığı dövründə Almaniyada yerləşən məcburi əmək düşərgəsinə aparılmışdır. Müharibədən sonra 1949-cu ilə qədər Almaniyanın Regensburq şəhərindəki köçürülmüş əsirlər düşərgəsində yaşamışdır, daha sonra Argentinada məskunlaşmışdır. Argentinada Pedro Enko kimi tanınan Kapşuçenko heykəltaraşlıq fəaliyyətinə davam etmiş və Argentina mədəniyyətinə verdiyi töhfələrə görə Buenos-Ayres Humanitar Elmlər Universitetinin fəxri üzvü seçilmişdir.[2]

1963-cü ildə həyat yoldaşı Zoya və qızı Lyudmila ilə birlikdə Filadelfiyaya köçmüşdür. Filadelfiyadakı Ukrayna İncəsənət Studiyasında dərs deməyə başlamışdır. 1990-cı illərdə bir çox heykəli Şimali Amerikada baş tutmuş sərgilərdə nümayiş etdirildikdən sonra məşhurluğu artmışdır. Ukraynanın müstəqilliyindən sonra Ukraynanın muzeylərində, o cümlədən, Ostro Akademiyasında və Taras Şevçenko Milli Muzeyində bir sıra fərdi sərgilər keçirmişdir. 2005-ci ildə prezident Viktor Yuşşenko tərəfindən Prezidentin "Xidmətlərinə görə" ordeni ilə təltif edilmişdir.[2]

Bədii mövzuları

[redaktə | mənbəni redaktə et]

Kapşuçenko terrakotta, bürünc və farfordan təxminən 7000 əsər yaratmışdır. O, öz əsərlərində Ukrayna motivlərinə diqqət yetirmiş, tez-tez kazak həyatını təsvir etmişdir.[3] Bundan əlavə, Kapşuçenki İvan Mazepa və Taras Şevçenko da daxil olmaqla, bir sıra əhəmiyyətli Ukrayna şəxsinin heykəltaraşlıq portretlərini yaratmışdır.[4]

İctimai kolleksiyalar

[redaktə | mənbəni redaktə et]

Petro Kapşuçenkonun əsərləri bir sıra yerlərdə saxlanılır:

İstinadlar

[redaktə | mənbəni redaktə et]
  1. ↑ "Metropolitan Vasyl' Lypkivsky gets a bath", The Ukrainian History and Education center, July 25, 2015, March 7, 2023 tarixində arxivləşdirilib, İstifadə tarixi: July 25, 2022
  2. ↑ 1 2 Sawchak, Petrusia, "Philadelphia UNWLA presents exhibit of Kapschutschenko sculptures" (PDF), The Ukrainian Weekly (49), December 7, 2014, səh. 15, March 7, 2023 tarixində arxivləşdirilib (PDF), İstifadə tarixi: July 25, 2022
  3. ↑ "A rare opportunity to see Kapschutschenko sculptures" (PDF), The Ukrainian Weekly (37), səh. 16, September 14, 2014, March 7, 2023 tarixində arxivləşdirilib (PDF), İstifadə tarixi: August 3, 2022
  4. ↑ Yaruchyk, Yulia, "Petro Kapshuchenko's world is the world of each person", The Day Kyiv, October 2, 2012, March 7, 2023 tarixində arxivləşdirilib, İstifadə tarixi: July 25, 2022
  5. ↑ "The sculptures of Petro Kapschutschenko", The National University of Ostroh Academy Museum, March 7, 2023 tarixində arxivləşdirilib, İstifadə tarixi: July 25, 2022
  6. ↑ "Petro Kapshutchenkos studies Vasyl Lypkivsyi monument", The Ukrainian History and Education center, March 7, 2023 tarixində arxivləşdirilib, İstifadə tarixi: July 28, 2022

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Petro_Kapşuçenko&oldid=7023549"