Pilinq

Vikipediya, azad ensiklopediya
Jump to navigation Jump to search

Pilinq nədir?[redaktə | əsas redaktə]

Pilinq dəri səthinin keyfiyyətinin yaxşılaşması və dərinin hamarlaşması üçün kosmetoloqların tətbiq etdiyi metoddur. Pilinqin əsas məqsədi dərinin üst qatlarının kimyəvi qarışıqların tətbiqi nəticəsində tədrici soyulma vasitəsilə aradan qaldırılmasıdır. Soyulduqdan sonra yenidən bərpa olmuş dəri səthi köhnə dəriyə nisbətən daha hamar, gənc, və az qırışlı olur. Tibbi lisenziyası olmayan kosmetoloqlar pilinqin bəzi növlərini tətbiq edə bilərlər. Lakin, dermatoloq və ya plastik cərrah məsləhətindən hər zaman faydalanmaq qadınlara tövsiyə olunur.

Necə Tətbiq Olunur?[redaktə | əsas redaktə]

Kosmetoloq pasiyentin dəri tipinə uyğun olaraq hazırlanmış xüsusi kimyəvi maddələr qarışığını dəri səthinə tətbiq edir. Kimyəvi qarışıq dəridə təhlükə törətməyən və kosmetoloq tərəfindən tənzimlənən yaraların yaranmasına səbəb olur. Yaraların tədrici sağalması yeni dəri toxumaları yaradır və dəri səthini bərpa edir. Köhnə dəri toxumaları və hüceyrələri isə tədricən soyularaq aradan qalxır. Pilinqin tətbiqi zamanı mütəxəssis nəzarəti önəmlidir, çünki dərinin detallı müayinəsi olmadan tətbiq edilən pilinq dəridə xoşagəlməyən izlər və yaralar buraxa bilər.

Pilinqin Faydaları[redaktə | əsas redaktə]

Pilinq ölü dəri toxumalarını soyub çıxararaq alt qatda olan cavan dəri hüceyrələrinin qidalanmasını və daha çox oksigen qəbul etməsini təmin edir. Pilinqin tətbiqi dərini hamarlaşdırır və üzdəki xoşagəlməyən kiçik qırışları aradan qaldırır. Pilinqdən uğurlu istifadə nəticəsində, daha da elastikləşmiş və cavanlaşmış dəri səthindən çapıqlar və ziyillər həmişəlik silinir. Həmçinin, üz dərisinin daha da sağlamlaşması ləkə piqmentlərinin və sızanaqların birdəfəlik müalicəsini təmin edir.

Kimlər İstifadə Edə Bilməz?[redaktə | əsas redaktə]

Siqaret aludəçiliyi olan insanlara pilinq tətbiqi qadağandır. İnfeksiyaya meyilli, həssas, və aktiv dəriyə malik insanlar da pilinqdən istifadə etməməlidirlər.  Həmçinin, immuniteti zəif olan və ya immuniteti sürətlə azaldan xəstəliyi olan insanlar üçün pilinqin tətbiqi qadağandır. Əgər son 2-6 ay ərzində dəriyə estetik cərrahiyə olunubsa, pilinqdən istifadə yanlışdır. Ümumiyyətlə, dərini müayinə edən və diaqnoz qoyan cərrah və ya lisenziyalı kosmetoloq pilinqdən istifadənin düzgün olub-olmamasına qərar verməlidir.

İstinadlar[redaktə | əsas redaktə]

Həmçinin bax[redaktə | əsas redaktə]